Fact Check : राहुल गांधीं 'या' महिला खासदारासोबत लग्नबंधनात अडकणार? सोशल मीडियावर चर्चांना उधाण

राहुल गांधी लवकरच एका महिला खासदारासोबत लग्नबंधनात अडकणार असल्याच्या चर्चांना सोशल मीडियावर उधाण आलं आहे. सोशल मीडियावर एका वृत्तपत्राच कात्रण जबरदस्त व्हायरल होत आहे. यामध्ये राहुल गांधी (Rahul Gandhi Marriage) लग्नबंधनात अडकणार असून येत्या 17 किंवा 22 नोव्हेंबरला लग्न करणार आहेत. 

विशेष म्हणजे या व्हायरल वृत्तानुसार राहुल गांधी महाराष्ट्राचे जावई (Rahul Gandhi to marry MP Praniti Shinde viral on social media) होणार आहेत. सोलापूर लोकसभा मतदारसंघाच्या खासदार प्रणिती शिंदे आणि माजी मुख्यमंत्री सुशीलकुमार शिंदे यांच्या कन्येसोबत राहुल गांधी विवाहबंधनात अडकणार असल्याचं म्हटलं जात आहे. यानंतर सोशल मीडियावर चर्चेला उधाण आलं आहे. अनेकजणं राहुल गांधी आणि प्रणिती शिंदे यांचे फोटो मॉर्फ करून सोशल मीडियावर पोस्ट करीत आहे. तर काहींनी त्यांचे जुने व्हिडिओ रिट्विट करण्यास सुरुवात केली आहे. 

Congressi Journalists like Abhay Dubey are saying Rahul Gandhi can marry Praniti Shinde, daughter of Sushil Kumar Shinde.

Abhay Dubey says main reason is that Praniti is Dalit and this can help Rahul Gandhi gain big vote bank.

To become PM, Rahul will do Poltics in marriage… pic.twitter.com/vJATlcgTcd

— Ankur Singh (@iAnkurSingh) September 8, 2024

याशिवाय एका युट्यूब चॅनलवर Loud India TV चे वरिष्ठ पत्रकार संतोष भारतीय आणि अभय कुमार दुबे यांनीही या अफवेवर चर्चा केली. याची क्लिपही सोशल मीडियावर शेअर केली जात आहे. दरम्यान काँग्रेसचे राष्ट्रीय प्रवक्ता अखिलेश सिंह यांनी या वृत्ताचं खंडन केलं आहे. ही एक अफवा असल्याचं त्यांनी सांगितलं. सोशल मीडियावर अशा प्रकारची चर्चा रंगत असते. काही व्हिडिओ शेअर करीत राहुल गांधी आणि प्रणिती शिंदे यांच्या लग्नाची चर्चा सोशल मीडियावर सुरू आहे. 

फॅक्ट चेक...
सोशल मीडियावर काँग्रेस नेता राहुल गांधी आणि प्रणिती शिंदे यांच्या लग्नाची बातमी ज्या वृत्तपत्रात आली आहे, त्याचं नाव तिसरा प्रहर असं आहे. हे वृत्तपत्र जोधपूर, पाली आणि जैसलमेरमधून प्रकाशित होणारं सायंकाळचं वृत्तपत्र आहे.

याबाबत बुम लाइव्हनेही फॅक्ट चेक केलं असून सोशल मीडियावरील चर्चेअंती 3 सप्टेंबरला ही बातमी छापण्यात आल्याचं वृत्तपत्र व्यवस्थापकांकडून सांगण्यात आलं. 

ऑक्टोबरच्या अखेरीस राहुल गांधी एका दलित मुलीशी लग्न करणार असल्याच्या अनेक बातम्या सोशल मीडियावर फिरत आहेत.

ती मुलगी म्हणजे देशाचे माजी गृहमंत्री आणि महाराष्ट्राचे माजी मुख्यमंत्री सुशील कुमार शिंदे यांची मुलगी खासदार प्रणिती शिंदे.

सत्य काय आहे माहीत नाही पण असे झाले तर भारतीय… pic.twitter.com/7KmytXvbGP

— Shruti... O+ (@beingshrutip) September 8, 2024

सोशल मीडियावर काही जणांनी या कथित लग्नाचा जातीशी संबंध जोडला आहे. राहुल गांधी एका दलित मुलीशी लग्न करणार असल्याचं म्हटलं जात आहे. दलित महिलेशी लग्न करणारे राहुल गांधी हे एकमेव जनेऊ धारी ब्राह्मण असतील, असंही या पोस्टमध्ये म्हटलं आहे.