मिठी नदीतील गाळ उपसा प्रकरणात बॉलिवूड अभिनेते दिनो मोरिया आणि त्यांचे जवळचे मित्र तसचं शिवसेना उबाठा गटाचे नेते आदित्य ठाकरेंवर आरोप होत आहेत. याचा धागा पकडून शिवसेनेच्या अधिकृत सोशल मीडिया पेजेसवरून व्यंगचित्र काढून आदित्य ठाकरेंवर निशाणा साधण्यात आला आहे. हे व्यंगचित्र सध्या सोशल मीडियावर व्हायरल झाले असून मिठी नदी गाळ उपसा प्रकरणावरून आदित्य ठाकरेंना यातून चांगलेच फटकारण्यात आले आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
मुंबईतील मिठी नदीतील गाळ उपसा प्रकरणात 65 कोटींहून अधिकचा झालेला घोटाळा सध्या राजकीय चर्चेचा मुख्य केंद्रबिंदू बनला आहे. याप्रकरणी मुंबई महापालिकेची फसवणूक केल्याप्रकरणी काही जणांवर गुन्हा दाखल करण्यात आला आहे.
या प्रकरणाची चौकशी मुंबई पोलिसांच्या आर्थिक गुन्हे शाखेकडून केली जात असून याप्रकरणी अटक झालेल्या आरोपींच्या संभाषणात सातत्याने बॉलिवूड अभिनेते दिनो मोरिया आणि भाऊ सँतिनो मोरिया यांची नावे येत आहेत.
( नक्की वाचा : Explainer : फोन कॉलमुळे अडकला डिनो मोरिया! मुंबई पोलिसांकडून चौकशी; काय आहे मिठी नदी घोटाळा? )
मिठी नदीच्या गाळ उपशाची ही कामे उबाठा गटाची महापालिकेवर सत्ता असतानाची काळातली आहेत. त्यामुळे उबाठा गटाचे नेते व आदित्य ठाकरेंचे मित्र आणि बॉलिवूड अभिनेते दिनो मोरिया यांच्यावर आरोप आहेत. मुंबई पोलिसांच्या आर्थिक गुन्हे शाखेने दिनो मोरिया यांची तीन वेळेस चौकशी सुद्धा केली आहे.
याच प्रकरणाचा आधार घेत शिवसेनेने आदित्य ठाकरेंवर सडकून टीका केली आहे. त्यांनी आपल्या सोशल मीडिया पेजेसवर प्रसिद्ध केलेल्या व्यंगचित्रात मिठी नदीरूपी तिजोरीतून एक उंदीर पैसे काढत असून तो मातोश्री - 2 नावाच्या बॅगमध्ये टाकत असल्याचे दिसते आहे. यातील उंदिराला आदित्य ठाकरेंचा चेहरा लावून त्यांची खिल्ली उडवण्यात आली आहे. हे व्यंगचित्र सध्या व्हायरल झाले असून आदित्य ठाकरे आणि बॉलिवूड संबंधांवरही यामुळे प्रकाश टाकण्यात आला आहे.
Track Latest News Live on Marathi.NDTV.com and get news updates from India and around the world
