- तमिळनाडूच्या मंत्री एस. कीर्तना सोमवारी विधानसभेत शपथ घेऊ शकल्या नाहीत
- निवडणूक प्रमाणपत्र सादर न केल्याने एस. कीर्तना यांना शपथ घेता आली नाही
- निवडणूक प्रमाणपत्र सादर केल्यानंतर एस कीर्तना कधीही शपथ घेऊ शकतात
S Keerthana News: तमिळनाडूच्या मंत्री एस. कीर्तना सोमवारी (11 मे) विधानसभेत आमदार म्हणून शपथ घेऊ शकल्या नाहीत. अधिकृत सूत्रांनी दिलेल्या माहितीनुसार, शपथविधीसाठी अनिवार्य असलेले 'निवडणूक प्रमाणपत्र' सादर न केल्यामुळे त्यांना या प्रक्रियेपासून वंचित राहावे लागले. विधानसभेच्या कामकाजाच्या थेट प्रक्षेपणात असे दिसून आले की, जेव्हा विधानसभेचे प्रधान सचिव के. श्रीनिवासन यांनी माइकवर कीर्तना यांचे नाव पुकारले, तेव्हा त्या मुख्यमंत्र्यांच्या खुर्चीसमोर असलेल्या मंचाच्या दिशेने पुढे गेल्या. विधानसभेच्या परंपरेनुसार, शपथ घेणारे आमदार प्रोटेम स्पीकरच्या (सामयिक अध्यक्ष) दिशेने चेहरा करून उभे राहतात.
कीर्तना मंचाजवळ पोहोचताच सचिव श्रीनिवासन यांनी हात उंचावून त्यांच्याकडे निवडणूक प्रमाणपत्राची मागणी केली. पण त्या प्रमाणपत्र सादर करू शकल्या नाहीत. श्रीनिवासन यांना कीर्तना यांनी काय उत्तर दिले, हे स्पष्टपणे समजू शकले नाही.
विधानसभेत नेमके काय घडले?
या संपूर्ण घडामोडीवर भाष्य करताना एका अधिकाऱ्याने सांगितले की,"कीर्तना यांच्याकडे निवडणूक प्रमाणपत्र उपलब्ध नव्हते, असे दिसले. प्रमाणपत्र जमा न केल्यामुळे वरिष्ठ अधिकाऱ्याने त्यांना शपथ घेण्यास नम्रपणे नकार दिला. निवडणूक प्रमाणपत्र जमा केल्यानंतर त्या कोणत्याही वेळी शपथ घेऊ शकतात." अधिकाऱ्याने पुढे सांगितले की, सर्व आमदारांना त्यांचे प्रमाणपत्र सोबत आणण्याच्या स्पष्ट सूचना देण्यात आल्या होत्या. सरकारने एका प्रसिद्धीपत्रकाद्वारेही ही बाब स्पष्ट केली होती.
(नक्की वाचा: Keerthana: कोण आहे कीर्तना? 29 व्या वर्षीच बनली तामिळनाडूची मंत्री, 70 वर्षांचा रेकॉर्ड ही मोडला, हिंदीत ही...)
तमिळनाडूचे मुख्यमंत्री सी. जोसेफ विजय यांच्यासह सर्व नवनिर्वाचित आमदारांनी आधी आपली प्रमाणपत्रे जमा केली आणि त्यानंतर अधिकाऱ्यांच्या सूचनेनुसार संविधानांतर्गत पदाची शपथ घेतली. मंत्रिमंडळात नवव्या क्रमांकावर असलेल्या कीर्तना या शपथ घेण्यासाठी आमंत्रित केल्या जाणाऱ्या शेवटच्या मंत्री होत्या.
Photo Credit: PTI
(नक्की वाचा : Thalapathy Vijay Son: थलपती विजय यांच्या मुलाचे 5 फोटो, वडिलांची आहे कार्बन कॉपी; या भूमिकेत गाजवणार सिनेसृष्टी?)
एस कीर्तना यांनी काँग्रेसच्या उमेदवाराचा केला पराभव
एस. कीर्तना या शिवकाशी विधानसभा मतदारसंघातून निवडून आल्या आहेत. त्यांनी काँग्रेस पक्षाचे अशोकन जी. यांचा 11,670 मतांच्या फरकाने पराभव केला आहे. या निवडणुकीत माजी मंत्री आणि अण्णाद्रमुकचे ज्येष्ठ नेते के. टी. राजेंद्र बालाजी तिसऱ्या क्रमांकावर होते.
(नक्की वाचा : Trisha Krishnan: थलपती विजय यांच्या शपथविधीनंतर त्रिशा कृष्णनची पहिली खास पोस्ट, प्रेमाचा उल्लेख! शब्दांचा नेमका अर्थ काय?)
तामिळनाडू विधानसभेची सध्याची सदस्य संख्या 233 आहे. मुख्यमंत्री विजय यांनी पेरम्बलुर आणि तिरुची पूर्व या दोन्ही जागांवरून विजय मिळवला, ज्यापैकी त्यांनी तिरुची पूर्व मतदारसंघाचा राजीनामा दिला आहे.
Track Latest News Live on Marathi.NDTV.com and get news updates from India and around the world
