U19 World Cup : 4 ओव्हर्स 5 रन्स आणि 5 विकेट्स ! कोण आहे वैष्णवी शर्मा? जिनं रचला इतिहास

Who is Vaishnavi Sharma: भारताची डावखुरी स्पिनर वैष्णवी शर्मानं अंडर 19 वर्ल्ड कपमध्ये इतिहास रचला आहे. मलेशियात सुरु असलेल्या या स्पर्धेतील ग्रुप ए मधील सामन्यात तिनं ही भन्नाट कामगिरी केली. वैष्णवीनं यजमान मलेशियाविरुद्ध चार ओव्हर्समध्ये फक्त 5 रन रन्स देत 5 विकेट्स घेतल्या. या मॅचमध्ये तिनं एक ओव्हर मेडन टाकली. वैष्णवीच्या ऐतिहासिक कामगिरीच्या जोरावर भारतीय टीमनं मलेशियाला 31 रन्सवरच ऑल आऊट केलं. त्यानंतर फक्त 17 बॉल (2.5 ओव्हर्स) मध्ये 10 विकेट्स राखून हा सामना जिंकला. 

पहिली भारतीय 

अंडर-19 महिला टी20 वर्ल्ड कपमध्ये पहिली हॅटट्रिक घेण्याचा रेकॉर्ड दक्षिण आफ्रिकेच्या मॅडिसन लँडसमॅनच्या नावावर आहे. तिनं 2023 साली स्कॉटलंडविरुद्ध झालेल्या मॅचमध्ये हा रेकॉर्ड केला होता. 

(नक्की वाचा : IND vs ENG: पहिल्या T20 साठी इंग्लंडनं जाहीर केली Playing 11, अनुभवी खेळाडूचं पुनरागमन )
 

कोण आहे वैष्णवी शर्मा?

वैष्णवी शर्मा मध्य प्रदेशातील ग्वाहलेरची राहणारी आहे. ती भारताच्या अंडर-19 क्रिकेट टीमची कॅप्टन देखील होती. भारतीय टीममध्ये निवड झालेली ती ग्वाहलेरमधील पहिली महिला क्रिकेटपटू आहे. वैष्णवीनं हे लक्ष्य पूर्ण करण्यासाठी कठोर परिश्रम घेतले आहेत. तिच्या आई-वडिलांचं यामध्ये मोठं योगदान आहे. वैष्णवीचे वडील नरेंद्र शर्मा हे व्यावसायिक ज्योतिष आहेत  

ग्वाहलेरच्या तानसेन क्रिकेट अकादामीमध्ये वैष्णवीनं वयाच्या 13 व्या वर्षांपासून क्रिकेटचं प्रशिक्षण घेण्यास सुरुवात केली. ती पाचव्या वर्षांपासून क्रिकेट खेळत आहे. वैष्णवीनं 2017 साली मध्य प्रदेशच्या अंडर 16 टीमचं प्रतिनिधित्व केलं आहे. ती मध्य प्रदेशच्या सिनिअर टीमकडून खेळली आहे.

2022 मध्ये वैष्णवीनं देशांतर्गत क्रिकेटमध्ये सर्वाधिक विकेट्स घेतल्या होत्या. या कामगिरीसाठी तिला 2022-23 मधील दालमिया पुरस्कार देण्यात आला होता. राधा यादव आणि रविंद्र जडेजा तिचे आदर्श आहेत. 

( नक्की वाचा : Champions Trophy 2025 : चॅम्पियन्स ट्रॉफीसाठी टीम इंडिया जाहीर, 'या ' खेळाडूंना मिळालं दुबईचं तिकीट )
 

भारताचा एकतर्फी विजय

वैष्णवीच्या पाच आणि आयुषी शुक्लाच्या तीन विकेट्सच्या जोरावर मलेशिया टीमची इनिंग फक्त 31 रन्सवरच संपुष्टात आली. भारतानं विजयी लक्ष्य 2.5 ओव्हर्समध्येच पूर्ण केले. भारताकडून जी. तृषानं 12 बॉलमध्ये पाच फोरच्या मदतीनं नाबाद 27 रन केले. भारतीय बॉलर्सनी 10 वाईड बॉल टाकले नसते तर मलेशिया स्कोअर आणखी कमी झाला असता.

भारतीय टीम सध्या चार पॉईंट्सह ग्रुपमध्ये पहिल्या क्रमांकावर आहे. श्रीलंकेचे देखील चार पॉईंट्स आहेत. पण, भारताच्या रन्सची सरासरी (प्लस  9.1), ही श्रीलंकेच्या (प्लस 5.5) पेक्षा जास्त आहे.