Women's U19 T20 WC टीम इंडियाची 'या' खेळाडूंवर भिस्त, वाचा कधी आणि कुठे पाहता येईल सेमी फायनल?

ICC Women's U19 T20 World Cup semifinal, India vs England:  मलेशियामध्ये सुरु असलेल्या आयसीसी महिला अंडर 19 वर्ल्ड कपच्या सेमी फायनलमध्ये टीम इंडियाची लढत इंग्लंडशी होणार आहे. भारतीय टीम या स्पर्धेत आत्तापर्यंत अपराजित आहे. 

भारतानं पहिल्या मॅचमध्ये यजमान मलेशियाचा 10 विकेट्सनं पराभव केला होता. त्यानंतर श्रीलंकाचा 60 रन्सनी तर बांगलादेशचा आठ विकेट्सनं पराभव केला. तर, सुपर सिक्समध्ये स्कॉटलंडवर 150 रन्सनी विजय मिळवला.

( 'NDTV मराठी' चं अधिकृत व्हॉट्सअ‍ॅप चॅनल जॉईन करा )
 

निक्की प्रसादच्या कॅप्टनसीमध्ये खेळणाऱ्या भारतीय टीमटची जी. तृषा प्रमुख आधारस्तंभ आहे. तृषानं स्कॉटलंडविरुद्ध 59 बॉलमध्ये 110 रन काढले होते. त्यामध्ये 13 फोर आणि 4 सिक्सचा समावेश आहे. तृषानं या स्पर्धेतील पाच मॅचमध्ये 76.66 च्या सरासरीनं 230 रन काढले आहेत. इंग्लंडची बॅटर डेव्हिना पेरिन 131 रन्ससह दुसऱ्या क्रमांकावर आहे. 

भारतानं स्कॉटलंडला फक्त 58 रन्सवर ऑल आऊट केलं होतं. आयुषी शुक्लानं आठ रन देऊन चार, तर वैष्णवी शर्मानं पाच रनमध्ये तीन आणि तृषानं सहा रनमध्ये तीन विकेट्स घेतल्या. या स्पर्धेत वैष्णवीनं आत्तापर्यंत 12 तर आयुषीनं 10 विकेट्स घेतल्या आहेत.

( नक्की वाचा :  U19 World Cup : 4 ओव्हर्स 5 रन्स आणि 5 विकेट्स ! कोण आहे वैष्णवी शर्मा? जिनं रचला इतिहास )

 दुसरिकडं इंग्लंडला या स्पर्धेत नशिबानं फारशी साथ दिलेली नाही. आयर्लंड आणि नायजेरिया विरुद्धच्या त्यांच्या लढती पावसामुळे रद्द झाल्या. त्यानंतर उर्वरित सामने त्यांनी जिंकले. त्यामुळे इंग्लिश टीम लीग स्टेजमध्ये चार सामन्यानंतर सहा पॉईंट्ससह दुसऱ्या क्रमांकावर होती. आता इंग्लंडची सेमी फायनलमधील लढत बलाढ्य टीम इंडियाविरुद्ध होणार आहे. 

कुठे आणि कधी होणार सामना?

भारत आणि इंग्लंड यांच्यातील ICC महिला अंडर-19 T20 वर्ल्डचा दुसरा सेमीफायनल 31 जानेवारी रोजी क्वालालंपूर येथे खेळवला जाणार आहे. भारतीय वेळेनुसार हा सामना दुपारी 12 वाजता सुरू होईल.

कुठं पाहता येईल Live?

2025 ICC महिला अंडर19 T20 वर्ल्ड कपच्या सेमी फायनलचे थेट प्रक्षेपण भारतामध्ये स्टार स्पोर्ट्स नेटवर्कवर पाहता येईल. तर या मॅचची लाईव्ह स्ट्रिमिंग डिस्ने प्लस हॉटस्टार अ‍ॅप तसंच वेबसाईटवर तुम्हाला पाहता येऊ शकेल.