आयपीएल 2025 मधील 14 वा सामना रॉयल चॅलेंजर्स बेंगळुरु विरुद्ध गुजरात टायटन्स (RCB vs GT) यांच्यात झाला. या मॅचमध्ये गुजरातनं आरसीबीचा 8 विकेट्सनं पराभव केला. आरसीबीनं या सिझनमध्ये पहिले दोन सामने जिंकत सुरुवात दमदार केली होती. त्यांचा या स्पर्धेतील पहिलाच पराभव आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
साई सुदर्शन (Sai Sudharsan) आणि जोस बटलर (Jos Buttler) या जोडीनं दुसऱ्या विकेटसाठी केलेल्या 75 रन्सच्या भागिदारीमुळे गुजरातचा विजय सोपा झाला. गुजरातचा कॅप्टन शुबमन गिल 14 रनवर आऊट झाल्यानंतर सुदर्शन आणि बटलर यांची जोडी जमली. सुदर्शन थोडा दुर्दैवी ठरला. त्याची हाफ सेंच्युरी फक्त 1 रननं हुकली. त्याला जोश हेजलवुडनं आऊट केलं.
सुदर्शन आऊट झाल्यानंतर जोस बटलरनं मॅचची सूत्रं हाती घेतली. बटलरनं 31 बॉलमध्ये 4 फोर आणि 4 सिक्सच्या मदतीनं हाफ सेंच्युरी पूर्ण केली. हाफ सेंच्युरीनंतर बटलरचा जोर कायम आहे. त्यानं 39 बॉलमध्ये नाबाद 73 रन काढले. तर रदरफर्डनं नाबाद 30 रन्स काढले. या स्पर्धेत बटलर चांगलाच फॉर्मात आहे, त्याचा फायदा गुजरात टायटन्सला होत आहे. बटलर आणि रदरफर्डच्या फटकेबाजीमुळे गुजरातनं हे टार्गेट 17.5 ओव्हर्समध्येच 13 बॉल राखून पूर्ण केलं.
( नक्की वाचा : IPL 2025 : ठुकरा के मेरा प्यार... दुखावलेल्या मोहम्मद सिराजचा RCB ला तडाखा! )
सिराजचा तडाखा
त्यापूर्वी मोहम्मद सिराज आणि इतर गुजरातच्या इतर बॉलर्सनी केलेल्या अचूक बॉलिंगमुळे आरसीबीला 20 ओव्हर्समध्ये 8 आऊट 169 रन करता आले. आरसीबीची सुरुवात खराब झाली. विराट कोहली 7 रन्स काढून आऊट झाला. त्यानंतर फिल सॉल्ट, पडिक्कल आणि कॅप्टन रजत पाटीदारही स्वस्तात आऊट झाले. त्यामुळे आरसीबीची अवस्था 4 आऊट 42 झाली होती.
जितेश शर्मा आणि लियाम लिव्हिंगस्टोननं पाचव्या विकेटसाठी 52 रन्सची पार्टरनरशिप करत इनिंगला सावरण्याचा प्रयत्न केला. शर्मानं 33 रन्स काढले. तर टीम डेव्हिडनं 18 बॉलमध्ये 32 रन करत टीमला गुजरातसमोर 170 रन्सचं आव्हान ठेवलं. या पराभवामुळे आरसीबीला दुहेरी धक्का बसला आहे. पहिल्या पराभवासह त्यांनी पॉईंट टेबलमधील पहिला क्रमांक गमावलाय. आरसीबीची तिसऱ्या क्रमांकावर घसरण झालीय.
Track Latest News Live on Marathi.NDTV.com and get news updates from India and around the world
