अविनाश पवार
एकनाथ खडसे यांचे जावई प्रांजल खेवलकर यांचा पाय आणखी खोलात गेला आहे. त्यांच्या मोबाईलमध्ये जे काही सापडलं आहे त्यामुळे हे प्रकरण किती गंभीर आहे याची पुसटती कल्पना येते. महिला आयोगाच्या अध्यक्ष रूपाली चाकणकर यांनी खळबळ उडवन देणारी माहितीच सार्वजनिक केली आहे. खेवलकर यांच्या मोबाईलमध्ये तब्बल 1749 व्हिडीओ आणि फोटो सापडले आहेत. त्यात 234 अश्लील फोटो आहेत. तर 19 अत्यंत अश्लील व्हिडीओ आहेत. खेवलकरच्या मोबाईलमध्ये मोलकरणींचे अत्यंत वाईट अवस्थेतले व्हिडीओ ही आढळून आले आहेत. मुलींचे विवस्त्र व्हिडीओ, नशा आणि लैंगिक अत्याचाराच्या क्लिप्स ही भेटल्या आहेत.
ही आहे प्रांजल खेवलकरच्या मोबाईलमधली इनसाईड स्टोरी. ही इनसाईड स्टोरी उघड केलीय महिला आयोगाच्या अध्यक्ष रुपाली चाकणकर यांनी. खेवलकरांच्या मोबाईलमध्ये काय काय सापडलं, याबद्दल चाकणकरांनी बरेच खळबळजनक गौप्यस्फोट केले आहेत. खडसेंचे जावई प्रांजल खेवलकरांनी पुण्यात केलेली रेव्ह पार्टी ही फक्त पार्टीपुरती मर्यादित नाही. तर या पार्टीचे धागेदोरे मानवी तस्करीपर्यंत पोहोचत आहेत, असा खळबळजनक गौप्यस्फोट महिला आयोगाच्या अध्यक्ष रुपाली चाकणकर यांनी केला आहे.
नक्की वाचा - Pratap Sarnaik : ओला, उबर, रॅपिडोला जबरा पर्याय! आता एसटी महामंडळाचे 'छावा राइड' ॲप
प्रांजल खेवलकरांच्या मोबाईलमध्ये काय काय आक्षेपार्ह सापडलं, याची यादीच चाकणकरांनी सादर केली आहे. खेवलकरांच्या मोबाईलमध्ये 252 व्हिडीओ आणि 1497 फोटो सापडले आहेत. एकूण 1749 व्हिडीओ आणि फोटो या मोबाईलमध्ये होते. त्यापैकी 234 फोटो आणि 19 व्हिडीओ अत्यंत अश्लील होते. मुलींना विवस्त्र करुन, नशा देऊन त्यांच्यावर लैंगिक अत्याचार केले जात होते. लैंगिक अत्याचाराचे व्हिडीओ शूट करुन त्याचा ब्लॅकमेलिंगसाठी वापर केला जात होता. सिनेमात काम देण्याचं मुलींना आमिष दाखवलं जातं होतं. लोणावळा, गोवा, साकीनाका, जळगावात मुलींना बोलावलं जात होतं. मुलींना पार्टीत बोलावून गांजा आणि अमली पदार्थ दिले गेले. मोलकरणीचेही अत्यंत वाईट अवस्थेतील फोटो समोर आले आहेत. मोबाईलमध्ये 7 मुलींचं नाव आरूष नावाने सेव्ह करण्यात आलं होतं. आरुष नावाचा मुलींचा दलाल असल्याचं उघड झालं आहे.
मुलींना सिनेमात काम देण्याचे आमिष दाखवून लोणावळा, गोवा, साकीनाका, जळगाव येथे बोलवले गेले. त्यांना पार्टीत बोलावून गांजा व अमली पदार्थ दिले गेले. काही मुली दोन वर्षांपासून यांच्याशी संपर्कात होत्या असं रुपाली चाकणकर म्हणाल्या. मला रोहिणी खडसेंबद्दल सहानुभूती आहे असं ही त्या यावेळी म्हणाल्या. खेवलकरांच्या मोबाईलमध्ये काय सापडलं, याची महिला स्वतःहून दखल घेतलीय. या प्रकरणात एकाही मुलीनं महिला आयोगाकडे तक्रार केली नाही, असा एकनाथ खडसेंचा दावा आहे. या प्रकरणात प्रांजल खेवलकरांनी जामिनासाठी अर्ज केला आहे.खेवलकरांना जामीन मंजूर झाला तरी बाहेर आल्यावरही त्यांना अनेक वादळांना तोंड द्यावं लागण्याची शक्यता आहे.
Track Latest News Live on Marathi.NDTV.com and get news updates from India and around the world
