जाहिरात
Story ProgressBack

बारामतीचे 'दादा' बदला!, विधानसभेला युगेंद्र पवार विरुद्ध अजित पवार सामना रंगणार?

युगेंद्र पवार हे अजित पवार यांचे थोरले बंधू श्रीनिवास पवार यांचे पुत्र आहेत. युगेंद्र पवार हे विद्या प्रतिष्ठानचे खजिनदार देखील आहेत.

Read Time: 2 mins
बारामतीचे 'दादा' बदला!, विधानसभेला युगेंद्र पवार विरुद्ध अजित पवार सामना रंगणार?

देवा राखुंडे, बारामती

अवघ्या देशाचं लक्ष लागलेल्या बारामती लोकसभा निवडणुकीचा निकाल लागला. बारामतीकरांनी शरद पवार यांना निवडणुकीत कौल दिल्याचं स्पष्ट झालं आहे. मात्र लोकसभेनंतर आता विधानसभा निवडणुकीत पुन्हा पवार विरुद्ध पवार सामना पाहायला मिळणार का? असा प्रश्न उपस्थित होत आहे. कारण विधानसभा निवडणुकीत बारामतीत अजित पवारांच्या विरोधात युगेंद्र पवार मैदानात उतरु शकतात.   

बारामतीत काका विरुद्ध पुतण्या? असा संघर्ष पुन्हा पाहायला मिळू शकतो. युगेंद्र पवार यांना बारामतीतून उमेदवारी देण्यात यावी, अशी मागणी त्यांच्या कार्यकर्त्यांनी शरद पवार यांच्याकडे केली आहे. आम्हाला बारामतीचा दादा बदलायचाय, असं युगेंद्र पवार यांचे कार्यकर्ते म्हणत आहेत. 

(नक्की वाचा- महाराष्ट्रातील नेता भाजपच्या राष्ट्रीय अध्यक्षपदी? कोणकोणत्या नावांची चर्चा?)

Baramati News

Baramati News

कोण आहेत युगेंद्र पवार?

युगेंद्र पवार हे अजित पवार यांचे थोरले बंधू श्रीनिवास पवार यांचे पुत्र आहेत. युगेंद्र पवार हे विद्या प्रतिष्ठानचे खजिनदार देखील आहेत. शरयु ग्रुपच्या माध्यमातून युगेंद्र पवार व्यवसायामध्येही सक्रिय आहेत. फलटण तालुक्यातील शरयू शुगर कारखान्याची जबाबदारी युगेंद्र पवार यांच्यावर आहे. बारामती तालुका कुस्तीगीर संघाचे देखील ते अध्यक्ष आहेत. 

युगेंद्र पवार हे बारामती लोकसभा निवडणुकीदरम्यान अॅक्टिव्ह दिसले. प्रत्येक मंगळवारी युगेंद्र पवारांचा बारामतीत जनता दरबार असतो. या जनता दरबाराला उस्फुर्त प्रतिसाद देखील मिळत आहे. आज शरद पवारांनी युगेंद्र पवारांच्या जनता दरबाराला उपस्थिती लावत नागरिकांशी संवाद साधला. त्यामुळे आता बारामतीत शरद पवार भाकरी फिरवणार का? असा प्रश्न सर्वसामान्यांना पडला आहे.

(वाचा - 2 वेळा काँग्रेसच्या खासदार, सध्या आंध्राच्या भाजप प्रदेश अध्यक्षा डी. पुरंदेश्वरी लोकसभा अध्यक्षपदी?)

लोकसभा निवडणुकीत पवार विरुद्ध पवार

बारामतीच्या लोकसभा निवडणुकीत उमुख्यमंत्री अजित पवारांनी पत्नी सुनेत्रा पवार यांना मैदानात उतरवलं होतं. पण अजित पवारांचं कुटुंब एकीकडे आणि सर्व पवार कुटुंब एकीकडे असं चित्र या निवडणुकीत पाहायला मिळालं. अजित पवारांचे सख्खे बंधू श्रीनिवास पवार आणि त्यांचं कुटुंब देखील अजित पवारांच्या विरोधात दिसलं होते. विधानसभा निवडणुकीतही हेच चित्र पाहायला मिळणार की काय अशी शक्यता वर्तवली जात आहे. 

Track Latest News Live on Marathi.NDTV.com and get news updates from India and around the world

Follow us:
Switch To Dark/Light Mode
Our Offerings: NDTV
  • मध्य प्रदेश
  • राजस्थान
  • इंडिया
  • मराठी
  • 24X7
Choose Your Destination
Previous Article
ही वाट दूर जाते, पण कुठे? कोस्टल रोड खुला झाल्याच्या दुसऱ्याच दिवशी वाहनांचा 'स्पीड' कमी
बारामतीचे 'दादा' बदला!, विधानसभेला युगेंद्र पवार विरुद्ध अजित पवार सामना रंगणार?
Land slide in ratnagiri khed Traffic disruption
Next Article
रत्नागिरीच्या खेडमध्ये दरड कोसळली, रस्त्यावर 'लाल चिखल'
;