राज्याचे नवे पर्यटन धोरण जाहीर; 18 लाख रोजगार निर्मिती होणार

पर्यटनाला चालना देण्यासाठी राज्याचे पर्यटन धोरण - 2024 तयार करण्यात आले आहे. पर्यटन धोरणाद्वारे राज्यात अंदाजे 1 लाख कोटींची गुंतवणूक व 18 लाख रोजगार निर्मिती होणार आहे. यामध्ये 10 वर्षात पर्यटनस्थळे तसेच पायाभूत सुविधा विकसित करुन पर्यटकांचा ओघ दुप्पट करण्याचे उद्दिष्ट आहे, अशी माहिती पर्यटन मंत्री गिरीश महाजन यांनी दिली. 

( 'NDTV मराठी' चं अधिकृत व्हॉट्सअ‍ॅप चॅनल जॉईन करा )

ग्रामीण व शहरी भागात पर्यटनाद्वारे प्रत्यक्ष व अप्रत्यक्ष रोजगार उपलब्ध करणे हा या धोरणाचा मुख्य उद्देश आहे. राज्यात त्यासाठी उच्चतम दर्जाचे शाश्वत व जबाबदार पर्यटन विकसित करुन ग्रामीण भागातील पर्यटन व कृषी पर्यटनास वाव देण्याच्या दृष्टीने विविध पुरस्कारही देण्याचा निर्णय घेतला आहे.

(नक्की वाचा - 'मी आमदार राजू पाटील यांचा भाचा आहे', ज्येष्ठ नागरिकांना लुटणाऱ्या भामट्याला बेड्या)

राज्यातील लघु, मध्यम, मोठे, मेगा, अल्ट्रा मेगा प्रकल्पांना अ, ब, क, गटांमध्ये विभागण्यात आले असून त्यांना गुंतवणूक व रोजगार निर्मितीच्या आधारे प्रोत्साहन देण्यात येणार आहे. पर्यटन घटकांना व्याज परतावा, एसजीएसटी परतावा, विद्युत शुल्कासह विविध करांमध्ये सवलतींचा धोरणात समावेश आहे. 

(नक्की वाचा- 'आता मला गरज आहे, माझे 15 लाख रुपये द्यावे'; पठ्ठ्याने चक्क PM मोदींनाच लिहिले पत्र)

ग्रामीण भागातील पर्यटन उद्योगांसाठी होम स्टे, ॲग्रो टुरिझम या स्पर्धा विभागनिहाय राबविण्यात येणार आहेत. या धोरणामुळे राज्याचा देशातील राज्यांमध्ये अग्रेसर राज्य श्रेणीत समावेश होणार आहे.