Solapur Railway Station News : सोलापूर रेल्वे स्थानकातील तिकीट गृह आणि चौकशी कक्षासमोरील पीओपी छताचा मोठा भाग अचानक कोसळल्याने रेल्वे प्रशासनाच्या देखभाल व्यवस्थेवर गंभीर प्रश्न उपस्थित झाले आहेत. सुदैवाने घटनेच्या वेळी मोठी गर्दी नसल्यामुळे मोठी दुर्घटना टळली.ऑटोमॅटिक तिकीट मशीनजवळ पाच ते सहा प्रवासी उभे असतानाच छताचा भाग कोसळला.या घटनेत काही प्रवासी किरकोळ जखमी झाल्याची माहिती समोर आली आहे.
प्रवाशांच्या सुरक्षेचा प्रश्न पुन्हा ऐरणीवर
विशेष म्हणजे सोलापूर रेल्वे स्थानक हे महाराष्ट्रासह आंध्र प्रदेश,कर्नाटक आणि इतर राज्यांतील हजारो प्रवाशांचे महत्त्वाचे केंद्र मानले जाते.दररोज मोठ्या संख्येने प्रवासी या स्थानकावरून प्रवास करत असताना अशा प्रकारची घटना घडल्याने सुरक्षेचा प्रश्न पुन्हा ऐरणीवर आला आहे. स्थानकावरील छत अनेक वर्षांपासून जीर्ण अवस्थेत असल्याचा आरोप प्रवाशांनी केला असून नियमित तपासणी आणि देखभाल करण्यात रेल्वे प्रशासन अपयशी ठरल्याची टीका होत आहे.
नक्की वाचा >> Pune News: विद्येचं माहेरघर असलेल्या पुण्यात बोगस इंटिग्रेटेड कॉलेजचा पर्दाफाश, विद्यार्थ्यांना बसला मोठा फटका
प्रवाशांची रेल्वे प्रशासनाविरोधात तीव्र नाराजी
“मोठी दुर्घटना घडल्यानंतरच प्रशासन जागे होणार का?” असा संतप्त सवाल प्रवाशांनी उपस्थित केला आहे.घटना घडल्यानंतर रेल्वे प्रशासनाने तातडीने डागडुजीचे काम सुरू केले असले, तरी प्रवाशांच्या सुरक्षेची जबाबदारी नेमकी कोण घेणार,असा प्रश्न उपस्थित होत आहे.दररोज हजारो प्रवाशांची वर्दळ असलेल्या सोलापूर रेल्वे स्थानकात जीर्ण छताची वेळेत दुरुस्ती का करण्यात आली नाही?असाही प्रश्न प्रवासी वर्गाकडून विचारला जात आहे.
नक्की वाचा >> Pandharpur News: पंढरपुरात विठ्ठलाचं VIP दर्शन बंद, पण भाजपच्या उमेदवाराने दर्शन रांगेत लढवली मोठी शक्कल
Track Latest News Live on Marathi.NDTV.com and get news updates from India and around the world
