Live update: मुख्यमंत्री देवेंद्र फडणवीस यांच्या भाषणाला सुरूवात झाली आहे. भाषणाच्या सुरूवातील फडणवीस यांनी दी. बा. पाटील यांच्या स्मृतीला अभिवादन केले. 

Live Update: मुंबईत आता हवाई वाहतूकीची क्षमता वाढणार असल्याचं केंद्रीय मंत्री नायडू म्हणाले. अंतरराष्ट्रीय हब नवी मुंबई विमानतळ होईल असा आम्हाला विश्वास आहे. आर्थिक व्यवस्था या विमानतळामुळे सुधारेल असं विश्वास नायडू म्हणाले. दोन लाख रोजगार निर्माण होतील. या विमानतळाचे भूमीपूजन आणि उद्घाटन मोदींनीच केले असे ही ते म्हणाले.  

Live Update: केंद्रीय हवाई वाहतूक मंत्री के. राममोहन नायडू यांचे भाषण सुरू झाले आहे. हवाई वाहतूकीचा जलद गतीने विकास होत आहे. जास्तीत जास्त विमानतळ देशात बांधली जात आहेत. एकाच शहरात दोन विमानतळ या सरकारने बांधून दाखवली आहेत. 

Live Update: अजित पवारांनंतर उपमुख्यमंत्री एकनाथ शिंदे यांच्या भाषणाला सुरूवात झाली आहे. पंतप्रधान नरेंद्र मोदी यांचा विश्वगुरू म्हणून केला उल्लेख. मोदी मुंबईत येतात तेव्हा ते कुठलं ना कुठलं उद्घाटन ते करत असतात. त्यांच्यात हस्ते आता नवी मुंबईच्या एअरपोर्टचं उद्घाटन होत आहे. मोदींचा हात ज्या ज्या ठिकाणी लागतं त्याचं सोनं होतं. 

Live Update: उपमुख्यमंत्री अजित पवार यांच्या भाषणाला सुरूवात झाली आहे. मुंबईच्या विकासाला पंख देणारा चार प्रकल्पाचे आज उद्घाटन होत आहे हे आमचे नशिब आहे असं यावेळी अजित पवार म्हणाले. 

Live Update: नवी मुंबई विमानतळाचे उद्घाटन झाले आहे. त्यानंतर केंद्रीय हवाई वाहतूक राज्यमंत्री मुरलीधर मोहळ यांचे भाषण सुरू झाले आहे.  

Live Update: पंतप्रधान मोदी कार्यक्रम स्थळी पोहोचले आहेत. नवी मुंबई विमानतळाच्या लोकार्पण सोहळ्याच्या कार्यक्रमाला सुरूवात झाली आहे.  

Live Update:  मोदींचा ताफा कार्यक्रम स्थळी रवाना झाला आहे. त्यांच्या सोबत मुख्यमंत्री देवेंद्र फडणवीस, केंद्रीय मंत्री मुरलीधर मोहळ उपस्थित आहेत. उपमुख्यमंत्री एकनाथ शिंदे आणि अजित पवार ही त्यांच्या सोबत आहे. 

Live Update: मोदींच्या हस्ते लवकरच विमानतळाचे उद्घाटन होणार  आहे. लोकार्पण सोहळा काही काही वेळात सुरू होईल. मोदींचा ताफा कार्यक्रमस्थळी निघाला आहे. 

Live Update: पंतप्रधान मोदींचे ढोल ताशाच्या गजरात स्वागत करण्यात आलं आहे. सध्या मोदी संपूर्ण विमानतळाची पाहणी करत आहे. 

LIVE Update: पंतप्रधान नरेंद्र मोदी नवी मुंबई विमानतळावर दाखल
  

मराठमोळ्या पद्धतीनं PM Modi यांचं नवी मुंबईत स्वागत होणार

नवी मुंबई विमानतळाच्या उद्घाटनाआधी PM मोदींचं ट्वीट

नवी मुंबई आंतरराष्ट्रीय विमानतळाच्या पहिल्या टप्प्याच्या उद्घाटन कार्यक्रमात सहभागी होण्यासाठी नवी मुंबईला जात आहे. यासह, मुंबई महानगर प्रदेशाला दुसरे मोठे आंतरराष्ट्रीय विमानतळ मिळेल, ज्यामुळे व्यापार आणि कनेक्टिव्हिटीला चालना मिळेल. मुंबई मेट्रो लाईन-३ च्या अंतिम टप्प्याचेही उद्घाटन होईल. मुंबईच्या पायाभूत सुविधा वाढवण्यासाठी आणि या गतिमान शहरातील लोकांसाठी 'सुलभता' वाढवण्यासाठी आम्ही वचनबद्ध आहोत.

नवी मुंबई विमानतळावर काय कार्यक्रम असणार?

विमानतळाच्या उद्घाटन सोहळ्याच्या निमित्ताने महाराष्ट्राच्या लोककलेचा भव्य जागर अनुभवता येणार आहे. सिडको आणि अदानी समूहाने खास करून महाराष्ट्राच्या विविध भागांतील लोककला सादरीकरणाचे आयोजन केले आहे.

कोल्हापूरची लावणी, नाशिकचा दहीहंडी नृत्याविष्कार, विदर्भातील गोंधळी, कोकणातील झेलक्यांचा ठेका तसेच आदिवासी आणि आगरी-कोळी नृत्यांच्या तालावर संपूर्ण परिसर रंगून जाणार आहे. या लोककलांचे कार्यक्रम लोकार्पण सोहळ्याआधी सादर होतील.

हे विमानतळ नवी मुंबई आणि महाराष्ट्राच्या विकासासाठी मैलाचा दगड ठरणार आहे, यात शंका नाही!

नवी मुंबई विमानतळला अजूनही दि बा पाटील यांचं नाव न दिल्याने, आज पंतप्रधान नरेंद्र मोदी यांनी आपल्या भाषणातून ती घोषणा करावी अशी मागणी रोहित पवार यांनी केली आहे.

पंतप्रधान मोदींच्या दौऱ्याची सुरुवात दिल्लीतून होणार आहे. दुपारी १२.३५ वाजता ते दिल्लीहून रवाना होतील आणि दुपारी २.४५ वाजता त्यांचे विमान नवी मुंबई विमानतळावर उतरेल.

कसा असेल कार्यक्रम?

नवी मुंबई आंतरराष्ट्रीय विमानतळाचे उद्घाटन पंतप्रधान नरेंद्र मोदी यांच्या हस्ते आज होणार आहे.या उद्घाटन सोहळ्यावर राष्ट्रवादी शरदचंद्र पवार पक्षाने बहिष्कार घातला असून जोपर्यंत नवी मुंबई आंतरराष्ट्रीय विमानतळाला दिबा पाटील यांचे नाव लागत नाही, तोपर्यंत स्थानिक भूमिपुत्र उद्घाटन सोहळे व आनंदोत्सव साजरे करणार नाही, अशी भूमिका स्थानिक भूमीपुत्रांनी घेतली. आजच्या उदघाटन सोहळ्याला आपण उपस्थित राहणार नसल्याची माहिती राष्ट्रवादी शरद पवार पक्षाचे भिवंडी लोकसभा मतदार संघाचे खासदार सुरेश म्हात्रे उर्फ बाळ्या मामा यांनी बुधवारी घेतलेल्या पत्रकार परिषदेत दिली आहे.

कसं आहे नवी मुंबई आंतरराष्ट्रीय विमानतळ?