Badlapur Municipal Corporation Video Viral : बदलापूर नगरपालिकेच्या सर्वसाधारण सभेत शिवसेना आणि राष्ट्रवादीच्या सदस्यांमध्ये जोरदार राडा झाल्याचं समोर आलं आहे. शिक्षक आमदार ज्ञानेश्वर म्हात्रे यांच्या पत्रावरून राष्ट्रवादी काँग्रेसचे स्वीकृत नगरसेवक प्रभाकर पाटील यांनी आक्षेपार्य विधान केलं. त्यामुळे म्हात्रे यांचे भाऊ आणि नगरसेवक वामन म्हात्रे आणि तुकाराम म्हात्रे चांगलेच संतापले.त्यातूनच भर सभागृहात जोरदार हमरी तुमरी झाली. त्याचे पडसाद पालिकेच्या आवारात पाहायला मिळाले.
बदलापूर नगरपालिकेच्या सर्वसाधारण सभेत नेमकं काय घडलं?
शिवसेनेच्या कार्यकर्त्यांनी मोठ्या प्रमाणात गर्दी करत पोलिसांसमोरच गोंधळ घातला. त्यामुळे या ठिकाणी काही काळ तणावाचं वातावरण निर्माण झालं होतं. विशेष म्हणजे सभागृहात राडा झालेला असतानाच पोलिसांच्या उपस्थितीत इतक्या मोठ्या संख्येनं कार्यकर्ते पालिका आवारात शिरलेच कसे? असा सवाल आता उपस्थित होत आहे. अशातच बदलापूर पोलिसांची निष्क्रियता पुन्हा एकदा समोर आली आहे. राजकीय वातावरण तापलेलं असतानाच नगराध्यक्ष रुचिता घोरपडे यांनी मध्यस्थी करत हा वाद मिटवला. त्यामुळे पुढील राडा टळला.
— Naresh Shende (@NareshShen87640) April 22, 2026
नक्की वाचा >> Kolhapur News: व्याजाच्या पैशांच्या बदल्यात सावकाराचा महिलेवर वारंवार अत्याचार, 300 नग्न व्हिडीओ काढले अन्..
बदलापूर नगर परिषदेत भाजप आणि राष्ट्रवादी अजित पवार गटाची सत्ता आहे.शिवसेना शिंदे गट विरोधी पक्षात आहे.निवडणुकीदरम्यान भाजप आणि शिवसेनेमध्ये जोरदार आरोप-प्रत्यारोप झाले होते.नगर परिषदेच्या नगराध्यक्षपदी भाजपाचे उमेदवार निवडून आल्यानंतर शिवसेना शिंदे गटाला मोठा धक्का बसला होता. बदलापुरात महासभेत झालेल्या अमृतगडीनंतर नगरपरिषद आवारात झालेल्या वादामुळे एकच खळबळ उडाली आहे.
Track Latest News Live on Marathi.NDTV.com and get news updates from India and around the world
