अहमदाबाद येथे पंजाब किंग्स आणि मुंबई इंडियन्स यांच्यात आयपीएल 2025 चा क्वालिफायर-2 सामना खेळला जाईल. हा सामना जिंकणारा संघ 3 जून रोजी रॉयल चॅलेंजर्स बंगळूरु (आरसीबी) विरुद्ध अंतिम सामना खेळेल. आरसीबीने याआधीच अंतिम फेरीत आपले स्थान निश्चित केले आहे. पंजाबच्या अलीकडील कामगिरीबद्दल बोलायचे झाल्यास, या संघाने 14 पैकी 9 सामने जिंकून लीग टप्प्यात गुणतालिकेत अव्वल स्थान पटकावले होते. त्यांनी लीगच्या शेवटच्या पाचपैकी चार सामने जिंकले होते. त्यात मुंबई इंडियन्सविरुद्ध 7 विकेट्सच्या विजयाचाही समावेश आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
दुसरीकडे, मुंबई इंडियन्सला हंगामाच्या सुरुवातीला पहिल्या पाचपैकी चार सामन्यांमध्ये पराभव पत्करावा लागला होता. परंतु त्यानंतर त्यांनी जबरदस्त पुनरागमन करत सलग सहा सामने जिंकले आणि प्लेऑफमध्ये स्थान मिळवले. जरी लीगच्या शेवटच्या तीन सामन्यांपैकी दोनमध्ये त्यांना पराभव पत्करावा लागला असला तरी, एलिमिनेटरमध्ये मिळालेल्या विजयानंतर त्यांचा आत्मविश्वास नक्कीच वाढलेला असेल.चला, पाहूया पंजाब आणि मुंबई यांच्यातील या निर्णायक सामन्यात कोणत्या पाच खेळाडूंवर सर्वांच्या नजरा असतील.
1. रोहित शर्मा (मुंबई इंडियन्स): मुंबईचा सलामीवीर आणि अनुभवी रोहित शर्माने एलिमिनेटर सामन्यात 81 धावांची महत्त्वपूर्ण खेळी केली होती. रोहितने या हंगामात आतापर्यंत 14 सामन्यांमध्ये 410 धावा केल्या आहेत. या काळात त्याच्या बॅटमधून चार अर्धशतके आली आहेत.
2. सूर्यकुमार यादव (मुंबई इंडियन्स): सूर्यकुमार सध्या शानदार फॉर्ममध्ये आहे. त्याने या हंगामात मुंबईसाठी 15 सामन्यांमध्ये 67.30 च्या सरासरीने 673 धावा केल्या आहेत. ज्यात पाच शतकांचा समावेश आहे. हा फलंदाज या हंगामात सर्वाधिक धावा करणाऱ्या खेळाडूंमध्ये दुसऱ्या क्रमांकावर आहे.
3. जसप्रीत बुमराह (मुंबई इंडियन्स): मुंबईचा हा अनुभवी वेगवान गोलंदाज जगातील सर्वात घातक गोलंदाजांपैकी एक आहे. बुमराहने या हंगामात 11 सामन्यांमध्ये 18 विकेट्स घेतल्या आहेत.
4. श्रेयस अय्यर (पंजाब किंग्स): जबरदस्त फॉर्ममध्ये असलेला पंजाबचा कर्णधार एकहाती सामन्याचे चित्र बदलण्याची क्षमता ठेवतो. त्याने आयपीएल 2025 मध्ये आतापर्यंत 15 सामने खेळले आहेत. ज्यात 46.91 च्या सरासरीने 516 धावा केल्या आहेत. अय्यरच्या बॅटमधून 5 अर्धशतके पाहायला मिळाली आहेत.
5. अर्शदीप सिंग (पंजाब किंग्स): मुंबईकडे जसप्रीत बुमराह आहे. तर पंजाबकडे अर्शदीप सिंग आहे. अर्शदीप या हंगामात पंजाबचा सर्वात यशस्वी गोलंदाज ठरला आहे, ज्याने 15 सामन्यांमध्ये 18 विकेट्स घेतल्या आहेत.
पंजाब किंग्स संघ: जोश इंग्लिस (यष्टीरक्षक), श्रेयस अय्यर (कर्णधार), प्रियांश आर्य, प्रभसिमरन सिंग, नेहल वढेरा, मार्कस स्टोयनिस, शशांक सिंग, अजमतुल्लाह ओमरजाई, हरप्रीत ब्रार, काइल जेमीसन, अर्शदीप सिंग, मुशीर नौशाद खान, विजयकुमार विशक, प्रवीण दुबे, जेवियर बार्टलेट, सूर्यांश शेडगे, युझवेंद्र चहल, विष्णू विनोद, यश ठाकूर, आरोन हार्डी, कुलदीप सेन, मिशेल ओवेन, हरनूर सिंग, पाइला अविनाश.
मुंबई इंडियन्स संघ: जॉनी बेयरस्टो (यष्टीरक्षक), हार्दिक पांड्या (कर्णधार), रोहित शर्मा, सूर्यकुमार यादव, तिलक वर्मा, नमन धीर, मिशेल सँटनर, राज बावा, ट्रेंट बोल्ट, जसप्रीत बुमराह, रिचर्ड ग्लीसन, अश्विनी कुमार, रॉबिन मिन्झ, रघु शर्मा, कृष्णन श्रीजीत, रीस टॉपले, कर्ण शर्मा, दीपक चहर, चरित असलंका, मुजीब उर रहमान, अर्जुन तेंडुलकर, बेवॉन जेकब्स, सत्यनारायण राजू.
Track Latest News Live on Marathi.NDTV.com and get news updates from India and around the world
