- विराट कोहलीने दक्षिण आफ्रिकेविरुद्धच्या मालिकेत आपले फिटनेस पुन्हा एकदा सिद्ध केली.
- कोहलीने कठोर प्रशिक्षण आणि नियंत्रित आहारामुळे स्वतःला तंदुरुस्त ठेवण्यासाठी विशेष प्रयत्न केले आहेत
- कोहलीच्या दैनंदिन आहारात कलिंगडाचा समावेश असून, तो शरीरातील पाण्याची कमतरता भरून काढतो.
Virat Kohli Fintess: दक्षिण आफ्रिकेविरुद्ध नुकत्याच झालेल्या मालिकेत, विराट कोहलीने आपल्या उत्कृष्ट फिटनेस पुन्हा एकदा सिद्ध केली आहे. रनिंग-बिटविन द विकेट असो किंवा फील्डिंग त्याच्या उत्साहामध्ये आणि कार्यक्षमतेत कोणताही बदल झालेला नाही. कोहलीने कठोर प्रशिक्षण (ट्रेनिंग) आणि नियंत्रित आहाराच्या (पोष्टीक खान-पान) माध्यमातून स्वतःला या स्तरावर आणले आहे. त्यांच्या दैनंदिन आहारात (डेली डाइट) विशेषतः तीन फळांचा समावेश आहे. जे तज्ज्ञांशी चर्चा करून त्याने निवडले आहेत. त्यामुळेच तो आजही सर्वात फिट दिसतो. त्या तीन फळांबाबतच आज आपण जाणून घेणार आहोत.
कलिंगड (Watermelon):
कोहली नाश्त्यासोबतच रात्रीच्या जेवणातही कलिंगड खातो. उन्हाळ्यात तो कलिंगड खाणे वाढवतो. या मध्ये 90 ते 92 टक्के पाणी असल्याने ते शरीरातील पाण्याची कमतरता (डिहायड्रेशन) भरून काढते. उष्णतेच्या लाटेपासून (लू) वाचवण्यासाठी आणि वजन कमी करण्यासाठी हे उपयुक्त आहे. कलिंगडामध्ये असलेले इलेक्ट्रोलाइट्स आणि एल-सिट्रुलाइन स्नायूंशी (मांसपेशी) संबंधित समस्या कमी करण्यास मदत करतात, ज्यामुळे खेळाडूंना लवकर आराम मिळतो. त्यामुळे कोहलीच्या आहारात नेहमी कलिंगड आढळून येतं.
पपई (Papaya):
पपई हे आणखी एक फळ आहे, जे कोहलीच्या आहाराचा भाग आहे. पपईमध्ये 'पपैन' (Papain) नावाचे एन्झाइम असते. जे विशेषतः प्रथिनांचे (प्रोटीन) पचन करण्यास मदत करते. हे एन्झाइम प्रोटीनचे विघटन करते. ज्यामुळे पोट फुगणे, अपचन (अजीर्ण) आणि बद्धकोष्ठता (कब्ज) यांसारख्या पोटाच्या समस्यांपासून आराम मिळतो. तसेच, यात दाह (सूज) कमी करणारे गुणधर्म देखील आहेत. पपई पचनासाठी एक वरदान म्हटले जाते. त्यामुळे कोहलीच्या आहारत पपई ही दिसून येते.
ड्रॅगन फ्रूट (Dragon Fruit):
या फळाला 'पिटाया' (Pitaya) असेही म्हणतात आणि हे कोहलीच्या नाश्ता व डिनरमध्ये अनिवार्यपणे समाविष्ट असते. ड्रॅगन फ्रूट अँटिऑक्सिडंट्सने समृद्ध आहे. जे वर्कआउटनंतर होणाऱ्या ऑक्सिडेटिव्ह स्ट्रेसशी लढते. यात असलेले लोह (आयरन) रक्तामध्ये ऑक्सिजनचा प्रवाह (सप्लाय) सुधारण्यास मदत करते. ज्यामुळे स्टॅमिना वाढतो. व्यायामानंतर जलद रिकव्हरीसाठी (Recovery) आणि ऊर्जा टिकवून ठेवण्यासाठी हे फळ अत्यंत महत्त्वाचे आहे. स्टॅमिना आणि रिकव्हरीचा स्त्रोत म्हणून ड्रॅगन फ्रूटकडे पाहीले जाते.
Track Latest News Live on Marathi.NDTV.com and get news updates from India and around the world
