Ulhasnagar Crime News Today : उल्हासनगर शहरात धक्कादायक घटना घडल्याने मोठी खळबळ उडाली आहे. 21 वर्षीय तरुणावर पाच जणांनी जीवघेणा हल्ला केल्याची घटना घडली आहे. या हल्ल्यात गणेश वाघे हा तरुण गंभीर जखमी झाला असून त्याची प्रकृती चिंताजनक असल्याची माहिती मिळत आहे. मिळालेल्या माहितीनुसार,अंबरनाथच्या शिवमंदिर परिसरात राहणारा गणेश वाघे कॅम्प 5 मधील नेताजी चौक परिसरात गेला असताना केक शॉपसमोर ही घटना घडली.
गणेश वाघे रस्त्यावरच कोसळला अन्..
हल्लेखोरांनी गणेशच्या पोटात चाकू खुपसला. त्यानंतर गणेश वाघे हा रस्त्यावरच कोसळला. स्थानिक नागरिकांच्या मदतीने त्याला तात्काळ मध्यवर्ती रुग्णालयात दाखल करण्यात आले. मात्र त्याची प्रकृती चिंताजनक असल्याने पुढील उपचारासाठी कळवा येथील रुग्णालयात हलविण्याची प्रक्रिया सुरू आहे.
नक्की वाचा >> Badlapur News: बदलापूर नगरपरिषदेच्या 'या' अधिकाऱ्याविरोधात गुन्हा, आणखी काही आधिकारी अडकणार, प्रकरण काय?
परिसरात भीतीचे वातावरण
दरम्यान,या घटनेची माहिती मिळताच हिललाइन पोलिसांनी तात्काळ घटनास्थळी आणि रुग्णालयात धाव घेतली. पोलिसांकडून पंचनामा सुरू असून हल्लेखोरांचा शोध घेण्याचे काम सुरू आहे.या घटनेमुळे परिसरात भीतीचे वातावरण निर्माण झाले असून नागरिकांकडून आरोपींना तातडीने अटक करण्याची मागणी होत आहे.
