एका व्यक्तीने त्याच्या 6 वर्षांच्या निरागस मुलीवर बलात्कार करणाऱ्या मित्रावर सूड घेण्यासाठी त्याचे गुप्तांग कापून टाकले. आपल्या मुलीला न्याय मिळवून देण्याचा क्रूर प्रयत्न करूनही, समाजात झालेल्या बदनामीमुळे आणि स्वतःच्या समलैंगिक संबंधांचा (Gay Relationship) झालेला पर्दाफाश सहन न झाल्याने या वडिलांनी टोकाचे पाऊल उचलले.
काय आहे प्रकरण?
हे गंभीर प्रकरण उत्तर प्रदेशातील (Uttar Pradesh) देवरिया (Deoria) जिल्ह्यातील खुखुंदू (Khukhundu) पोलीस ठाण्याच्या हद्दीतील एका गावात घडले आहे. मृत व्यक्ती हा एका आर्केस्ट्रात (Orchestra) नर्तक म्हणून काम करत होता. त्याची पत्नी माहेरी गेली असल्याने, तो आपल्या एका मित्रासोबत भाड्याच्या खोलीत राहत होता.
याच दरम्यान, त्याचे रामबाबू नावाच्या रूममेटसोबत समलैंगिक संबंध (Same-sex relationship) प्रस्थापित झाले होते. मंगळवारी, आरोपी रामबाबूने या व्यक्तीच्या 6 वर्षांच्या मुलीसोबत प्रथम छेडछाड केली आणि नंतर तोंड दाबून तिच्यावर बलात्कार केला, असा आरोप आहे. आपल्या मुलीवर अत्याचार होत असल्याचे पाहून वडील संतप्त झाले. रागाच्या भरात त्यांनी रामबाबूच्या गुप्तांगावर (Private Part) गंभीर हल्ला केला आणि ते कापून टाकले.
( नक्की वाचा : Akola News: अकोला हादरले! गजानन हॉस्पिटलमध्ये रुग्णाचे टोकाचे पाऊल; दरवाज्यातून समोर आले भयावह सत्य )
बदनामी आणि नैराश्याने घेतला बळी
या हल्ल्यानंतर प्रकरण पोलिसांपर्यंत पोहोचले. जखमी आरोपी रामबाबूने पोलिसांना जबाब देताना, पीडितेच्या वडिलांच्या समलैंगिक संबंधांचा खुलासा केला. एकाच वेळी मुलीवर झालेल्या बलात्काराची आणि वडिलांच्या समलैंगिक संबंधांची माहिती सार्वजनिक झाली.
यामुळे गावात आणि परिसरात वडिलांची प्रचंड बदनामी (Defamation) झाली. त्यांना समाजात मान खाली घालावी लागली. या सर्व प्रकरणात आलेल्या नैराश्यातून आणि लोक-लाजेच्या भीतीने त्यांनी आज (शुक्रवार, 24 ऑक्टोबर) गळफास लावून आत्महत्या केली.
मुलीवर झालेल्या अत्याचाराबद्दल पोलिसांनी आरोपी रामबाबूविरुद्ध कठोर कारवाई सुरू केली आहे.बलात्कार पीडितेच्या वडिलांनी दिलेल्या तक्रारीनुसार, पोलिसांनी रामबाबूवर पॉक्सो (POCSO) कायद्यासह संबंधित गंभीर कलमांखाली गुन्हा दाखल केला आहे.
( नक्की वाचा : Social Media Reels चा जीवघेणा खेळ, दिवाळीतल्या 'कार्बाइड गन' चॅलेंजने 14 मुलांचे डोळे कायमचे हिरावले, 122 जखमी )
पीडितेच्या वडिलांच्या आत्महत्येनंतर, खुखुंदू पोलीस तातडीने घटनास्थळी पोहोचले.त्यांनी मृतदेह ताब्यात घेऊन पोस्टमॉर्टमसाठी (Postmortem) पाठवला आहे आणि या प्रकरणाचा अधिक तपास (Investigation) सुरू केला आहे.सध्या आरोपी रामबाबूवर उपचार सुरू असल्याची माहिती आहे. एका अत्यंत संवेदनशील आणि धक्कादायक गुन्ह्यानंतर झालेल्या या आत्महत्येमुळे परिसरात हळहळ व्यक्त होत आहे.
| Helplines | |
|---|---|
| Vandrevala Foundation for Mental Health | 9999666555 or help@vandrevalafoundation.com |
| TISS iCall | 022-25521111 (Monday-Saturday: 8 am to 10 pm) |
| (If you need support or know someone who does, please reach out to your nearest mental health specialist.) | |
Track Latest News Live on Marathi.NDTV.com and get news updates from India and around the world
