दाऊद ते श्रीप्रकाश शुक्ला! गुन्हेगारी जगात प्रेमात पडलेले डॉन अन् त्यांच्या गर्लफ्रेंड्सचे 5 किस्से

Girlfriend Day: तो मृत्यूचा सौदागर असला तरी त्याच्या हृदयातही प्रेम जिवंत होतं. अनेक मोठ्या डॉनच्या आयुष्याची हीच गोष्ट असते. हे तेच डॉन आहेत ज्यांच्या नावाने चांगल्या-चांगल्यांची गाळण उडायची. पण तुम्हाला हे माहीत नसेल की हे डॉनही एका व्यक्तीसमोर मान झुकवायचे. त्यांना घाबरायचे. डॉनसाठी ती व्यक्ती दुसरी कोणी नसून त्यांची प्रेयसी होती. आज गर्लफ्रेंड डे निमित्त, आम्ही तुम्हाला देशातील अशा काही मोठ्या डॉनच्या प्रेमकथांबद्दल सांगणार आहोत.

अंडरवर्ल्ड डॉन दाऊद इब्राहिम

आपल्या काळ्या कृत्यांमुळे दाऊद इब्राहिम जगभरात प्रसिद्ध आहे. आज अनेक देशांचे पोलीस त्याच्या मागावर आहेत. अंडरवर्ल्डमध्ये आजही त्याच्या नावाची दहशत आहे. दाऊद इब्राहिमच्या नावाने चांगल्या-चांगल्यांची पाचावर धारण बसते. असं म्हणतात की दाऊद इब्राहिमची प्रेयसीच अशी स्त्री होती, जिच्यासमोर हा अंडरवर्ल्ड डॉनही नतमस्तक व्हायचा. या डॉनचे मन एकदा नाही, तर चार वेळा वेगवेगळ्या मुलींवर जडले. असं सांगितलं जातं की दाऊद इब्राहिमच्या गर्लफ्रेंड्सच्या यादीत अभिनेत्री मंदाकिनीचंही नाव आहे. मंदाकिनीच्या प्रेमात दाऊद इब्राहिम इतका अडकला होता की, 90 च्या दशकात जेव्हा दाऊद दुबईत रहात होता, तेव्हा मंदाकिनी अनेकदा त्याला भेटायला दुबईला जायची. तिथेच त्यांची मैत्री आणि प्रेम बहरले. अनेकदा ते दोघे सोबत वेळ घालवताना दिसायचे. क्रिकेट मैदानावर ते एकत्र बसलेले असतानाचे फोटोही समोर आले होते. दाऊद इब्राहिमच्या इतर गर्लफ्रेंड्समध्ये अनिता अयूब, महविश हयात आणि सुजाता यांचीही नावे येतात.

काला जठेडी आणि अनुची कहाणी

दिल्ली-एनसीआरमधील काला जठेडी आणि अनुराधा चौधरी यांची प्रेमकथा खूप चर्चेत आहे. या प्रेमकथेची सुरुवात 2020 मध्ये झाली. जेव्हा ते दोघेही पोलिसांपासून लपत होते. अनुराधा, जिला अनु नावाने ओळखले जाते. तिच्या भागात ती 'लेडी डॉन' म्हणूनही ओळखली जाते. अनुची 2021 मध्ये काला जठेडीसोबत भेट झाली. ते दोघेही वेगवेगळ्या कारणांमुळे पोलिसांपासून पळून जात असताना त्यांची भेट झाली. अनुराधा आधीच कुख्यात गँगस्टर आनंदपाल सिंहशी जोडली गेली होती. ती काला जठेडीला भेटली. जेव्हा तोही पोलिसांपासून पळून जात होता. या दोघांनी 2024 मध्ये लग्न केले. दिल्लीत या दोन डॉनचे लग्न झाले. या लग्नासाठी दिल्ली पोलिसांनी कडेकोट सुरक्षा व्यवस्थाही केली होती.

हाजी मस्तान आणि सोना यांची प्रेमकथा

60 आणि 70 च्या दशकात हाजी मस्तानला मुंबईतील 'स्मगलिंगचा किंग' म्हटले जायचे. त्याच्या नावाने चांगले-चांगले लोक घाबरून जायचे. हाजी मस्तानला सोना नावाच्या अभिनेत्रीवर प्रेम झाले. अनेक वर्षे एकमेकांसोबत संबंधात राहिल्यानंतर त्याने सोनाशी लग्न केले. हाजी मस्तानच्या प्रेमकथेवर आधारित 'वन्स अपॉन ए टाइम इन मुंबई' नावाचा एक चित्रपटही बनला आहे.

मोनिका बेदीसाठी पहिल्या पत्नीला दिला घटस्फोट

अंडरवर्ल्ड डॉन अबू सलेम आणि अभिनेत्री मोनिका बेदी यांची प्रेमकथा कोणाला माहित नाही? पण हे फार कमी लोकांना माहित आहे की या दोघांची प्रेमकथा खूप वेगळी आहे. ज्या वेळी मोनिका बेदी अबू सलेमच्या आयुष्यात आली, तेव्हा तो विवाहित होता. त्यावेळी अबूची पत्नी समीरा मुंबईत राहत होती. त्यांना एक मुलगाही होता. पण या हॉट अभिनेत्रीने अबू सलेमच्या हृदयात अशी जागा बनवली की त्याने समीराला घटस्फोट दिला. असं म्हणतात की मुंबई हल्ल्यानंतर अबू सलेम दुबईला शिफ्ट झाला होता. याच दरम्यान एका कार प्रदर्शनादरम्यान त्याची मोनिका बेदीशी भेट झाली. त्यानंतर ते दोघे सतत भेटू लागले. मोनिका अबू सलेमला भेटण्यासाठी खास दुबईला जायची. अबू सलेम आणि मोनिका बेदी यांचे नाते 2002 मध्ये संपुष्टात आले. ते दोघे एकमेकांपासून वेगळे राहू लागले. असंही म्हटलं जातं की अबू सलेमने मोनिका बेदीला बॉलिवूडमध्ये एक मोठा ब्रेक मिळवून देण्याचे वचन दिले होते. अबू सलेमसोबत संबंधात असताना मोनिका बेदीने अनेक मोठ्या चित्रपटांमध्ये कामही केले होते.

प्रेमात श्रीप्रकाश शुक्लाने जीव गमावला 

90 चे दशक आणि श्रीप्रकाश शुक्लाची दहशत. उत्तर प्रदेशमध्ये या दोन्ही गोष्टी समानार्थी झाल्या होत्या. गोरखपूरमधून निघालेला हा मुलगा बघता बघता मोठा डॉन बनला होता. डॉन श्रीप्रकाश शुक्लाचे नाव इतके मोठे झाले होते की त्याच्यासमोर चांगले-चांगले लोक नतमस्तक होत होते. पण मग या डॉनच्या आयुष्यात त्याच्या प्रेयसीची एंट्री झाली. जिने त्याला वेड लावले. असंही म्हणतात की श्रीप्रकाश शुक्ला आपल्या गर्लफ्रेंडच्या प्रेमात इतका अडकला की, पुढे तेच त्याच्या मृत्यूचे कारणही ठरले.  त्या काळात जेव्हा मोबाईल फोन बाळगणे सामान्य नव्हते, तेव्हा श्रीप्रकाश शुक्लाने आपल्या गर्लफ्रेंडला एक महागडा फोन घेऊन दिला होता. श्रीप्रकाश शुक्लाच्या गर्लफ्रेंडचे नाव वसुंधरा होते. असं म्हणतात की पोलिसांनी तिच्या फोनचे लोकेशन ट्रेस करून श्रीप्रकाश शुक्लापर्यंत पोहोचले होते. श्रीप्रकाश शुक्ला वसुंधरावर इतकं प्रेम करायचा की तिच्या एका इशाऱ्यावर काहीही करायला तयार व्हायचा. पण जेव्हा पोलीस त्याच्यापर्यंत पोहोचले, तेव्हा तो आपल्या गर्लफ्रेंडला शेवटचे भेटू शकला नाही.