Minor Boy Losing 13 Lakhs in Online Game: सध्या मुलांना ऑनलाईन गेमिंगचा भयंकर नाद लागला आहे. अनेक तरुणांनी या गेंमिंगच्या नादात लाखो रुपये गमावल्याच्याही घटना घडत असतात. लखनऊमधून असाच एक धक्कादायक प्रकार समोर आला आहे. सहावीत शिकणाऱ्या मुलाने वडिलांच्या खात्यातून तब्बल 13 लाख रुपये गेमिंगमध्ये घालवले आणि त्यानंतर आत्महत्या केली. या घटनेने संपूर्ण कुटुंबाला मोठा धक्का बसला आहे.
समोर आलेल्या माहितीनुसार, लखनौमध्ये (Lucknow) ही मन हेलावणारी आणि तितकीच चिंताजनक घटना घडली. सहावीत शिकणाऱ्या एका विद्यार्थ्याने त्याच्या वडिलांच्या बँक खात्यातून प्रथम 13 लाख रुपये गमावले आणि नंतर आत्महत्या केली. विद्यार्थ्याचे वडील रंगकाम करतात आणि सुमारे दोन वर्षांपूर्वी त्यांनी त्यांची जमीन विकून त्यांच्या बँक खात्यात १३ लाख रुपये जमा केले. सोमवारी जेव्हा तो त्यांच्या बँक खात्याचे पासबुक अपडेट करण्यासाठी गेले तेव्हा त्यांना कळले की ते १३ लाख रुपये त्यांच्या बँक खात्यात नाहीत.
त्यानंतर त्यांच्या पायाखालची जमीन सरकली आणि त्यांनी लगेच त्याबद्दल चौकशी केली. चौकशीत असे दिसून आले की ही मोठी रक्कम ऑनलाइन गेम फ्री फायरद्वारे (Free Fire) खर्च करण्यात आली आहे. हा सगळा प्रकार समोर आल्यानंतर त्यांनी आपल्या मुलाची चांगलीच खरडपट्टी केली. याचाच त्याला राग आणि त्याने आपले आयुष्य संपवले.
Who is Nupur Bora: कोण आहे नुपूर बोरा? जिच्या घरावरील छापेमारीमुळे उडालीय खळबळ
तुमचा स्मार्टफोन सुरक्षित आहे का? (How Safe Your SmartPhone By Childrens Online Gaming)
आता प्रश्न असा उद्भवतो की जर तुमचे मूलही तुमचा स्मार्टफोन वापरत असेल तर मूल आणि बँक खाते दोन्ही सुरक्षित आहे का? अनेक घरांमध्ये मुले त्यांच्या पालकांच्या स्मार्टफोनवर व्हिडिओ पाहतात किंवा मोबाईल गेम खेळतात इत्यादी. अशा लोकांनी खबरदारी म्हणून काही आवश्यक पावले उचलली पाहिजेत (Gaming Addiction Kids Parenting Guide) त्यासाठी बँक खाते आणि फोन सेटिंग्जमध्ये हे बदल करणे आवश्यक आहे. यासाठी, तुम्हाला स्मार्टफोन सेटिंग्जपासून ते बँक खात्याच्या व्यवहार सेटिंग्जपर्यंत काही बदल करावे लागतील. ही सर्व कामे तुम्ही घरी बसून सहजपणे करू शकता. चला त्याबद्दल सविस्तर जाणून घेऊया.
तुमच्या मोबाईलच्या सेटिंग्समध्ये करा हे बदल (Change This Setting For Online Gaming Safety)
बँक खात्याची मर्यादा निश्चित करा: जर पालकांनी त्यांच्या मुलांना स्मार्टफोन दिले तर खबरदारी म्हणून त्यांच्या बँक खात्यात काही बदल करावेत. यामध्ये बँक खात्याची मर्यादा आणि UPI मर्यादा निश्चित करावी लागेल.
पासवर्ड Strong वापरा: बँकिंग अॅपसाठी मजबूत पासवर्ड वापरा, मोबाईलवर UPI अॅप्स वापरा. यासाठी तुम्ही बायोमेट्रिक लॉकचा अवलंब करू शकता, ज्यामध्ये तुमचा फिंगरप्रिंट स्कॅनर किंवा फेस स्कॅनिंगनंतरच स्मार्टफोन अनलॉक होईल. हे लॉक बँकिंग अॅप्स आणि UPI अॅप्सवर वापरता येते.
बँक खाते किंवा UPI मर्यादा सेट करा: खबरदारी म्हणून, बँक खात्यात दैनिक मर्यादा व्यवहार सेट करता येतो. UPI मर्यादा देखील सेट करता येते. तुमच्या मुलाने चुकून पैसे ट्रान्सफर केले तरी कमी मर्यादेमुळे कमी रक्कम ट्रान्सफर होईल. अशा परिस्थितीत नुकसान देखील कमी होईल.
ऑटो सेव्ह पासवर्ड बंद करा: स्मार्टफोन वापरकर्ते बहुतेकदा ब्राउझरमध्ये त्यांचे बँकिंग पासवर्ड सेव्ह करतात. अशा परिस्थितीत, पासवर्ड ऑटो सेव्ह करणे थांबवावे. तसेच, मोबाइल बँकिंग अॅप्स आणि UPI अॅप्सवर मजबूत पासवर्ड वापरावेत.
अ‍ॅप-मधील Installation ब्लॉक करा: गुगल प्ले स्टोअर किंवा अ‍ॅप स्टोअर वरून नवीन अ‍ॅप सेव्ह करण्यासाठी पासवर्ड आणि बायोमेट्रिक पुष्टीकरण चालू करा. प्ले स्टोअरवर पालक नियंत्रणाची एक सुविधा देखील आहे, ती देखील वापरली जाऊ शकते.
Track Latest News Live on Marathi.NDTV.com and get news updates from India and around the world
