मनोज सातवी
काही घटना अशा असतात की त्यामुळे सर्वांनाच विचार करायला भाग पाडलं जातं. सध्या सोशल मीडियाच्या जमान्यात अशा अनेक घटना होत आहे. सोशल मीडियामुळे कुणाशी ही कधीही संवाद साधणे हे सहज शक्य झालं आहे. त्याचे दुष्परिणाम ही दिसून येतात. काही हिंसक घटना ही त्यातून झाल्या आहेत. अशीच एक धक्कादायक घटना नालासोपाऱ्यात घडली आहे. इथं एका तरुणाने एका तरुणीला इन्स्टाग्रामवर मेसेज केला. ऐवढं निमित्त झालं. त्यानंतर भयंकर कांड त्या तरुणीच्या मित्रांनी केला. त्यामुळे सर्वच जण हादरून गेले आहेत.
नालासोपाऱ्यात इन्स्टाग्रामवर एका तरुणीला एक तरुणाने मेसेज पाठवला. याचा तरुणीच्या प्रियकराला भयंकर राग आला. मेसेज का पाठवला याचा जाब विचारण्याचा मानस त्याने केला. शिवाय त्यासाठी त्याने आपल्या काही मित्रांना सोबत घेतलं. ज्याने मेसेज पाठवला होता त्या तरुणाचे नाव प्रतिक वाघे होतं. त्याला त्या तरुणीच्या प्रियकराने गाठले. मोरेगाव तलावाजवळून तो जात होता. त्यावेळी त्यालारस्त्यात अडवण्यात आले. तिथे त्या तरुणा बरोबर वाद घालण्यात आला.
नक्की वाचा - Pune News: पुण्याच्या 'या' डॉक्टरांचे चाहते झाले आनंद महिंद्रा, कारण ही आहे खास
तरुणीच्या प्रियकराचे नाव भूषण पाटील आहे. त्याने थेट प्रतिकला मारहाण करण्यास सुरूवात केली. भूषण बरोबर त्याचे मित्र ही होते. त्यांनीही प्रतिकला मारायला सुरूवात केली. विशेष त्याला मारहाण करतानाचा व्हिडीओ ही त्यांनी तयार केला. या मारहाणीत प्रतिक जबर जखमी झाला. त्याला तिथेच टाकून आरोपींनी पळ काढला. त्यात त्याची हालत बिघडली. स्थानिकांना तो पडलेला आढळला. त्यांनी तातडीने त्याला रूग्णालयात दाखल केले.
Thane Metro ठाणे मेट्रोची प्रतीक्षा संपली! 'या' 10 स्टेशनवरून धावणार मेट्रो, पाहा तुमच्या जवळचं स्टेशन कोणतं?
गंभीर जखमी अवस्थेत प्रतिकला रुग्णालयात दाखल करण्यात आले होते. मात्र त्याला इतके मारण्यात आले होते की तो अर्थमेला झाला होता. डॉक्टरांनी तातडीने त्याच्यावर उपचार सुरू केले. पण उपचारा दरम्यान त्याचा मृत्यू झाला. या घटनेनंतर परिसरात तणावाचे वातावरण निर्माण झाले होते.या प्रकरणी तुळींज पोलिसांनी तत्काळ कारवाई करत तरुणीचा प्रियकर भूषण पाटील, संकेत पाटील, स्वरूप मेहेर यांच्यासह 7 जणांना अटक केली आहे. शिवाय या प्रकरणाचा अधिक तपास पोलीस करत आहेत.
Track Latest News Live on Marathi.NDTV.com and get news updates from India and around the world
