देवा राखुंडे, प्रतिनिधी
Baramati Crime News Today : पोलीस भरती व बँड्समन भरती परीक्षेत अधिक गुण मिळवून देण्याचे आमिष दाखवून एका महिलेवर लैंगिक अत्याचार केल्याप्रकरणी पोलीस उपनिरीक्षक अमरनाथ कुंभार आणि बँड पोलीस कॉन्स्टेबल मारुती करे यांच्यावर बारामती ग्रामीण पोलीस ठाण्यात गुन्हा दाखल करण्यात आला आहे. अमरनाथ कुंभार हे दौंड येथील राज्य राखीव पोलिस दलात कार्यरत असून दुसरा आरोपी मारुती करे हा मुंबई बँड पोलीस दलात कॉन्स्टेबल म्हणून कार्यरत आहेत.
आरोपींनी पीडितेचा विश्वास संपादन करून तिचे लैंगिक शोषण केलं. याप्रकरणी गुन्हा दाखल करण्यात आला आहे.सअन्यायाला वाचा फोडण्यासाठी संबंधित पीडीतेने पोलिसात धाव घेतली होती. मात्र त्या ठिकाणी दाद न मिळाल्याने संबंधित पीडिता न्यायालयात गेली.त्यानंतर न्यायालयाच्या आदेशाने दोन्ही आरोपींविरुद्ध भारतीय न्याय संहिता आणि अनुसूचित जाती-जमाती अत्याचार प्रतिबंध कायद्यांतर्गत गुन्हा नोंदवण्यात आलाय. गंभीर गुन्हा असताना पोलीस प्रशासन आरोपींना अटक करत नाही,असा आरोप आहे. पोलिसांनी आरोपींना तात्काळ ताब्यात न घेतल्यास पुणे ग्रामीण पोलीस अधीक्षक कार्यालयासमोर धरणे आंदोलन करणार असल्याचे पीडितेने सांगितलं.
काय आहे नेमकं प्रकरण?
पीडिता 2022-23 पासून पोलीस भरतीसाठी बारामती मध्ये प्रयत्न करत होती 2024-25 च्या भरतीला तिला बँड्समन मधून देखील भरती होता येत याची माहिती मिळाली.यासंदर्भात प्रशिक्षण घेण्यासाठी संबंधित पीडितेचा मुंबई बँड कॉन्स्टेबल मारुती करे यांच्याशी संपर्क आला.पीडितेने मारुती करे यांच्याकडे बारामतीत मधील सूर्यनगरी परिसरात भरतीपूर्व प्रशिक्षणाचे क्लास लावले.प्रशिक्षणाचे ठिकाण हे बारामती एमआयडीसी पुढील झाडीमध्ये होते. दहा ते बारा मुली आणि सात ते आठ मुले प्रशिक्षण घेत होती.पुढे करे यांनी पीडितेला सत्यमेव अकॅडमीचे बेसमेंट मधील लेक्चर हॉल दाखवला.
नक्की वाचा >> Pune News: विठ्ठल नामाच्या गजरात पालख्या पुण्यात दाखल, आयुक्तांच्या एका कृतीनं सर्व वारकरी झाले खुश, Video
सप्टेंबर 2025 पासून बँड्समन भरतीपूर्व प्रशिक्षणाचे लेक्चर सुरू झाले.याचवेळी या क्लासच्या ठिकाणी पोलीस उपनिरीक्षक अमर कुंभार आले.त्या ठिकाणी अमर कुंभार यांची तरुणीची ओळख झाली. यानंतर मारुती करे यांनी संबंधित तरुणीला अमर कुंभार यांना भेटायला जायचे आहे असं सांगितलं.तरुणीने याला विरोध दर्शवला मात्र जबरदस्तीने या तरुणीला अमर कुंभार यांना भेटण्यासाठी नेण्यात आलं.
भरती व्हायचं आहे की नाही असा दबाव टाकून संबंधित तरुणीची अमर कुंभार यांची भेट घडवून आणली.त्यानंतर ही तरुणी करे यांच्यासोबत कुंभार यांना भेटण्यासाठी गेली त्यानंतर ही तिघेही करे यांचे फ्लॅटमध्ये आले.यावेळी काहीतरी थंड घेऊन येतो असं कारण सांगून करे त्या ठिकाणावरून निघून गेले.त्यानंतर अमर कुंभार यांनी खोलीचा दरवाजा बंद केल आणि तरुणीने विरोध दर्शवला. तू घाबरू नको असं म्हणत कुंभार यांनी तरुणीला पाणी दिल. आणि ते पाणी पिल्यानंतर संबंधित पीडित तरुणीला चक्कर आली असा दावा या तरुणीने केला आहे.
आरोपींनी पीडितेला दिली धमकी
यानंतर पोलीस उपनिरीक्षक कुंभार त्या तरुणीच्या बाजूला बसले आणि तरुणीच्या वेगळ्या हेतूने स्पर्श केले. यावर मला घरी जायचं आहे असं म्हणत तरुणीने विरोध दर्शवला.मात्र कुंभार यांची ऐकण्याची मानसिकता नव्हती,त्यांनी आपल्यावर लैंगिक अत्याचार केला असं तरुणीचे म्हणणं आहे. या सर्व घटनेनंतर पाऊण तासाने मारुती कडे त्या ठिकाणी आले आणि कुंभार आणि करे यांनी तरुणीला कोणाला काही सांगितलं, तर आम्ही तुला भरती होऊ देणार नाही अशी धमकी दिली.
8 एप्रिल 2026 पासून संबंधित पीडित तरुणी पोलीस ठाण्यात चकरा मारत आहे.मात्र तिची कोणीही दखल घेतली नाही असा तिचा आरोप आहे.14 तारखेला केवळ तक्रारी अर्ज घेतला पण पुढील कोणतीही कारवाई झाली नाही.यानंतर संबंधित पीडित तरुणीने न्यायालयात धाव घेतली.त्यानंतर न्यायालयाने म्हणणं ऐकून घेतलं आणि दिनांक 5 जुलै 2026 रोजी न्यायालयाच्या आदेशाने संबंधित आरोपीं विरोधात गुन्हा दाखल झाला.
गुन्हा दाखल होऊन चार ते पाच दिवस झाले मात्र अद्याप पर्यंत आरोपींना अटक केलं नाही.आरोपी ही पोलीस असल्यामुळे प्रशासन त्यांना पाठीशी घालत आहे असा आरोप तरुणीचा आहे.जर त्यांना अटक झाली नाही तर पुरावे नष्ट होण्याची शक्यता आहे.जर संबंधित आरोपींना अटक केली नाही तर येणाऱ्या आठ दिवसात पोलीस अधीक्षक कार्यालयासमोर आपण धरणे आंदोलन करणार असल्याचा इशारा संबंधित पीडित तरुणीने दिला आहे.
Track Latest News Live on Marathi.NDTV.com and get news updates from India and around the world
