Rajasthan Alwar Murder Case : राजस्थानमधील अलवरमध्ये उत्तर प्रदेशच्या मेरठसारखीच एक घटना घडली आहे. येथील खैरथल जिल्ह्यातील किशनगढबासमध्ये एका निळ्या ड्रममध्ये एका पुरुषाचा मृतदेह आढळून आला आहे. हा मृतदेह उत्तर प्रदेशच्या हंसराजचा आहे. पोलिसांनी या प्रकरणी हंसराजची पत्नी सुनीता आणि तिचा प्रियकर तसेच घरमालक जितेंद्र यांना अटक केली आहे. तुम्हाला हे समजल्यावर आश्चर्य वाटेल की या संपूर्ण घटनेचे रहस्य हंसराजचा मोठा मुलगा हर्षल याने उघड केले आहे. हत्येच्या रात्री नेमकं काय घडलं, याचा खुलासा 8 वर्षांच्या हर्षलने केला आहे.
मुलाने उघड केले रहस्य
हर्षलने त्या रात्रीचे सत्य सांगताना अनेक मोठी रहस्ये उघड केली आहेत. हर्षलने सांगितले की, त्याचे वडील हंसराज, आई सुनीता आणि काका जितेंद्र यांनी त्या रात्री एकत्र दारू प्यायली होती. आईने 2 पेग घेतले होते, तर काका आणि वडिलांनी जास्त दारू प्यायली होती. दारू पिल्यानंतर वडील त्याच्या आईला मारू लागले. तेव्हा काकांनी त्यांना वाचवले. याच दरम्यान, त्याच्या आईने तिन्ही मुलांना झोपायला पाठवले आणि त्यांना झोपवले.
( नक्की वाचा : बायकोचा राग मुलावर काढला! बापानं चार मुलांचा विहिरीत ढकलून घेतला जीव? धक्कादायक घटना )
‘वडील बेडवर पडले होते'
रात्री जेव्हा हर्षलची झोप उघडली, तेव्हा त्याने पाहिले की त्याचे वडील बेडवर पडले आहेत. सकाळी जेव्हा तो उठला, तेव्हाही वडील त्याच अवस्थेत बेडवर पडलेले होते. पण त्याने हेही पाहिले की बेडजवळ त्याची आई आणि काका उभे होते. हर्षलने सांगितले की, थोड्या वेळातच त्याचे काका आणि आईने एक निळा ड्रम रिकामा केला, ज्यात पाणी भरले होते आणि त्यात वडिलांना टाकले. त्यानंतर त्यांनी ड्रममध्ये मीठ टाकून तो लपवला.
भट्टीमध्ये जाळण्याची होती योजना
हर्षलने सांगितल्यानुसार, त्यानंतर जितेंद्र आणि त्याची आई ड्रम घेऊन एका विटांच्या भट्टीवर पोहोचले. भट्टीवर काम करणारे काही लोक काकांचे ओळखीचे होते, म्हणूनच ते लोक तिथे गेले होते. पण पोलिसांना याची कुणकुण लागली आणि पोलीस तिथे पोहोचले. पोलिसांनी दोघांनाही पकडले. निरागस हर्षलने सांगितले की, त्याचे वडील त्याच्या आईला मारहाण करायचे आणि विडीने आईला चटके देत. हर्षलने सांगितले की 15 ऑगस्टला त्याच्या वडिलांनी रागाच्या भरात त्याच्यावरही ब्लेडने हल्ला केला होता.
हर्षलने सांगितले की, त्याचा घरमालक काका जितेंद्र नेहमी त्याच्या घरी यायचे आणि त्याच्या आईसोबत राहायचे. ते तिला प्रेम करायचे आणि तिला टॉफी, चॉकलेट आणून द्यायचे. त्याच्या काकांनी त्याचे शाळेत नाव दाखल केले होते. पण ही माहिती मिळताच त्याच्या वडिलांनी त्याच्या आईला मारहाण केली होती.
Track Latest News Live on Marathi.NDTV.com and get news updates from India and around the world
