विधान परिषदेच्या चार जागांचा निकाल आज समोर येणार आहे. विधान परिषदेच्या (Legislative Council Election) मुंबई पदवीधर, कोकण पदवीधर, मुंबई शिक्षक आणि नाशिक शिक्षक या चार मतदारसंघांचा निकाल आज जाहीर होणार आहे. नवी मुंबईतील कोकण भवन येथे मुंबई, कोकण पदवीधर आणि शिक्षक मतदारसंघाची मतमोजणी होईल.
कोकण पदवीधर मतदार संघाच्या (Konkan Graduate Constituency) निवडणुकीची मतमोजणी आज होणार आहे. मतमोजणीची प्रक्रिया सकाळी सुरू होणार असून संपूर्ण राज्याचे लक्ष या निकालाकडे लागले आहे. मतमोजणीच्या सुरक्षेसाठी कडक उपाययोजना करण्यात आल्या आहेत. या मतदार संघात विविध पक्षांचे उमेदवार निवडणुकीच्या रिंगणात उतरले आहेत. मतमोजणीच्या प्रक्रियेचा वेग आणि निकाल हा सर्वांसाठी उत्सुकतेचा विषय ठरणार आहे. मतमोजणीच्या निकालानंतर कोकण पदवीधर मतदार संघाचा नवा प्रतिनिधी कोण असेल, हे स्पष्ट होईल. मतमोजणीच्या ठिकाणी सुरक्षेसाठी आणि शांततेसाठी विशेष व्यवस्था करण्यात आली आहे.
नक्की वाचा - VIDEO: केदारनाथ मंदिरामागे हिमस्खलन; भाविकांमध्ये भीतीचं वातावरण
मुंबई पदवीधरमध्ये उद्धव ठाकरे गटाचे अनिल परब आणि भाजपचे किरण शेलार यांच्यात सामना आहे. दुसरीकडे कोकण पदवीधरमध्ये भाजपचे निरंजन डावखरे आणि काँग्रेसचे रमेश किर यांच्यात लढत आहे.
