Mumbai Mayor News: मुंबईमध्ये महापौर कोणत्या पक्षाचा होणार याकडे सर्वांचे लक्ष लागलंय. या चर्चांदरम्यान मुंबई भाजपचे अध्यक्ष अमित साटम यांनी पत्रकारांशी संवाद साधताना महापौरपदी कोण विराजमान होणार याबाबतची माहिती दिलीय.
मुंबई भाजपचे अध्यक्ष अमित साटम म्हणाले की, भारतीय जनता पार्टीचा कार्यकर्ता कुठलंही सत्तेचं स्थान किंवा अधिकाराचं पद प्राप्त करण्यासाठी काम करत नाही तर तो समाजामध्ये उभ्या असलेल्या शेवटच्या माणसाची सेवा करण्याकरिता काम करतो आणि त्यामुळे कोणतंही पद मिळवण्याकरिता आम्ही आग्रही नाही. मुंबई महानगरपालिकेला भ्रष्टाचारविरहित प्रशासन देणे आणि मुंबई शहराचा विकास घडवून आणणं आणि ज्यावेळेला मुंबई शहराचा विकास होतोय त्यावेळेला मुंबई शहराची सुरक्षितता सुद्धा अबाधित ठेवणं हे आमचे लक्ष आहे, उद्देश आहे. त्या उद्देशाशी आम्ही कटिबद्ध आहोत.
तडजोडीचा विषयच नाही. महायुतीचे 118 नगरसेवक जिंकून आले असल्याने महायुतीचाच महापौर विराजमान होईल. मुंबईचा महापौर शिवसेनेचा का भाजपचा होईल हे महत्त्वाचे नाही. मुंबईला भ्रष्टाचारविरहीत प्रशासन देणे महत्त्वाचे आहे.कोणत्याही एका पक्षाला महापौर पद मिळणं इतकी ही छोटी निवडणूक नव्हती. ही मुंबईच्या पिढ्यांचं भविष्याचं रक्षण करणारी निवडणूक होती. आम्ही महायुती म्हणून निवडणुकीला सामोरे गेलेला आहोत आणि आमचे 118 नगरसेवक निवडून आलेले आहेत.
Track Latest News Live on Marathi.NDTV.com and get news updates from India and around the world
