घटस्फोटामुळे चर्चेत असलेल्या धनश्री वर्मा आणि युजवेंद्र चहल यांच्या नव्या इन्स्टाग्राम पोस्टने पुन्हा चर्चांना उधाण आलं आहे. दोघांचा घटस्फोट झाल्याचे काही रिपोर्ट्स व्हायरल होत आहेत. ज्यात असे म्हटले जात आहे की दोघांचा घटस्फोट झाला आहे. एबीपी न्यूजच्या एका वृत्तानुसार, युजवेंद्र चहल आणि धनश्री वर्मा यांच्या घटस्फोटाच्या खटल्याची अंतिम सुनावणी गुरुवारी, 20 फेब्रुवारी रोजी वांद्रे फॅमिली कोर्टात झाली. अहवालानुसार, सकाळी 11 वाजल्यापासून सुनावणीदरम्यान चहल आणि धनक्षी तेथे उपस्थित होते. न्यायालयाने त्यांना सुमारे 45 मिनिटे चाललेल्या समुपदेशन सत्रात उपस्थित राहण्याचे निर्देश दिले. दोघांनीही परस्पर संमतीने वेगळे होण्याचा निर्णय घेतला.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
रिपोर्ट्समध्ये असंही म्हटलं आहे की, सुनावणीदरम्यान या जोडप्याने सांगितले की वेगळे होण्याचा निर्णय घेण्यापूर्वी ते 18 महिने वेगळे होते. त्याच वेळी, घटस्फोटाबद्दल विचारले असता, दोघांनीही मतभेदाचा उल्लेख केला. यानंतर न्यायाधीशांनी या जोडप्याच्या घटस्फोटाला अधिकृतपणे मान्यता दिली.
(नक्की वाचा- Viral Post : धनश्री -युजवेंद्रच्या घटस्फोटाची चर्चा; लोकांनी 'धोकेबाज' म्हणत या अभिनेत्रीला केलं ट्रोल)
धनश्री वर्माने यानंतर इंस्टाग्राम स्टोरीवर एक पोस्ट शेअर केली. ज्यामध्ये तिने लिहिले की, "स्ट्रेस्ड टू ब्लेस्ड. देव आपल्या चिंता आणि आव्हानांना आशीर्वादात कसे बदलू शकतो हे आश्चर्यकारक नाही का? तुम्ही आज एखाद्या गोष्टीबद्दल तणावात असाल, तर लक्षात ठेवा की तुमच्याकडे एक पर्याय आहे. तुम्ही एकतर काळजी करत राहू शकता किंवा तुम्ही सर्वकाही देवावर सोडू शकता आणि प्रार्थना करण्याचा पर्याय निवडू शकता. देव तुमच्या भल्यासाठी सर्व गोष्टी एकत्र करू शकतो, यावर विश्वास ठेवा."
(नक्की वाचा- Yuzvendra Chahal : युजवेंद्र चहलसोबत दिसलेली मिस्ट्री गर्ल कोण? फोटो व्हायरल)
युजवेंद्र चहलनेही त्याच्या इंस्टाग्राम स्टोरीवर एक पोस्ट शेअर केली आहे. ज्यामध्ये लिहिले की, "देवाने मला किती वेळा वाचवले आहे हे मी मोजू शकत नाही. म्हणून मी फक्त कल्पना करू शकतो की त्याने मला किती वेळा वाचवले आहे, ज्याबद्दल मला माहितीही नाही. मला माहित नसतानाही नेहमी माझ्यासोबत राहिल्याबद्दल देवाचे आभार. आमेन."
