Dharmendra: धर्मेंद्र यांचं दुसरं कुटुंब कोलमडलंय, त्या रडत होत्या...चाहतीने सांगितली हेमा मालिनींची परिस्थिती

Dharmendra News: सनी-बॉबी देओलने बॉलिवूडचे ही-मॅन धर्मेंद्र यांच्यासाठी प्रार्थना सभेचे आयोजन केले होते तर दुसरीकडे अभिनेत्री आणि त्यांची दुसरी पत्नी हेमा मालिनी यांच्या निवासस्थानीही सेलिब्रिटी शोकसभेमध्ये सहभागी झाले होते. धर्मेंद्र यांच्या दोन्ही कुटुंबाने दोन वेगवेगळ्या सभांचे आयोजन केल्याची माहिती समोर आली. हेमा मालिनी यांनी आपल्या निवासस्थानी पतीसाठी शोकसभेसह गीता पठण आणि भजनाचंही आयोजन केले होते. या शोकसभेमध्ये गोविंदा यांच्या पत्नी आणि धर्मेंद्र यांच्या फॅन सुनीता अहुजा मुलासह पोहोचल्या होत्या. सुनीता यांनी शोकसभेबाबतची माहिती शेअर केली.  

हेमा मालिनी यांच्याकडून गीता पठणाचे आयोजन 

धर्मेंद्र यांचे दुसरं कुटुंबही पूर्णपणे कोलमडलंय, असे सुनीता यांनी सांगितले. पुढे सुनीता यांनी म्हटले की, "हेमाजींनी घरामध्ये गीता पठणासह भजनाच्या कार्यक्रमाचे आयोजन केले होते. आम्ही सर्वजण भजन ऐकत होतो. हेमाजी समोर बसल्या होत्या आणि रडत होत्या. मी या दुःखातून स्वतःला सावरू शकत नाही. हे आमच्यासाठी खूप मोठे नुकसान आहे. ते एक महान व्यक्तिमत्त्व होते. ते माझे बालपणीचे क्रश होते. माझे कुटुंब आणि मी त्यांचा खूप आदर करते. गोविंदा त्यांचे खूप मोठे चाहते आहेत. यावेळेस मी पूर्णतः कोलमडलेय." सुनीता यांनी धर्मेंद्र यांच्यासोबतच्या आठवणीही सांगितल्या. 

(नक्की वाचा: Actor Dharmendra News: धर्मेंद्र यांच्या शोकसभेत हेमा मालिनी, ईशा आणि अहानाने सहभागी होणे टाळलं? नेमकं कारण काय)

धरमजी बॉलिवूडमधील सर्वात हँडसम अभिनेते : सुनीता अहुजा

सुनीता अहुजा यांनी म्हटलं की, "मी धरमजींसोबत एका कार्यक्रमात छलकाए जाम गाण्यावर परफॉर्मन्स केला होता. मी त्यांच्यासोबत व्यासपीठ शेअर केलंय. तो क्षण मी आयुष्यभर विसरणार नाही. आमचे त्यांच्या दोन्ही मुलींसोबत चांगले संबंध आहेत. मी गोविंदासोबत याचसाठी लग्न केले कारण ते मला धर्मेंद्रसारखे वाटायचे. ते धर्मेंद्र यांच्या इतके हँडसम नाही, धरमजी फिल्म इंडस्ट्रीतील सर्वात हँडसम अभिनेते आहेत. ते खरंच हिंदी सिनेमातील ही-मॅन होते. सर्वात महत्त्वाचे म्हणजे ते प्रामाणिक आणि दयाळू व्यक्ती होते. त्यांचा चेहरा आणि हास्यातून त्यांची माणुसकी दिसून यायची. दोन महिन्यांपूर्वीच मी गणेश चतुर्थीच्या दिवशी त्यांना भेटले होते, मी मुलासह त्यांच्या घरी गेले होते. ईशाने आम्हाला निमंत्रण दिले होते. जेव्हा मी माझ्या मुलाला जन्म दिला होता, तेव्हा त्याच्यामध्ये धरमजी आणि अमिताभ यांच्यासारखे गुण असावे, असे मला वाटायचे". 

View this post on Instagram

A post shared by Viral Bhayani (@viralbhayani)

(नक्की वाचा: Dharmendra: राहिल्या फक्त आठवणी...धर्मेंद्र यांच्या निधनानंतर हेमा मालिनींची पहिली प्रतिक्रिया, शेअर केले अतिशय खास फोटो)

धर्मेंद्र यांचे 24 नोव्हेंबर रोजी निधन झाले. त्यांच्या निधनामुळे सिनेसृष्टीसह चाहत्यांना मोठा धक्का बसलाय.