Dharmendra News: नवस, प्रार्थना आणि अश्रू... धर्मेंद्र यांच्या निधनानंतर सलमान खानची पहिली प्रतिक्रिया

Dharmendra News : बॉलिवूडचे सुपरस्टार धर्मेंद्र यांचे 24 नोव्हेंबर 2025 रोजी निधन झाले. त्यांच्या निधनाच्या वृत्तामुळे सिनसृष्टीसह संपूर्ण देशाला मोठा धक्का बसला. अमिताभ बच्चन, शाहरुख खान यांच्यासह असंख्य सेलिब्रिटींनी सोशल मीडियावर त्यांच्या आठवणींना उजाळा देत श्रद्धांजली वाहिली. पण सलमान खान आणि धर्मेंद्र यांचं नातं वेगळंच होतं. सलमान खान धर्मेंद्र यांच्या अतिशय जवळ होता आणि दबंग खान त्यांना वडिलांसारखं मानत होता. धर्मेंद्र यांच्या निधनानंतर सलमान खानने पहिल्यांदाच प्रतिक्रिया व्यक्त केलीय.  

सलमान खान झाला भावुक 

बिग बॉस 19च्या वीकेंड का वार एपिसोडमध्ये धर्मेंद्र यांना श्रद्धांजली वाहताना सलमान खान भावुक झाला. सलमान खान म्हणाला की, "हा आठवडा तसाही वेगाने संपलाय. नवस करून, प्रार्थना करून आणि अश्रूंमध्ये हा आठवडा सरलाय. देशाला एक मोठा धक्का बसलाय. चाहत्यांनाही हादरा बसलाय. इंडस्ट्रीचं खूप मोठं नुकसान झालंय. मला वाटतंय की तुम्हाला माहिती आहे मी कोणाबद्दल बोलतोय. त्यांच्या आत्म्याला शांती मिळो. काश मी या आठवड्यात 'वीकेंड का वार' एपिसोड केला नसता, पण आयुष्य सुरूच राहते".

View this post on Instagram

A post shared by Filmy Duniya (@filmy__duniya_sk)

(नक्की वाचा: Hema Malini: सनी देओलने हेमा मालिनींवर हल्ला केला? नेमकं काय घडलं? धर्मेंद्र यांच्या पहिल्या पत्नी म्हणाल्या...)

सलमान खान आणि धर्मेंद्र यांचं खास नातं

धर्मेंद्र आणि सलमान खान एकमेकांच्या खूप जवळ होते. इंडस्ट्रीमध्ये पाऊल ठेवलेलं नसतानाही सलमान खान सुपरस्टार धर्मेंद्र यांना फॉलो करतोय. कतारमध्ये नुकत्याच पार पडलेल्या एका पत्रकार परिषदेत सलमानला फिटनेसबाबत प्रश्न विचारला असता तो म्हणाला की, "इंडस्ट्रीमध्ये मी येण्यापूर्वी दोन-तीन लोक होते आणि यादीमध्ये सर्वात अव्वलस्थानी धरमजी होते. ते माझ्या वडिलांसारखे आहेत आणि ते पुरेसे आहे. मी त्यांच्यावर खूप प्रेम करतो आणि ते लवकर बरे व्हावे अशी मी प्रार्थना करतो." 

(नक्की वाचा: Dharmendra And Salman: ती एक चूक आणि भर कार्यक्रमात धर्मेंद्र यांनी सलमानला म्हटलं सॉरी, मग दबंगनं जे केलं ते...)

दरम्यान नोव्हेंबर महिन्याच्या सुरुवातीला सुपरस्टार धर्मेंद्र यांना हॉस्पिटलमध्ये दाखल करण्यात आलं होतं. त्यावेळेस शाहरुख खान, सलमान खान, गोविंदा यासह कित्येक सेलिब्रिटी त्यांना भेटण्यासाठी ब्रीच कँडी हॉस्पिटलमध्ये दाखल झाले होते. यानंतर औषधोपचारदरम्यान 24 नोव्हेंबर रोजी राहत्या घरी धर्मेंद्र यांचे निधन झाले.