Hashtag Tadev Lagnam Teaser Out : सुबोध भावे आणि तेजश्री प्रधान यांचा आगामी सिनेमा 'हॅशटॅग तदेव लग्नम्'चा (Hashtag Tadev Lagnam) टीझर लाँच करण्यात आले आहे. शुभम फिल्म प्रोडक्शनचा हा सिनेमा आहे. टीझर पाहिल्यानंतर प्रेक्षकांमध्ये या सिनेमाबाबत प्रचंड उत्सुकता निर्माण झाली आहे. 20 डिसेंबरला सिनेमा बॉक्सऑफिसवर झळकणार आहे. यानिमित्ताने सुबोध भावे आणि तेजश्री प्रधान यांची जोडी पहिल्यांदाच मोठ्या पडद्यावर पाहायला मिळणार आहे. नुकत्याच झळकलेल्या या जबरदस्त टीझरमधून लग्न या विषयावर आधुनिक पिढीचा वेगळाच दृष्टीकोन पाहायला मिळत आहे.
(नक्की वाचा : Journey Official Trailer : शुभम गेला कुठे? जर्नी सिनेमाचा थरारक ट्रेलर लाँच)
सिनेमाच्या टीझरमध्ये घरच्यांच्या सांगण्यानुसार दोन मध्यमवयीन 'तरुण तरुणी' लग्नाकरिता भेट घेतात. यावेळी ते एकमेकांच्या वयाचा अंदाज बांधताना दिसत आहेत. टीझरमधील संवाद मजेशीर असून प्रेक्षकांच्या मनात घर करणार आहेत. सुबोध भावे (Subodh Bhave) आणि तेजश्री प्रधान (Tejshree Pradhan) यांची उत्तम केमिस्ट्री पाहायला मिळतेय. त्यामुळे आता थोडीशी लेट पण एकदम थेट सुरू झालेली ही सफर पाहायला मजा येणार आहे. यात सुबोध भावे, तेजश्री प्रधान यांच्यासह प्रदीप वेलणकर, मानसी मागिकर, संजय खापरे, शर्मिष्ठा राऊत यांच्याही महत्त्वपूर्ण भूमिका आहेत. चित्रपटाचे दिग्दर्शन आणि लेखन आनंद दिलीप गोखले यांनी केले आहे, निर्माते शेखर विठ्ठल मते आहेत.
(नक्की वाचा: अभिषेक बच्चनसोबत अफेअरची चर्चा, निमरत कौरने कन्फर्म केले तिचे रिलेशनशिप स्टेटस; म्हणाली... )
चित्रपटाचे दिग्दर्शक आनंद दिलीप गोखले म्हणतात,"हा चित्रपट आजच्या काळातील लग्न आणि नातेसंबंधांच्या बदलत्या संकल्पनेवर आधारित आहे. आताच्या पिढीच्या विचारसरणीत मोठा बदल झाला असून हाच विचार चित्रपटात मांडला आहे. प्रेक्षकांना हा चित्रपट नक्कीच आवडेल अशी आशा आहे."
निर्माते शेखर विठ्ठल मते म्हणतात,"हा चित्रपट आजच्या काळाचा असून तो संपूर्ण कुटुंबाने एकत्र बसून पाहावा असा आहे. काळानुसार तरुणांची विचारसरणी बदलत चालली असून त्यामागे त्यांची काही ठोस कारणे आहेत. तरुणाईचे हेच विचार यात मांडण्यात आले आहे. आपल्यापैकी अनेकांना हा चित्रपट आपल्या जवळचा वाटेल."
Track Latest News Live on Marathi.NDTV.com and get news updates from India and around the world
