Rashmika Mandanna 2025 Movies: सिनेमे, टेलिव्हिजन कार्यक्रम आणि सेलिब्रिटींशी संबंधित माहितीचा जगातील सर्वात प्रसिद्ध तसेच विश्वसनीय स्रोत असलेल्या IMDb (www.imdb.com)ने 2025मधील बहुप्रतीक्षित-बहुचर्चित भारतीय सिनेमांची यादी जाहीर केली आहे. रश्मिका मंदानाचे यंदा तीन सिनेमे प्रेक्षकांच्या भेटीला येत आहे. तीनही सिनेमांमध्ये रश्मिकांच्या प्रमुख भूमिका असणार आहेत, यानिमित्ताने हॅट्रिक करणारी ती एकमेव अभिनेत्री ठरली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा)
रश्मिका मंदानाचे तीन जबरदस्त सिनेमे
IMDbच्या यादीत पहिल्या क्रमांकावर 'सिकंदर' सिनेमा आहे, ए.आर. मुरुगदास दिग्दर्शित या सिनेमामध्ये प्रेक्षकांना अ‍ॅक्शन ड्रामा पाहायला मिळणार आहे. या सिनेमामध्ये रश्मिका सलमान खानसोबत झळकणार आहे. ऐतिहासिक कहाणीवर आधारीत असलेला 'छावा' सिनेमामध्ये अभिनेता विकी कौशलसह रश्मिकाही प्रमुख भूमिकेमध्ये आहे. हा सिनेमा फेब्रुवारी महिन्यामध्ये प्रेक्षकांच्या भेटीला येत आहे. याव्यतिरिक्त हॉरर कॉमेडी सिनेमा 'थामा' मध्ये रश्मिका-आयुष्मानची फ्रेश जोडी मोठ्या पडद्यावर झळकणार आहे, हा सिनेमा दिवाळीमध्ये प्रदर्शित होणार आहे.
(नक्की वाचा: धनश्री-चहलच्या नात्यात वादळ, लोक सुरभीला का देताहेत शिव्याशाप?)
आगामी सिनेमांबाबत रश्मिका मंदानाची प्रतिक्रिया
आगामी सिनेमांबाबत रश्मिकाने म्हटलंय की,"माझ्या तीन आगामी सिनेमांचा IMDbच्या 2025 मधील बहुप्रतीक्षित भारतीय चित्रपटांच्या यादीमध्ये समावेश झाल्याचे पाहून मला खूप छान वाटतंय. 2024चा शेवट 'पुष्पा 2'ने झाला आणि 2025ची सुरुवात तीन आगामी चित्रपटांच्या यादीत समावेशासह झालीय, ही माझ्यासाठी खूप आनंददायी बाब आहे. प्रेक्षकांपर्यंत पोहोचणाऱ्या आणि त्यांच्या मनाला भावणाऱ्या चित्रपटांमध्ये काम करण्याचे नेहमीच माझे स्वप्न राहिले आहे आणि हीच गोष्ट मला अधिक मेहनत करण्यासाठी प्रेरणा देते. माझ्या चाहत्यांचे आणि या चित्रपटांच्या टीममधील प्रत्येकाचे मी आभार मानते, ज्यांच्यामुळे हे सगळे शक्य झाले आहे."
(नक्की वाचा: तेजश्री प्रधानने अपूर्वा नेमळेकरमुळे प्रेमाची गोष्ट मालिका सोडली का? काय आहे सत्य)
2025चे IMDbचे सर्वाधिक बहुप्रतीक्षित भारतीय चित्रपट:
1. सिकंदर
2. टॉक्सिक
3. कूली
4. हाऊसफुल 5
5. बागी 4
6. राजा साब
7. वॉर 2
8. L2: एंपुरान
9. देवा
10. छावा
11. कन्नप्पा
12. रेट्रो
13. ठग लाइफ
14. जाट
15. स्काय फोर्स
16. सितारे जमीन पर
17. थामा
18. कंतारा ए लीजंड: चॅपटर 1
19. अल्फा
20. थांडेल
