Ishit Bhatt : 'तो उद्धट नव्हता...' KBC Boy इशित भट्टने मागितली माफी, पण त्याच्या वागण्यात दडलीय दुसरीच कहाणी

KBC 17 Controversy: कौन बनेगा करोडपती 17' (Kaun Banega Crorepati 17) हा शो नुकताच एका लहान स्पर्धकामुळे जोरदार चर्चेत आला. गुजरातचा 10 वर्षांचा इशित भट्ट (Ishit Bhatt) या पाचवीत शिकणाऱ्या मुलाच्या वागण्याबद्दल प्रेक्षकांनी तीव्र प्रतिक्रिया दिल्या. सूत्रसंचालक अमिताभ बच्चन (Amitabh Bachchan) यांच्याशी संवाद साधताना त्याचा तुटक स्वर आणि मध्येच बोलणे, यामुळे सोशल मीडियावर त्याला जबरदस्त टीका (Criticism) सहन करावी लागली आणि त्याची वागणूक व्हायरल (Viral) झाली.

नेमके काय घडले होते?

'केबीसी'च्या एपिसोडमध्ये इशित आत्मविश्वासाने वागत होता, पण कधीकधी त्याला अधीरता येत होती. त्याने अमिताभ बच्चन यांना नियमांचे स्पष्टीकरण देण्यात वेळ घालवू नका, असे सांगितले होते. काही प्रेक्षकांना त्याचे हे वागणे मनोरंजक वाटले असले तरी, अनेकांनी त्याला ज्येष्ठ अभिनेत्याचा अपमान (Disrespect) म्हटले. सोशल मीडियावर 'सर लॉक करो ना' (Sir Lock Karo Na) हा त्याचा डायलॉगही खूप चर्चेत राहिला.

( नक्की वाचा : Diwali Gift Video : सोनपापडी vs बोनस: गिफ्ट पाहून कामगारांनी काय केले? व्हायरल व्हिडिओमुळे खळबळ )
 

इशित भट्टची जाहीर माफी

या टीकेनंतर, अखेर @ishit_bhatt_official नावाच्या इंस्टाग्राम अकाउंटवर एक व्हिडिओ शेअर करण्यात आला, ज्यात या लहान स्पर्धकाने मनःपूर्वक माफी (Heartfelt Apology) मागितली आहे. या क्लिपमध्ये इशितने अमिताभ बच्चन यांच्यासोबत फोटोसाठी विनंती केली, जी त्यांनी आनंदाने पूर्ण केली. या व्हिडिओसोबत इशितने एक नोट शेअर केली, ज्यात त्याने आपल्या वर्तनाबद्दल खेद (Regret) व्यक्त केला.

इशितने लिहिले, “नमस्कार सर्वांना, कौन बनेगा करोडपतीमध्ये माझ्या वागण्याबद्दल मी नम्रपणे माफी मागतो. मी ज्या प्रकारे बोललो, त्यामुळे अनेक लोकांना वाईट वाटले किंवा निराशा झाली हे मला माहीत आहे आणि मला त्याचा खरोखरच खेद आहे. त्या क्षणी मी खूप घाबरलो (Nervous) होतो आणि त्यामुळे माझे वागणे पूर्णपणे चूक झाले. उद्धटपणा (Rude) करणे हा माझा हेतू नव्हता – मी अमिताभ बच्चन सर आणि संपूर्ण केबीसी टीमचा मनापासून आदर करतो.”

'माझ्या शब्दांतून मला मोठे शिक्षण मिळाले'

या अनुभवातून आपल्याला नम्रता (Humility) आणि आत्म-जागरूकतेचा (Self-awareness) एक महत्त्वाचा धडा मिळाल्याचे त्याने पुढे सांगितले. "एवढ्या मोठ्या व्यासपीठावर शब्द आणि कृती आपले व्यक्तिमत्त्व कसे दर्शवतात, हे मी शिकलो आहे. भविष्यात मी अधिक विनम्र, आदरयुक्त आणि विचारपूर्वक वागण्याचे वचन देतो." टीकेनंतरही ज्यांनी त्याला पाठिंबा दिला, त्यांचे त्याने आभार मानले आणि 'द केबीसी बॉय' (The KBC Boy) असे स्वाक्षरी करून संदेश संपवला.

View this post on Instagram

A post shared by ✨🖤 (@ishit_bhatt_official)

सोशल मीडियावर संमिश्र प्रतिक्रिया
इशितच्या माफीनंतर ऑनलाइन जगतात संमिश्र प्रतिक्रिया (Mixed Reactions) उमटल्या. अनेक सोशल मीडिया युजर्सने आपली चूक मान्य करण्याच्या त्याच्या परिपक्वतेची (Maturity) प्रशंसा केली, तर काहींनी त्याच्या पूर्वीच्या वागणुकीची टवाळी (Mockery) करणे सुरूच ठेवले.

एका युजरने लिहिले, "तो एक लहान मुलगा आहे, त्याने चूक केली, त्याची जाणीव झाली आणि त्याने माफी मागितली. कृपया कोणाच्या बालपणातील आघाताचे (Childhood Trauma) कारण बनू नका." दुसऱ्याने 'अपनी गलती स्वीकारना भी बहुत बडा काम है. Very good' असे म्हटले.

परंतु, काही नेटिझन्सनी उपरोधिक (Sarcastic) कमेंट्स करत टीका करणे सुरूच ठेवले.

सेलिब्रिटींनी केले समर्थन
या ऑनलाइन तपासणीदरम्यान, गायिका चिन्मयी श्रीपादा (Chinmayi Sripaada), मॉडेल राजीव अडातिया (Rajiv Adatia) आणि क्रिकेटर वरुण चक्रवर्ती (Varun Chakravarthy) यांच्यासह अनेक सेलिब्रेटींनी या लहान स्पर्धकाच्या बाजूने मत मांडले. त्यांनी लोकांना सहानुभूती (Empathy) दाखवण्याचे आवाहन केले आणि इशित अजूनही एक लहान मुलगा (Child) असून तो अनुभवातून शिकत आहे, याची आठवण करून दिली.

या घटनेमुळे प्रसिद्धीच्या झोतात असलेल्या मुलांशी सोशल मीडिया कसे वागतो, यावर चर्चा सुरू झाली असली तरी, इशित भट्टच्या माफीने अनेकांना विचार करण्यास प्रवृत्त केले आहे.