Lokah Box Office Collection: 30 कोटींचे बजेट, बॉक्स ऑफिसवर जोरदार कमाई, 13 दिवसांत कमवले...

मल्याळम चित्रपट 'लोका: चॅप्टर 1 चंद्रा' सध्या खूप चर्चेत आहे. महिला सुपरहिरोवर आधारित या चित्रपटाला जगभरात चांगला प्रतिसाद मिळत आहे. म्हणूनच 'लोका: चॅप्टर 1 चंद्रा' ने फक्त 13 दिवसांत इतकी मोठी कमाई केली, जी ऐकून कोणीही आश्चर्यचकित होऊ शकते. होय,'लोका: चॅप्टर 1 चंद्रा'ने 13 व्या दिवशी जगभरातील बॉक्स ऑफिसवर 200 कोटी रुपयांची कमाई केली आहे. 2025 मध्ये मल्याळम सिनेमातील या टप्प्यावर पोहोचलेला हा तिसरा चित्रपट आहे.

या आधी 'एंपुरान' आणि 'थुडारम' या चित्रपटांनी ही कामगिरी केली आहे. एवढेच नाही, तर हा मल्याळम सिनेमातील सर्वाधिक कमाई करणारा चौथा चित्रपट ठरला आहे. बॉक्स ऑफिस विश्लेषक श्रीधर पिल्लई यांनी ही माहिती सोशल मीडियावर शेअर करत लिहिले, "लोका या चित्रपटाने 13 दिवसांत जगभरात 200 कोटी रुपयांचा टप्पा पार केला. मल्याळम चित्रपटासाठी ही एक शानदार कामगिरी आहे, जी याला मेगा-ब्लॉकबस्टर बनवते! असं त्यांनी सांगितलं. 

नक्की वाचा - Aishwarya Rai : ऐश्वर्या राय बच्चनचा पारा चढला, थेट दिल्ली हायकोर्टात धाव; नक्की काय आहे प्रकरण?

सॅकनिल्कच्या आकडेवारीनुसार, चित्रपटाने 13 व्या दिवशी भारतात 1.79 कोटी रुपयांची कमाई केली. ज्यामुळे त्याची एकूण देशांतर्गत कमाई 90.19 कोटी रुपये झाली आहे. दुलकर सलमानच्या वेफरर फिल्म्सद्वारे निर्मित या चित्रपटाचे बजेट 30 कोटी रुपये होते. केरळमध्ये 12 दिवसांत त्याने 64 कोटी रुपये आणि भारतातील इतर भागांत 38 कोटी रुपयांचे ग्रॉस कलेक्शन केले. अशा प्रकारे, एकूण देशांतर्गत ग्रॉस कमाई 102.09 कोटी रुपये झाली आहे. ज्यामुळे तो मल्याळम सिनेमातील 100 कोटी ग्रॉस कलेक्शन करणारा सातवा चित्रपट ठरला आहे.

माधुरी दीक्षितच्या सुपरहिट गाण्याचं ‘इमोशनल' कनेक्शन; अभिनेत्री किशोरी शहाणे यांनी सांगितला खास किस्सा, Video

याआधी 'पुलिमुरुगन', '2018 मूव्ही', 'मंजुम्मल बॉइज', 'आवेशम', 'एंपुरान' आणि 'थुडारम' यांनी ही कामगिरी केली आहे. दिग्दर्शक डोमिनिक अरुण यांच्या या चित्रपटाने परदेशात 12 दिवसांत 92.8 कोटी रुपयांची म्हणजेच 10.542 दशलक्ष डॉलरची कमाई केली आहे. 10 दशलक्ष डॉलरचा टप्पा पार करणारा हा मल्याळम सिनेमातील तिसरा चित्रपट आहे. 'एंपुरान' 16.9 दशलक्ष डॉलर आणि 'थुडारम' 11.06 दशलक्ष डॉलर या चित्रपटांनंतर हा विक्रम त्याने केला. चित्रपटाने पहिल्या दिवशी 2.7 कोटी, दुसऱ्या दिवशी 4 कोटी, तिसऱ्या दिवशी 7.6 कोटी आणि 12 व्या दिवशी 5.9 कोटी रुपयांची कमाई केली होती. हा चित्रपट प्रेक्षकांमध्ये खूप पसंत केला जात आहे.