Prasika New Home: 'प्रसिका' (Prasika) नावाने कॉन्टेन्ट तयार करणारी प्रसाद आणि रसिका वेदपाठक यांची जोडी सोशल मीडियावर जबरदस्त फेमस आहे. रसिकाचे रेसिपीचे व्हिडीओ असो किंवा प्रसादचे ग्राहक हक्कांसाठीचे व्हिडीओ लोक आवडीने पाहतात.
प्रसाद आणि रसिका आपल्या फॉलोअर्सना आपल्या कुटुंबाचा भाग मानतात. त्यामुळे रसिका प्रसाद यांच्या आयुष्यातील अनेक महत्त्वाचे क्षण त्यांच्या चाहत्यांही पाहिले आहे. प्रसाद-रसिकाने आयुष्यातील आणखी एक महत्त्वाचा टप्पा गाठला आहे. दोघांनी प्रसिका फॅमिलीला एक गुड न्यूज दिली आहे. 'प्रसिका'ने नवीन घर घेतल्याची माहिती सोशल मीडियाद्वारे आपल्या फॉलोअर्सना दिली आहे.
फोटो पाहा
(नक्की वाचा- Holiday in Maharashtra: महाराष्ट्रात 2 डिसेंबरला पगारी सुट्टी; शासनाचा महत्त्वपूर्ण निर्णय)
दोघांनीही आपल्या सोशल मीडिया हँडलवरून नवीन घराचे फोटो शेअर केले आहे. प्रसाद आणि रसिकाचं नवीन घर 3 बीएचके आहे. एका अलिशान सोसायटीमध्ये हे घर आहे. मात्र प्रसाद आणि रसिका यांचं नवीन घर नेमकं कुठे आहे हे अद्याप कळालेलं नाही.
@prasika_official या अकाऊंटवर फोटो शेअर करताना नवीन घर कसं आहे हे दाखवण्याचा दोघांनी प्रयत्न केला. रसिकाने घराच्या किल्ल्या दाखवत चाहत्यांचं वेलकम केलं आहे. फोटोंमध्ये रसिका नवीन वास्तूला नमस्कार करताना दिसत आहे. मोठी गॅलरी आणि गॅलरीतून दिसणारं विहंगम दृश्य नवीन घराचं प्रमुख आकर्षण आहे. गॅलरीतून एक ग्रीन कोर्ट, स्वीमिंग पूल दिसत आहे.
Track Latest News Live on Marathi.NDTV.com and get news updates from India and around the world
