1975 मध्ये रिलीज झालेला शोले हा हिंदी सिनेमातील ऑलटाइम ब्लॉकबस्टर चित्रपटांपैकी एक आहे. अमिताभ बच्चन आणि धर्मेंद्र म्हणजे जय-वीरूची जोडी, गब्बर सिंगचे म्हणजे अमजद खानचे संवाद, बसंतीचा टांगा, ठाकूरचा बदला आणि रमेश सिप्पी यांचे दिग्दर्शन आजही प्रेक्षकांच्या मनात घर करून आहे. शोले हा बॉलिवूडमधील कल्ट क्लासिक चित्रपट मानला जातो. ज्याला तोड नाही. पण तुम्हाला माहीत आहे का, या चित्रपटामागे अनेक न ऐकलेले आणि मजेदार किस्से आहेत? चला तर शोलेच्या पाच जबरदस्त किस्स्यांवर एक नजर टाकूया, जे तुम्हाला आश्चर्यचकित करतील.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
गब्बरची भूमिका आधी दुसऱ्यासाठी होती
गब्बर सिंगची भूमिका अमजद खानमुळे अमर झाली. पण सुरुवातीला ही भूमिका डॅनी यांना ऑफर झाली होती. डॅनीने दुसऱ्या चित्रपटाच्या शूटिंगमुळे नकार दिला. अमजद खान या रोलसाठी योग्य नाही असं सुरुवातीला रमेश सिप्पी यांना वाटत होतं. पण पुढे अमजद खानच्या दमदार आवाजाने आणि अभिनयाने गब्बरला खलनायकांचा बादशाह बनवले.
ट्रेंडिंग बातमी - भारताच्या Operation Sindoor नंतर पाकिस्तानात काय चाललंय? 'या' 10 गोष्टी आल्या समोर
नाणे फेकीचा सीन अमिताभ बच्चन यांची देणगी
जय आणि वीरूचा नाणेफेकीचा सीन शोलेतील न विसरता येणारा सीन आहे. पण तुम्हाला माहीत आहे का की, अमिताभ बच्चन यांनी या सीनमध्ये त्यांचे संवाद आणि टायमिंग सुधारले होते? त्यांची आणि धर्मेंद्र यांची ऑन-स्क्रीन केमिस्ट्री इतकी अप्रतिम होती की सेटवर हास्याचे फवारे उडत होते. हा सीन आजही हिंदी प्रेक्षकांमध्ये मैत्रीचे प्रतीक मानला जातो.
ट्रेंडिंग बातमी - Operation Sindoor: बाबा वेंगाची भविष्यवाणी खरी ठरणार? काय केली होती भविष्यवाणी?
सेन्सॉर बोर्डाने बदलला होता शोलेचा क्लायमॅक्स
शोलेचा मूळ क्लायमॅक्स खूप हिंसक होता. त्यात ठाकूर गब्बरला मारतो. पण सेन्सॉर बोर्डाने तो नाकारला. कारण त्या वेळी हिंसाचाराला प्रोत्साहन देण्यावर कडक निर्बंध होते. परिणामी, रमेश सिप्पी यांनी क्लायमॅक्स बदलला. त्यानुसार पोलीस गब्बरला अटक करतात.
सलीम-जावेद यांनी लिहिली होती शोलेची कथा
शोलेची स्क्रिप्ट सलीम-जावेद या जोडीने लिहिली होती. त्यात सलमान खानचे वडील सलीम खान यांचा समावेश होता. त्यांच्या लेखणीने गब्बर, ठाकूर आणि जय-वीरू यासारख्या पात्रांना जिवंत केले. सलीम-जावेद यांनी पाश्चात्य चित्रपटांमधून प्रेरणा घेतली पण शोलेला देशी रंग दिला.
शोलेच्या शूटिंगला अडीच वर्षे लागली
शोलेच्या शूटिंगला अडीच वर्षे लागली. ते त्यावेळच्या बजेटमध्ये न परवडणारं होतं. रामगडचा सेट बंगळूरूजवळ उभारण्यात आला होता. पाऊस, तांत्रिक अडचणींमुळे शूटिंग लांबले होते. तरीही रमेश सिप्पी यांची मेहनत कामी आली. त्यानंतर शोलेने बॉक्स ऑफिसवर इतिहास रचला.
