Celina Jaitley Viral Video : सोशल मीडियावर कधी काय व्हायरल होईल, याचा नेम नाही. सध्या बॉलिवूड अभिनेत्रीचा एक व्हिडीओ तुफान व्हायरल होत आहे. पुन्हा जन्म झाला तर डॉ. बाबासाहेब आंबेडकर व्हायला आवडेल, असे तिने व्हिडीओमध्ये म्हटल्याचे दिसतंय. तिने असे का म्हटले? चला जाणून घेऊया... तर अभिनेत्री सेलिना जेटलीचा 24 वर्षे जुना व्हिडीओ सोशल मीडियावर व्हायरल झाला आहे. व्हिडीओमध्ये फेमिना मिस इंडिया 2001 (Femina Miss India 2001) स्पर्धेदरम्यान इंडियन क्रिकेट टीमचा तत्कालीन कॅप्टन आणि पॅनलिस्ट सौरव गांगुली सेलिनाला प्रश्न विचारताना दिसत आहे.
सौरव गांगुलीने सेलिना जेटलीला विचारला हा प्रश्न
जर तुझा पुन्हा जन्म झाला तर तुला व्यक्ती म्हणून कोण व्हावेसे वाटेल आणि का? सौरवच्या प्रश्नावर जबरदस्त उत्तर देऊन सेलिनाने सर्वांचे मन जिंकले.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
सेलिना जेटलीने काय दिले उत्तर?
सेलिना जेटलीने उत्तर दिले की की, मला डॉ. भीमराव आंबेडकर म्हणून जन्म घ्यायला आवडेल. मला त्यांच्या विद्वत्ता, शिक्षण, कायदेशीर ज्ञान, सामाजिक सुधारणेशी संबंधित कार्याबाबत फार कौतुक वाटते. त्यांनी भारतातील जातीव्यवस्था संपुष्टात आणली. त्यांनी भारताचे संविधान लिहिले. काश मी भारत देशाचे संविधान लिहिले असते तर लोकांनी मलाही कायम लक्षात ठेवले असते जसे डॉ.बाबासाहेब आंबेडकर सर्वांच्या लक्षात आहेत.
एकूणच सेलिनाने डॉ. बाबासाहेब आंबेडकर यांचे जीवन, त्यांचा संघर्ष आणि देशाच्या प्रगतीसाठी दिलेल्या योगदानाबाबत तिच्या मनातील भावना व्यक्त केल्या.
(नक्की वाचा: ऐश्वर्या-सलमान या ब्लॉकबस्टर सिनेमामध्ये झळकले असते, पण अ‍ॅशने ठेवली ही जगावेगळी अट)
स्पर्धेमध्ये सेलिनाने डॉ. बाबासाहेब आंबेडकर यांच्याबाबतचे विचार मांडून परीक्षकांसह प्रेक्षकांच्या मनावर ठसा उमटवला. शिवाय सामाजिक समानता आणि मानवी हक्कांसारख्या महत्त्वाच्या गोष्टी देखील अधोरेखित केल्या. विशेष म्हणजे हे जबरदस्त उत्तर देऊन 2001मध्ये सेलिनाने फेमिना मिस इंडिया स्पर्धेचा किताब जिंकला आणि 2003मध्ये तिने 'जानशीन' सिनेमातून अभिनय क्षेत्रातील कारकिर्दीला सुरुवात केली.
(नक्की वाचा: Mohammed Siraj: आशा भोसलेंची सुंदर नात मोहम्मद सिराजच्या प्रेमात? चर्चांवर दोघांनी सोडले मौन)
Track Latest News Live on Marathi.NDTV.com and get news updates from India and around the world
