Share Market : पंतप्रधान नरेंद्र मोदी यांनी स्वातंत्र्यदिनाच्या भाषणात 'नेक्स्ट-जेन' जीएसटी प्रणाली लागू करण्याचे संकेत दिले. त्यानंतर, संभाव्य कर कपातीमुळे ज्या क्षेत्राला सर्वाधिक फायदा होण्याची शक्यता आहे, त्यामध्ये ऑटोमोटिव्ह क्षेत्र आघाडीवर आहे. या घोषणेमुळे गुंतवणूकदारांमध्ये उत्साह दिसून आला असून शेअर बाजारात ऑटो कंपन्यांचे शेअर्स जोरदार तेजीत आहेत.
बाजार उघडताच, निफ्टी 50 निर्देशांक 24,900 च्या पातळीवर 1 टक्क्यांहून अधिक वाढला. सेन्सेक्सनेही जोरदार उसळी घेत 900 हून अधिक अंकांची वाढ नोंदवली. या वाढीमध्ये ऑटो क्षेत्रातील कंपन्यांचा मोठा वाटा आहे.
(नक्की वाचा- PM Viksit Bharat Rojgar Yojana: 50 हजार पगार असेल तरी मिळतील 15000 रुपये, तरुणांसाठी सरकारची खास योजना)
Hero Moto, Maruti Suzuki, Bajaj Auto, TVS Motor आणि Ashok Leyland यांसारख्या मोठ्या ऑटो कंपन्यांच्या शेअर्सनी बाजारात मोठी वाढ घेतली आहे. दुचाकी आणि चारचाकी वाहनांवरील जीएसटी दर कमी होऊन तो 28 टक्क्यांवरून 18 टक्क्यांवर येण्याच्या प्रस्तावामुळे या कंपन्यांना मोठा फायदा होण्याचा अंदाज आहे. याशिवाय सिमेंट, इन्शुरन्स ,धातू, NBFC, बॅकिंग, FMCG क्षेत्रात जोरदार खरेदी दिसून येत आहे.
(नक्की वाचा- Free AI Courses : जगात बोलबाला असलेल्या क्षेत्रात करिअरची संधी; सरकारकडून 5 मोफत AI कोर्सेस)
विश्लेषकांच्या मते, जीएसटी दरात कपात झाल्यास वाहनांच्या किमती कमी होतील, ज्यामुळे ग्राहकांकडून मागणी वाढेल. यामुळे ऑटो कंपन्यांची विक्री आणि नफा दोन्ही वाढण्याची शक्यता आहे, याच अपेक्षेने गुंतवणूकदारांनी या कंपन्यांच्या शेअर्समध्ये मोठ्या प्रमाणात गुंतवणूक केली आहे. ऑटो क्षेत्रात झालेली ही वाढ केवळ शेअर बाजारापुरती मर्यादित नसून, आगामी काळात देशाच्या अर्थव्यवस्थेसाठीही ती एक सकारात्मक चिन्ह मानली जात आहे.
