Delhi Crime: अल्पवयीन मुलीवर अत्याचार करुन हत्या, सुटकेसमध्ये सापडला मृतदेह, राजधानी दिल्लीत खळबळ

दिल्ली: दिल्लीतील नेहरू विहार परिसरात 9 वर्षांच्या मुलीवर अत्याचार करुन त्यानंतर तिची हत्या केल्याची एक खळबळजनक घटना समोर आली आहे. बंद सुटकेसमध्ये मुलीचा मृतदेह सापडल्यानंतर हा प्रकार समोर आला आहे. पीडितेच्या कुटुंबीयांच्या तक्रारीवरून पोलिसांनी आरोपीविरुद्ध पोक्सो कायद्यांतर्गत गुन्हा दाखल करून तपास सुरू केला आहे. पोलिसांनी मुलीचा मृतदेह ताब्यात घेतला आहे आणि तो पोस्टमॉर्टमसाठी पाठवला आहे.

('NDTV मराठी' चं अधिकृत व्हॉट्सअ‍ॅप चॅनल जॉईन करा )

समोर आलेल्या माहितीनुसार, ईशान्य दिल्लीतील दयालपूर पोलिस ठाण्याअंतर्गत येणाऱ्या नेहरू विहारमध्ये एका नऊ वर्षांच्या मुलीवर बलात्कार करून तिची हत्या करण्यात आली. मुलीचा मृतदेह एका बंद घरात सुटकेसमध्ये आढळला. माहिती मिळताच पोलिसांनी घटनास्थळी पोहोचून मृतदेह ताब्यात घेतला आणि शवविच्छेदनासाठी पाठवला. शनिवारी रात्री 8.45 वाजताच्या सुमारास ही घटना घडली.

पोलिसांच्या म्हणण्यानुसार, प्रकरणाची माहिती मिळताच स्थानिक पोलिस घटनास्थळी पोहोचले तेव्हा त्यांना कळले की पीडितेच्या वडिलांनी तिला बेशुद्ध अवस्थेत जेपीसी रुग्णालयात नेले आहे. त्यानंतर पोलिस पथक रुग्णालयात पोहोचले. रुग्णालयात पोहोचताच सांगण्यात आले की रुग्णालयात पोहोचण्यापूर्वीच मुलीचा मृत्यू झाला आहे.

नक्की वाचा - Godavari River : तेलंगणाच्या सीमेवरील धरणात सहा मुलं बुडाली, नदीच्या किनाऱ्यावर कुटुंबीयांचा आक्रोश

प्राथमिक तपासात मृत मुलीच्या चेहऱ्यावर आणि शरीराच्या इतर भागांवर जखमांच्या खुणा असल्याचे समोर आले आहे. अशा परिस्थितीत आरोपीने तिला मारण्यापूर्वी मारहाणही केली असण्याची शक्यता आहे. तथापि शवविच्छेदन अहवाल आल्यानंतरच परिस्थिती स्पष्ट होईल.

दरम्यान, मुलीचा मृतदेह तिच्या शेजारच्या एका बंद घरात आढळला. हा गुन्हा मुलीच्या शेजाऱ्याने केला असावा असा संशय आहे आणि ओळख पटेल या भीतीने त्याने मुलीचा गळा दाबून खून केला. नंतर त्याने मृतदेह एका सुटकेसमध्ये बंद करून या घरात लपवण्याचा प्रयत्न केला. दरम्यान, या भयंकर घटनेने सर्वत्र खळबळ उडाली असून आरोपींचा लवकरात लवकर शोध घ्यावा अशी मागणी कुटुंबियांनी केली आहे.

Rohad village : कुटुंबातील 'होम मिनिस्टर'ने ठरवलं अन् गावात दारूबंदी लागू; धुळ्यातील या गावाची राज्यभरात चर्चा