धक्कादायक! बड्या उद्योगपतीच्या सूनेने गळफास घेऊन संपवलं जीवन, दोन लग्नांची चर्चा; एक पत्नी अभिनेत्री?

Kamala Pasand: कमला पसंद आणि राजश्री पान मसालाचे मालक कमल किशोर यांची सून दीप्ति चौरसिया यांनी मंगळवारी (25 नोव्हेंबर) संध्याकाळी आत्महत्या केली. घटनास्थळी पोलिसांनी सुसाइड नोट मिळाली, ज्यामध्ये त्यांनी कोणावरही आरोप केलेले नाहीत. दुसरीकडे दीप्ति चौरसिया यांना आत्महत्या करण्यासाठी प्रवृत्त केल्याची तक्रार त्यांच्या कुटुंबीयांनी पोलिसात केलीय. दीप्ति यांनी वर्ष 2010मध्ये कमल किशोर यांचा मुलगा हरप्रीत चौरसियासोबत लग्न केले. दोघांना 14 वर्षांचा मुलगा आहे. हरप्रीतने दोन लग्न केलं होतं तसंच दुसरी पत्नी दाक्षिणात्य चित्रपटांमध्ये अभिनेत्री असल्याचं म्हटलं जातंय. वसंत विहार पोलीस याप्रकरणी तपास करत आहेत.  

गळफास घेऊन आत्महत्या केली?

मिळालेल्या माहितीनुसार, दीप्ति चौरसिया यांचा मृतदेह ओढणीने लटकलेल्या अवस्थेत आढळला. पोलिसांनी याबाबत अधिकृतरित्या कोणतीही माहिती दिलेली नाही.  

(नक्की वाचा: Gauri Garje Suicide Case: गौरी गर्जेंच्या मृत्यूच्या 5 तासांपूर्वी नेमकं काय घडलं, FIRमधील 5 मुद्दे गूढ उलगडणार?)

कोण आहेत कमला कांत चौरसिया?

कमला पसंद यांचा व्यापार कानपूर, दिल्लीपासून कोलकाता मुंबईपर्यंत पसरलाय. प्रसिद्ध पान मसाला कंपनी कमला पसंदचे मालक हे मूळचे कानपूरचे आहेत. कानपूरच्या फीलखाना परिसरातून कमला कांत चौरसियायांनी गुटख्याचा व्यापार सुरू केला होता. जवळपास 40-45 वर्षांपूर्वी ते टपरीवर पान मसाल्याची विक्री करत होते. पण आज त्यांच्या कंपनीची उलाढाल अब्जावधी रुपयांची आहे. त्यांच्या कंपनीचे कित्येक ब्रँड्स आहेत. कमलाकांत चौरसिया यांनी 1980-85 दरम्यान पान मसाला घरातच तयार करण्यास सुरुवात केली.

(नक्की वाचा: Lady Doctor Suicide : अमेरिकेच्या एका 'नाही' मुळे टॅलेंटेड डॉक्टरचा शेवट! आईने सांगितले धक्कादायक सत्य)

तज्ज्ञांच्या माहितीनुसार, भारतातील पान मसाल्याचा व्यवसाय सुमारे 46 हजार 882 कोटी रुपयांचा आहे, जो 2033 पर्यंत 64 कोटी रुपयांपेक्षा जास्त होऊ शकतो. कमला पसंती यांचे बाजार भांडवल 3 हजार कोटी रुपयांपेक्षा जास्त आहे.