14 वर्षाच्या वैभव सुर्यवंशीने टिकाकारांची तोंडं बंद करणारी खेळी केली. त्याने अवघ्या 34 चेंडूत शतक झळकावलं. या खेळीत त्याने सात षटकार ठोकले. त्याने 101 धावा केल्या. ख्रिस गेल नंतर त्याने सर्वात जलद शतक नोंदवण्याचा विक्रम आयपीएलमध्ये केला. 

महाराष्ट्र दिनी नाशिकला गिरीश महाजन तर रायगडला आदिती तटकरेंच्या हस्ते होणार ध्वजारोहण

2010 मध्ये दिल्लीमध्ये कॉमनवेल्थ गेम्स (CWG) झाले होते. यासाठी विविध प्रकारची कामं आणि कंत्राटं दिली गेली होती. त्या वेळी मोठ्या प्रमाणात गैरव्यवहार व आर्थिक अनियमितता झाल्याचा आरोप झाला होता. यावरून केंद्रीय अन्वेषण विभाग (CBI) आणि अंमलबजावणी संचालनालय (ED) या संस्थांनी स्वतंत्र चौकश्या सुरू केल्या होत्या. या प्रकरणात कॉमनवेल्थ गेम्स ऑर्गनायझिंग कमिटीचे अध्यक्ष सुरेश कलमाडी, सरचिटणीस ललित भनोट, आणि इतर अधिकाऱ्यांवर आरोप झाले होते की त्यांनी ‘टाइम स्कोअरिंग आणि रिझल्ट सिस्टम’ (TSR) संदर्भात कंत्राटं देताना भ्रष्टाचार केला. त्यासाठी निविदा प्रक्रियेत अनियमितता केल्याचा ठपका ठेवण्यात आला होता.  मात्र या प्रकरणात कोणतेही ठोस पुरावे मिळाले नाहीत. त्यामुळे कलमाडी यांना मोठा दिलासा मिळाल आहे. शिवाय कोर्टाने सांगितले की, या व्यक्तींविरुद्ध पुढील तपास किंवा खटला चालवण्याचे कारण दिसत नाही.

मुंबईचे माजी महापौर आणि ठाकरे गटाचे नेते दत्ता दळवी यांनी शिवसेना शिंदे गटात प्रवेश केला आहे. उपमुख्यमंत्री एकनाथ शिंदे यांच्या उपस्थितीत त्यांनी शिवसेना शिंदे गटात प्रवेश केला. ठाकरे गटाला हा मोठा धक्का समजला जातोय. 

मुंबईतील भायखळा भागात सुपर बेकरीमध्ये आग लागली आहे. या आगीत 4 जण भाजले आहेत. या चौघांना मसीना रुग्णालयात तातडीने दाखल केले आहे. 

पुण्यात मोठी कारवाई करत पोलिसांनी तब्बल 28 लाख 66 हजार 100 रुपयांच्या बनावट नोटा पकडल्या आहेत. याप्रकरणी पाच आरोपींना अटक करण्यात आली असून, त्यामध्ये दोन महिलांचाही सहभाग आहे.

आरोपींकडून एक प्रिंटर मशीन तसेच 500 आणि 200 रुपयांच्या नोटांचे प्रिंटेड गठ्ठे हस्तगत करण्यात आले आहेत. ही कारवाई शिवाजीनगर पोलीस स्टेशनच्या सायबर पथकाने केली आहे.

शिवसेना ठाकरे गटाचे नेते माजी महापौर दत्ता दळवी शिवसेना शिंदे गटात प्रवेश करणार आहेत. ठाकरे गटासाठी हा मोठा धक्का समजला जातोय. दळवी हे एक काळी मातोश्रीच्या अगदी जवळचे समजले जात होते. त्यांनी मुंबईचे महापौरपदही भूषवले आहेत. 

काश्मीर मधील पेहलगाव येथे पर्यटकांवर झालेल्या अतिरेकी हल्ल्याचा निषेध करत वेंगुर्ल्यातील शिरोडा येथे पाकिस्तानचा राष्ट्रध्वज जाळून निषेध करण्यात आला. कॉंग्रेसचे जिल्हाध्यक्ष इर्शाद शेख यांच्या नेतृत्वाखाली हे निषेध आंदोलन करण्यात आले. यावेळी पाकिस्तान विरोधी घोषणा देण्यात आल्या. अतिरेक्यांना पोसणाऱ्या आणि त्यांना हे कृत्य करायला लावणाऱ्या पाकिस्तानचा कायमचा बंदोबस्त सरकारने करावा अशी मागणी यावेळी करण्यात आली.

नाशिकच्या सिडकोतील कामटवाडे परिसरात 17 वर्षीय युवकाचा डोक्यात दगड टाकून  हत्या झाल्याची धक्कादायक घटना समोर आली... 

भर दिवसा एका विधी संघर्षीत मुलाची हत्या झाल्याने परिसरात एकच खळबळ उडाली आहे.... 

हा 17 वर्षीय मुलगा सिडकोतील धन्वंतरी कॉलेज या ठिकाणाहून जात असताना मागून 3 ते 4 तरुणांनी  येऊन या मुलाच्या डोक्यात दगड, फरशी टाकून खुनी हल्ला केला ,यामुळे युवकाचा जागीच मृत्यू झाला.

ऐन उन्हाळ्यात कोल्हापुरातील पाणीपुरवठा बंद असल्याने नागरिकांतून संताप व्यक्त होतोय. अपुरा व कमी दाबाने पाणीपुरवठा होत असल्याने काही भागातील महिलांनी आज रस्त्यावर उतरून आंदोलन केलं. काळम्मावाडी योजनेवरील व्हॉल्व्ह दुरुस्ती व अमृत योजनेंतर्गत आपटेनगर पंपिंग स्टेशनच्या जलकुंभावर क्रॉस कनेक्शनचे काम केले जाणार असल्याने  हा पाणीपुरवठा बंद ठेवण्यात आला आहे. चार दिवसांपासून पाणी नसल्याने नागरिक त्रस्त आहेत. 

पोटच्या मुलाला अमानुष मारहाण, जळगाव जिल्ह्यातील कोळगावात राहणाऱ्या सुनील पवार याची मुलाला मारहाण. मारहाणीचा व्हिडीओ सोशल मीडियावर व्हायरल झाल्याने फुटली प्रकरणाला वाचा. मारहाण करणारा बाप विक्षिप्त असल्याची माहिती

बेस्ट दुप्पट दरवाढीला आमचा विरोध आहे! बेस्ट बसेसची संख्या आधीच रोडावलीये, महत्वाचे मार्ग बंद केलेत, आता जर दरवाढही केली तर बेस्टवर त्याचा विपरीत परिणाम होईल.  आमची ठाम मागणी आहे, 

इलेक्ट्रिक बसेसची संख्या वाढवा,  बेस्टचा दर्जा सुधारा आणि मुंबईकरांना चांगली सेवा द्या! बेस्ट वाचवा! - 

मुंबईतील ईडी कार्यालयाला लागलेल्या आगीत काही कागदपत्रे आणि फाईल्स जळून खाक. सगळे दस्तावेज डिजिटल रुपात आणि केंद्रीय रेकॉर्ड प्रणालीत स्टोअर करून ठेवल्याने आणि अभियोग तक्रारींसंदर्भातील कागदपत्रे मूळ रुपात न्यायालाकडे असल्याने कोणत्याही तपासात किंवा खटल्यात अडथळा येणार नाही असे ईडीने सांगितले आहे. 

पहलगाम हल्ल्यानंतर भारताने पाकिस्तानविरुद्ध कडक पाऊले उचलण्यास सुरुवात केली आहे. एकीकडे पाकिस्तानमधील टीव्ही  वाहिन्यांवर बंदी घातली असतानाच आता पाकिस्तानचा माजी क्रिकेटपटू शोएब अख्तर आणि बासित अली यांच्या YouTube चॅनेलवरही भारतात बंदी घालण्यात आली आहे. 

मुंबईतील 17 पाकिस्तान्यांना देश सोडण्याचे आदेश. पहलगाम दहशतवादी हल्ल्यानंतर केंद्र सरकारने भारतात तात्पुरत्या व्हिसावर आलेल्या पाकिस्तान्यांना तत्काळ देश सोडण्याचे आदेश दिले होते. केंद्र सरकारने भारतात आलेल्या पाकिस्तानी नागरिकांचे तात्पुरते व्हिसा रद्द केले आहेत. 

सोशल मीडिया, OTT वर अश्लीलतेवर केंद्र सरकारने निर्बंध आणावेत यासाठी सर्वोच्च न्यायालयात याचिका. केंद्र सरकारसह Netflix, Amazon,Ullu, ALTT, MUBI, Google, X यांना नोटीस पाठवत उत्तर मागवले.

‘इंडियाज गॉट लेटेंट’  या कार्यक्रमात केलेल्या वक्तव्यानंतर वादात अडकलेल्या रणवीर इलाहाबादियाबाबत एक महत्त्वाची अपडेच समोर आली आहे.  रणवीर इलाहाबादियाचे  पासपोर्ट परत करण्याचे आदेश सर्वोच्च न्यायालयाने दिले आहेत.

महाराष्ट्र सदन घोटाळा प्रकरणात भुजबळांची निर्दोष मुक्तता 

सामाजिक कार्यकर्ता  अंजली दमानियांकडून  भुजबळ यांच्या दोषमुक्तीला देण्यात आलं आव्हान 

मुंबई उच्च न्यायालयात न्यायमूर्ती शिवकुमार डिगे समोर आजची सुनावणी तहकूब 

पुढील सुनावणी 12 जूनला ठेवण्यात आली 

12 जून रोजी पुढील  सुनावणी वेळी कोर्टा कडून  महत्त्वाचा निर्देश देण्याची शक्यता

पाकिस्तानमधून महाराष्ट्रात आलेल्या नागरिकांचे ट्रॅकिंग सुरु आहे. पाकिस्तानमधून आलेले सर्व नागरिक देशाबाहेर जातील.. असे विधान राज्याचे मुख्यमंत्री देवेंद्र फडणवीस यांनी केले आहे.

पहलगामधील भ्याड हल्ल्यानंतर केंद्र सरकारने पाकिस्तानविरोधात कडक मोहीम सुरु केली आहे. आज केंद्र सरकारकडून एक महत्त्वाचा निर्णय घेण्यात आला असून भारतामध्ये पाकिस्तानमधील युट्यूब चॅनल्सवर बंदी घालण्यात आली आहे. 

पहलगाममध्ये पर्यटकांवर झालेल्या हल्ल्यानंतर देशभरात संतापाची लाट उसळली आहे. या हल्ल्यानंतर आज जम्मू काश्मीर विधानसभेमध्ये विशेष अधिवेशन बोलावण्यात आले आहे. या अधिवेशनात हल्ल्यामध्ये मृत्यूमुखी पडलेल्या पर्यटकांना श्रद्धांजली वाहण्यात आली. 

अंबाजोगाई शहरातील गुत्तेदाराकडून 10 लाखा रुपये घेतले होते त्यामधील 2.5 लाख परत न केल्याने बडतर्फ पीएसआय रणजीत कासले वर आंबेजोगाई शहर पोलीस ठाण्यात गुन्हा दाखल...

रणजीत कासले वर कोणत्या प्रकारचे गुन्हे किती गुन्हे दाखल...

1) ॲट्रॉसिटी ॲक्ट नुसार शिवाजीनगर पोलीस ठाण्यात गुन्हा दाखल...

2) निवडणुकीच्या काळात कर्तव्यावर नसतानाही खळबळ जनक दावा केल्याने परळी शहर पोलीस ठाण्यात गुन्हा दाखल...

3) आंबेजोगाई शहरातील एका इसमाची 06 लाख रुपयांची फसवणूक केल्याबद्दल रणजीत कासले वर फसवणुकीचा आंबेजोगाई शहर पोलीस ठाण्यात गुन्हा दाखल...

4) उसने पैसे परत न केल्याने आंबेजोगाई शहर पोलीस ठाण्यात फसवणुकीचा रणजीत कासले विरोधात गुन्हा दाखल...

अशा प्रकारचे एक नवे दोन नव्हे तर तब्बल चार गुन्ह्यांमध्ये आता रणजीत कासले अडकला आहे.

स्वर्गीय डॉ पतंगराव कदम यांच्या ज्येष्ठ कन्या आणि माजी मंत्री विश्वजित कदम यांची ज्येष्ठ बहीण भारती महेंद्र लाड यांचं निधन झालं आहे. कुंडलचे नेते महेंद्र आप्पा लाड याच्या पत्नी भारती महेंद्र लाड याचे दुःखद निधन झालं आहे. पुण्यात भारती रुग्णालयात त्यांच्यावर उपचार सुरू होते.  आज 10 वाजता कुंडलं येथे  भारती लाड यांच्यावर अंत्यसंस्कार होणार आहेत. 

पुण्याच्या इंदापूर तालुक्यातील मदनवाडीत एका विहिरीमध्ये 40 वर्षीय अनोळखी पुरुषाचा मृतदेह आढळून आला आहे. भिगवण आयसीयु हॉस्पिटलच्या पाठीमागे मदनवाडीच्या ओढ्यातील एका विहिरीमध्ये हा मृतदेह आढळून आला आहे. नेमका हा मृतदेह कोणाचा आहे, या मृत्तदेहासोबत नेमकं काय घडलंय यासंदर्भात पुढील तपास भिगवण पोलीस करीत आहेत..

उल्हासनगरच्या कॅम्प 3 मधील पंजाबी कॉलनी अय्यपा मंदिर रस्त्यावर उभ्या असलेल्या ट्रान्सपोर्ट ट्रकने पेट घेतल्याची घटना रविवारी रात्री घडली. या आगीत ट्रकमधील माल जळून खाक झाला. तर  इमारतीच्या बाल्कनीमध्ये आगीच्या झळा पोहोचल्यानं मोठं नुकसान झालं.

काश्मीरमधील पहलगाम येथे झालेल्या अतिरेकी हल्ल्यानंतर केंद्र सरकारने देशभरात सुरक्षा वाढवताना महत्त्वाचे पाऊल उचलले आहे. देशभरात वास्तव्य करणाऱ्या पाकिस्तानी नागरिकांना भारत सोडण्याचे आदेश केंद्र सरकारने दिले असून केंद्रीय गृहमंत्री अमित शाह यांनी सर्व राज्यांना यासंदर्भात स्पष्ट निर्देश दिले आहेत. या पार्श्वभूमीवर महाराष्ट्र सरकारनेही कारवाई सुरू केली असून, अकोला जिल्ह्यात सध्या वास्तव्यास असलेल्या २२ पाकिस्तानी नागरिकांना आज २८ एप्रिल सोमवार रोजी भारत सोडण्याचा अल्टिमेटम देण्यात आला आहे.