नंदुरबार जिल्ह्यातील सातपुड्याच्या डोंगररांगा आणि इतर भागात तीव्र पाणीटंचाई असून नागरिकांना पाण्यासाठी दीड ते दोन किलोमीटरची पायपीट करावी लागत आहे. विशेषता धडगाव आणि अक्कलकुवा तालुक्यात तीव्र पाणीटंचाई असून महिलांना पाण्यासाठी दीड ते दोन किलोमीटरची भटकंती करावी लागत आहे. काही ठिकाणी पाण्याचे स्त्रोत गावापासून दूर आहेत, तर काही ठिकाणी डोंगरदर्‍यातील झऱ्यातून महिलांना पाण्यासाठी कसरत करावी लागत आहे.
Live Update : दौंड तालुक्यातील एका 17 वर्षीय मुलीची आत्महत्या, राहत्या घरात घेतला गळफास
दौंड तालुक्यातील राहू गावातील एका 17 वर्षीय मुलीने राहत्या घरात गळफास घेत आत्महत्या केलीय. तिच्या आत्महत्येच कारण अस्पष्ट असून यवत पोलीस या घटनेचा अधिक तपास करत आहेत.
Live Update : मोबाइल बंद करून सिद्धीविनायक मंदिरात भाविकांना प्रवेश, सुरक्षेसाठी न्यासाचा निर्णय
सिद्धीविनायक मंदिरात भाविकांना फोन बंद करून मंदिरात सोडण्याचा निर्णय
भाविकांना मोबाइल बंद केल्यावर आतमध्ये सोडलं जात आहे
हा निर्णय सध्या तात्पुरता स्वरूपाचा आहे
सुरक्षेच्या दृष्टीने हा निर्णय घेण्यात आलाय मात्र भाविकांमध्ये यामुळे नाराजी
Live Update : दादरमधील फेरीवाल्यांना पोलिसांनी उठवलं, मॉक ड्रिलच्या पार्श्वभूमीवर पूर्वतयारी?
दादरमधील फेरीवाल्यांना पोलिसांनी उठवलं, कुठेही फेरीवाल्यांना बसू देऊ नये असा दिला आदेश
मुंबईतील पोलीस स्थानकांना वरिष्ठांचा आदेश
मॉक ड्रिलच्या पार्श्वभूमीवर पूर्वतयारी?
Live Update : मॉक ड्रिलबाबत गृहसचिव गोविंद मोहन यांच्या अध्यक्षतेखाली गृह मंत्रालयात मोठी बैठक
मॉक ड्रिलबाबत गृह मंत्रालयात मोठी बैठक
गृहसचिव गोविंद मोहन यांच्या अध्यक्षतेखाली बैठक
7 मे रोजी 244 जिल्ह्यांमध्ये मॉक ड्रिल आयोजित केले जाईल
जिल्ह्यांमधून नागरी संरक्षण समितीचे प्रतिनिधी घेतले जातील.
सुमारे 54 वर्षांनी अशी महत्त्वाची बैठक होत आहे.
एनडीएमए, पोलिस, एनडीआरएफ आणि राज्य सरकारी संस्था सहभागी असतील.
Live Update : मुंबईतील दादर येथील डिसिल्वा शाळेत वाजवले सायरन
मुंबईतील सर्वच सायरन आज सकाळी नऊच्या ठोक्याला वाजवण्यात आले आणि या सायरन बाबत तपासणी देखील करण्यात आली. दादर येथील डिसिल्वा शाळेत सायरन वाजवण्यात आले. भारत पाकिस्तान आणि भारत चीन युद्धा दरम्यान मुंबईत आणि ठिकाणी हे सायरन लावण्यात आले आहेत. मात्र भारत पाक तणाव स्थिती आणि मॉक ड्रिल पार्श्वभूमीवर हे सायरन आज सकाळी नऊच्या ठोक्याला वाजवण्यात आले.
Live Update : बारवी धरणात 15 जुलैपर्यत पुरेल एवढाच पाणीसाठा
मागील वर्षीपेक्षा यंदा एक टक्का अधिक पाणीसाठा शिल्लक आहे. मात्र गेल्या काही दिवसांपासून मुरबाड आणि बदलापूर परिसरामध्ये तापमानाचा पारा चाळीशी पार गेला असून त्यामुळे बाष्पीभवनात 3 टक्के वाढ झालीय. यंदाच्या वर्षी बाष्पीभवन 10 टक्के आहे. मात्र तरीही 15 जुलै पर्यंत पुरेल इतका पाणीसाठा बारवी धरणात शिल्लक राहणार असल्याचं एमआयडीसी प्रशासनानं सांगितलंय. बारवी धरणातून ठाणे जिल्ह्यातील ठाणे, कल्याण डोंबिवली, भिवंडी, उल्हासनगर, मीरा भाईंदर या महापालिकांसह अंबरनाथ आणि बदलापूर नगरपालिका, तसंच एमआयडीसी आणि स्टेम प्राधिकारणांना पाणीपुरवठ केला जातो.
Live Update : गृह सचिवांच्या अध्यक्षतेखाली नागरी संरक्षण विषयक व्हिडिओ कॉन्फरन्स बैठक
गृह सचिवांच्या अध्यक्षतेखाली नागरी संरक्षण विषयक व्हिडिओ कॉन्फरन्स बैठक सकाळी 10:45 वाजता होणार आहे. या बैठकीत 244 जिल्ह्यांचे प्रतिनिधी, मुख्य सचिव आणि नागरी संरक्षण विभाग सहभागी होणार आहेत.
Live Update : स्थानिक स्वराज्य संस्था निवडणुकीवर आज सर्वोच्च न्यायालयात सुनावणी
स्थानिक स्वराज्य संस्था निवडणुकीवर आज सर्वोच्च न्यायालयात सुनावणी, महापालिकेच्या निवडणुकांचा मार्ग मोकळा होणार का याकडे लक्ष
महापालिका निवडणुकांचा मार्ग मोकळा होणार?
मागील कित्येक महिन्यांपासून ही सुनावणी रखडली असून आज सुनावणी झाली तर स्थानिक स्वराज्य संस्थांच्या निवडणुकीचा मार्ग मोकळा होण्याची शक्यता आहे
Live Update : सलग बाराव्या दिवशी पाककडून शस्त्रसंधीचं उल्लंघन
सलग बाराव्या दिवशी पाककडून शस्त्रसंधीचं उल्लंघन, नियंत्रण रेषेवर पाकिस्तानकडून गोळीबार, राजौरी, मेंढर, नौशेरा, अखनूरमधील चौक्यांवर हल्ला, भारताकडूनही पाकला चोख प्रत्युत्तर
५-०६ मे २०२५ च्या रात्री, पाकिस्तानी सैन्याने जम्मू-काश्मीरमधील कुपवाडा, बारामुल्ला, पूंछ, राजौरी, मेंढर, नौशेरा, सुंदरबनी आणि अखनूर येथील नियंत्रण रेषेवरील चौक्यांवर गोळीबार केला.
Live Update : पुणे शहरातील वाढत्या अतिक्रमणांवर आयुक्तांची करडी नजर
शहरातील अतिक्रमणांची संख्या वाढत असून, नागरिकांना पदपथांवरून चालणे अवघड झाले आहे. महापालिकेने कारवाईसाठी अनेक ठिकाणी स्थिर तसेच फिरती पथकेही नियुक्त केली आहेत. मात्र, तरीही अतिक्रमणे होत असल्याने चित्र आहे. या पार्श्वभूमीवर शहरातील अतिक्रमणांविरोधात सातत्यपूर्ण कारवाई करा, अशा सूचना आयुक्तांनी दिल्या आहेत
Live Update : बाळ सुखरूप घेऊन येताच टाळ्या आणि पेढे वाटून जल्लोषात करण्यात आलं स्वागत
सांगलीच्या मिरज शासकीय रुग्णालयातून चोरी झालेल्या बाळाची चांगली पोलिसांनी सुखरूप सुटका केली आणि रुग्णालयात तिच्या आईच्या कुशीत सुखरूप सोपवल्या दरम्यान पोलिसांच्या या कामगिरीचं सामाजिक संघटनांकडून जोरदार स्वागत करण्यात आलं. रुग्णालयामध्ये बाळाला घेऊन येताचं आंबेडकरी चळवळीचे नेते महेशकुमार कांबळे आणि विविध सामाजिक कार्यकर्त्यांकडून पोलीस दलाचे टाळ्या वाजवून स्वागत करत जयघोष करून पेढे वाटून आनंद साजरा केला तसेच सांगली पोलिसांचे कौतुक करत आभार देखील मानण्यात आले.
