महाराष्ट्रातील 'सोंगाड्या'ला मिळाला भारताचा सर्वोच्च सन्मान, पद्म पुरस्कार जाहीर; महाराष्ट्रातून किती नावं?

Padma Awards 2026 List from maharashtra : प्रजासत्ताक दिनापूर्वी पद्म पुरस्काराची यादी समोर आली आहे. सूत्रांनी दिलेल्या माहितीनुसार यामध्ये कैलाशचंद्र, ब्रज लाल भट्ट, डॉ. श्याम सुंदर सह अनेक नावांचा समावेश आहे. सरकारकडून लवकरच पद्म पुरस्कार मिळालेल्या दिग्गजांची घोषणा केली जाईल. यामध्ये चार महाराष्ट्रातील मान्यवरांचा समावेश आहे. 

महाराष्ट्रातून कोणा-कोणाला मिळाले पद्म पुरस्कार?

भिकल्या लडक्या धिंडा (महाराष्ट्र)  
रघुवीर खेडकर (महाराष्ट्र)
आर्मिदा फर्नांडीस (महाराष्ट्र)
श्रीरंग देवबा लाड (महाराष्ट्र)

लोककलावंताचा सन्मान....

यंदा महाराष्ट्रातील रघुवीर खेडकर यांना पद्म पुरस्काराने सन्मानित करण्यात आलं आहे. महाराष्ट्रातील लोककलावंत, तमाशा क्षेत्रातील एक दिग्गज व्यक्तिमत्व म्हणून त्यांच्याकडे पाहिलं जातं. खेडकर हे ज्येष्ठ तमाशा सम्राज्ञी कांताबाई सातारकर यांचे पुत्र. ते केवळ फड चालवित नाही तर त्यांनी उत्तम सोंगाड्या साकारला. गेल्या चार दशकांहून अधिक काळापासून ते तमाशा रंगभूमी गाजवित आहेत. महाराष्ट्रातील तमाशा ही लोककला त्यांनी जागतिक स्तरावर पोहोचली. डॉ. जब्बार पटेल यांनी 'एक होता विदुषक' हा चित्रपट लिहिताना रघुवीर खेडकर यांना डोळ्यासमोर ठेवले होते, अशी माहिती आहे. 
 

पद्म पुरस्कार मिळालेल्या मान्यवरांची यादी...

या सन्मानाची काय आहे खासियत? 

भारताच्या सर्वोच्च नागरिक सन्मानामध्ये सामील पद्म पुरस्कार तीन श्रेणींमध्ये दिले जातात. यामध्ये पद्म विभूषण, पद्मभूषण आणि पद्मश्री पुरस्कारांचा समावेश आहे. हे सन्मान कला, सामाजिक कार्य, जन प्रशासन, विज्ञान, व्यापार, उद्योग, वैद्यकीय, साहित्य, शिक्षण, खेळ आदी क्षेत्रांमध्ये उत्तुंग कामगिरी करणाऱ्यांना दिले जातात. पद्मविभूषण हा अपवादात्मक आणि विशिष्ट सेवेसाठी, पद्मभूषण उच्च दर्जाच्या विशिष्ट सेवेसाठी, तर पद्मश्री हा कोणत्याही क्षेत्रातील गुणवंत सेवेसाठी दिला जातो.  या पुरस्कारांची घोषणा दरवर्षी प्रजासत्ताक दिनी केली जाते.