साप दिसला की अनेकांची पाचावर धारण बसते, साप पाहिल्यानंतर लोकं गर्भगळीत होतात आणि त्यांना घाम फुटतो. साप विषारी असो अथना नसो, तो दिसला की माणसं घाबरतातच. विषारी साप चावला आणि वेळेत उपचार मिळाले नाही तर माणसाचा मृत्यू होतो. अनेकांना कोणता साप हा विषारी असतो आणि कोणता साप विषारी नसतो हे माहिती नसतं ज्यामुळे सापाबाबत मानवाच्या मनात मोठे भय असते. मात्र काही माणसं असतात जी सापांना अजिबात घाबरत नाही. एक महिला झोपलेली असताना तिच्या केसात साप फिरत असतानाचा व्हिडीओ व्हायरल झाला आहे. हा व्हिडीओ पाहून अनेकांनी आश्चर्य व्यक्त केलं असून या व्हिडीओवर कॉमेंटचा पाऊस पडतोय.
केसात फिरतोय साप
काशीकयात्रा नावाच्या इन्स्टाग्राम अकाऊंटवर हा व्हिडीओ शेअर करण्यात आला आहे. व्हिडीओमध्ये एक महिला दोन्ही हात डोक्यावर ठेवून पालथी झोपलेली दिसते आहे. ही महिला गाढ झोपेत असून तिच्या केसात एक साप फिरताना दिसतोय. केसात लपलेला हा साप डोक्याच्या पाठच्या बाजूला सरपटत जाण्याचा प्रयत्न करताना दिसतोय. हा व्हिडीओ पाहून अनेकांनी आश्चर्य व्यक्त केलं असून हा व्हिडीओ आतापर्यंत 2.7 कोटी लोकांनी पाहिला आहे. 2 लाख 26 हजार लोकांनी हा व्हिडीओ लाईक केला असूनन 1 लाख 28 हजारांपेक्षा अधिक लोकांनी व्हिडीओ शेअर केला आहे.
व्हिडीओ पाहा
'नागमणी नक्की हिच्याकडेच असणार'
या व्हिडीओवरील प्रतिक्रियांमध्ये अनेकांनी मजेशीर प्रतिक्रिया नोंदवल्या आहेत. अनेकांचे म्हणणे आहे की हा साप खरा नसून तो नकली आहे. एकाने म्हटलंय की असा सापांशी आम्ही बिहारमध्ये लहानपणी खेळत होतो. हा साप विषारी नसून तो चावत नाही असे काहींनी म्हटले आहे. अन्य एकाने म्हटलंय की आम्ही लहान असताना अशा सापांना पकडायचो आणि त्यांच्यासोबत खेळायचो. एकाने म्हटलंय की असे साप आम्ही खिशात ठेवत होतो. दुसऱ्या एकाने म्हटलंय नागमणी हिच्याकडेच असणार. '
Track Latest News Live on Marathi.NDTV.com and get news updates from India and around the world
