Makhana And Milk Benefits: शरीर निरोगी ठेवण्यासाठी आपण कित्येक प्रकारच्या खाद्यपदार्थांचे सेवन करतो. मखाणे आणि दुधाचे एकत्रित सेवन केल्यास शरीराचे कित्येक समस्यांपासून संरक्षण होण्यास मदत मिळू शकते, हे तुम्हाला माहितीय का? मखाण्यापासून कित्येक प्रकारच्या पाककृतीही तयार केल्या जातात. मखाण्यांची चवही चांगली असते आणि यापासून शरीराला लाभही मिळतात. दुधामध्ये मखाणे उकळून खाल्ल्यास कोणकोणते फायदे मिळतील? जाणून घेऊया माहिती...
मखाण्याची खीर कशी तयार करावी? (How To Make Makhana Kheer)
सामग्री-
- मखाणे
- दूध
- साखर
- तूप
- वेलची पावडर
- केशर
- बदाम-पिस्त्याचे काप
मखाणा खीर रेसिपी
- मखाण्याची खीर तयार करण्यासाठी सर्वप्रथम पॅनमध्ये तूप वितळवून घ्या.
- तुपामध्ये मखाणे परतून घ्यावे.
- दुसऱ्या पॅनमध्ये दूध उकळा आणि भाजलेले मखाणे दुधामध्ये मिक्स करा.
- थोड्या वेळाने दुधामध्ये वेलची पावडर, साखर, केशर मिक्स करा.
- गॅसच्या मध्यम आचेवर दूध गरम होऊ द्यावे.
- दूध घट्ट आणि मखाणे नरम होईपर्यंत मिश्रण गरम करावे.
- वरुन बदाम-पिस्त्याचे काप मिक्स करावे.
- मखाण्याची खीर तुम्ही थंड करुन किंवा गरमागरमही आस्वाद घेऊ शकता.
मखाण्याचे दूध पिण्याचे फायदे (Benefits of Makhana Milk Daily)
1. त्वचा
मखाण्यामध्ये व्हिटॅमिन ई आणि अन्य अँटी-ऑक्सिडंट्सचा समावेश आहे, यामुळे त्वचा निरोगी राहण्यास मदत मिळते.
2. झोप
मखाण्याचे दूध प्यायल्यास चांगली झोप मिळण्यास मदत मिळेल. कारण मखाण्यामध्ये ट्रिप्टोफॅन नावाचे अमिनो अ‍ॅसिड आहे, ज्यामुळे झोपेशी संबंधित समस्या दूर होण्यास मदत मिळू शकते.
(नक्की वाचा: Chewing Food 32 Times Benefits: एक घास 32 वेळा चावून खाल्ल्यास कोणते लाभ मिळतात?)
3. तणाव
धकाधकीच्या जीवनशैलीमध्ये तणावामुळे कित्येक जण त्रासलेले आहेत. मेंदू शांत करण्यासाठी आणि तणाव कमी करण्यासाठी मखाण्याचे दूध पिऊ शकता. यामध्ये मॅग्नेशिअम आणि पोटॅशिअम यासारख्या खनिजांचा साठा आहे, ज्यामुळे तणाव कमी होण्यास मदत मिळू शकते.
(नक्की वाचा: Best Time To Drink Coconut Water: नारळाचे पाणी पिण्याची सर्वोत्तम वेळ कोणती? या वेळेस प्यायल्यास मिळतील सर्वाधिक फायदे)
4. मधुमेह
मखाण्यामध्ये फायबरचे प्रमाण अधिक असते, ज्यामुळे मधुमेह आणि शरीराची अतिरिक्त वजन कमी होण्यास मदत मिळेल.
(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा.)
