आजच्या आपल्या खराब जीवनशैलीमुळे आणि अनहेल्दी खाण्यापिण्याच्या सवयींमुळे आपण वेळेपूर्वीच म्हातारे दिसू लागतो. अनेकांना तुम्ही पाहिले असेल की कमी वयातच आपण जास्त वयाचे दिसतो. जर तुम्हालाही दीर्घकाळ तरुण दिसायचे असेल, तर तुम्ही या गोष्टी तुमच्या आहारात समाविष्ट करू शकता. जसे आपल्या शरीराला निरोगी ठेवण्यासाठी पोषणाची गरज असते, त्याचप्रमाणे त्वचेला दीर्घकाळ तरुण आणि तेजस्वी ठेवण्यासाठी पोषणाची आवश्यकता असते. त्वचेला आतून निरोगी ठेवण्यासाठी आणि तरुणी दिसण्यासाठी तुम्ही ही चार फळे आवर्जून आहारात समाविष्ट करू शकता.
दीर्घकाळ तरुण राहण्यासाठी काय खावे?
द्राक्षे
द्राक्षे त्यांच्या अँटीऑक्सिडंट गुणधर्मांमुळे त्वचेला तरुण ठेवण्यास मदत करतात. यामध्ये व्हिटॅमिन सी असते. जे कोलेजन उत्पादनास मदत करते. ज्यामुळे त्वचा निरोगी आणि चमकदार राहते. द्राक्षांमध्ये असलेले अँटीऑक्सिडंट्स त्वचेला फ्री रॅडिकल्समुळे होणाऱ्या नुकसानीपासून देखील वाचवू शकतात.
अननस
अननस हे असे फळ आहे जे तरुण राहण्यास मदत करू शकते. यामध्ये असलेले "ब्रोमेलिन" नावाचे एन्झाइम प्रथिने पचण्यास मदत करते. आणि शरीरातील अवयवांना निरोगी ठेवण्यास सहायक आहे. याव्यतिरिक्त, अननसमध्ये जीवनसत्त्वे आणि खनिजे असतात. जे त्वचेला निरोगी आणि चमकदार ठेवण्यास मदत करू शकतात.
डाळिंब
डाळिंबामध्ये असलेले अँटीऑक्सिडंट्स ऑक्सिडेटिव्ह तणावाशी लढतात. ज्यामुळे सुरकुत्या आणि बारीक रेषांसारखी वाढत्या वयाची लक्षणे कमी होण्यास मदत होते. तुम्ही डाळिंब फळ आणि रस दोन्ही स्वरूपात आहारात समाविष्ट करू शकता.
संत्री
संत्र्यांमध्ये व्हिटॅमिन सी भरपूर प्रमाणात असते. जे कोलेजन उत्पादनासाठी आवश्यक आहे. दररोज संत्र्याचे सेवन केल्याने त्वचा निरोगी आणि दीर्घकाळ तरुण ठेवता येते.
Track Latest News Live on Marathi.NDTV.com and get news updates from India and around the world
