Ulhasnagar News : माहिती अधिकारात माहिती देण्यास टाळाटाळ, पालिकेच्या 2 अधिकाऱ्यांना ठोठावला दंड

माहिती अधिकारी माहिती न दिल्याने उल्हासनगरच्या बांधकाम विभागातीन दोन अभियंत्यांना दंड ठोठावण्यात आल्याची माहिती समोर आली आहे. माहिती अधिकार आयुक्त यांनी ही कारवाई केली आहे. या कारवाईनंतर विभागात खळबळ उडाली आहे. 

एक जनयाचिकाअंतर्गत माहिती न दिल्याने उल्हासनगर महापालिका बांधकाम विभाग उपअभियंता अश्विनी आहुजा, विजय पाटील यांच्याविरोधात ही कारवाई करण्यात आली आहे. विशेष म्हणजे या प्रकरणात समाधानकारक खुलासा न दिल्यामुळे घेतलेल्या  सुनावणीला दोघेही गैरहजर होते. याबाबत त्यांनी कोणताही खुलासा दिला नव्हता. त्यामुळे या दोघांना प्रत्येकी २५ हजारांचा दंड ठोठावण्यात आला आहे.

नक्की वाचा - BMC Election : मुंबई महापालिकेच्या निवडणुका पुन्हा लांबणीवर ! 'हे' कारण ठरणार अडथळा

यातील उपअभियंता आहुजा सेवानिवृत्त झाल्याने त्यांच्या सेवानिवृत्ती वेतनातून दहा हप्त्यात हा दंड वसूल केला जाणार आहे.