Amravati to Mumbai flight ticket : आज 16 एप्रिलपासून विदर्भातील अमरावती विमानसेवा सुरू झाली आहे. नागरी उड्डाण मंत्री किंजरापू राम मोहन नायडू यांच्या उपस्थितीत अमरावती विमानतळाचा लोकार्पण सोहळा पार पडला. यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार उपस्थित होते. अमरावतीतून विमानसेवा सुरू झाल्यामुळे अमरावतीकरांमध्ये आनंदाचं वातावरण आहे. मुंबईहून निघालेलं प्रवासी विमान अखेर नव्या कोऱ्या अमरावती विमानतळावर लँड झालं आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
दरम्यान अमरावतीहून मुंबईचा विमान प्रवास सर्वसामान्यांच्या खिशाला परवडणारा असणार आहे. अमरावती-मुंबई विमानाचं तिकीट दुरांतो एक्सप्रेस पेक्षा स्वस्त असणार आहे. बडनेरा-मुंबई दुरांतो एक्सप्रेसचे फर्स्ट एसीच्या तिकीटासाठी प्रवाशांकडून 2750 रुपये आकारले जातात. तर अमरावती-मुंबई 72 सीटर विमानाचं तिकीट 2500 ते 3300 रुपयांपर्यंत असणार आहे. त्यामुळे प्रवासी विमान प्रवासाला प्राधान्य देतील अशी अपेक्षा व्यक्त केली जात आहे.
नक्की वाचा - मासिक पाळी सुरू असल्याने दलित विद्यार्थिनीला वर्गाबाहेर बसवलं, Video समोर आल्यानंतर देशभरातून संताप
सध्या जरी अमरावती - मुंबई विमानाचं तिकीट कमी असले तरी भविष्यात अमरावती-मुंबई विमान प्रवासाची मागणी वाढल्यास विमानाचे तिकीट दर वाढवले जाऊ शकते, अशी माहिती आहे. विशेष म्हणजे अमरावतीतून विमान सेवा सुरू झाल्याने अमरावतीकरांचे दहा तास दहा मिनिटं वाचणार आहेत.
Track Latest News Live on Marathi.NDTV.com and get news updates from India and around the world
