धनंजय मुंडे यांच्या राजीनाम्यानंतर राष्ट्रवादी काँग्रेस पक्षाचे अध्यक्ष अजित पवार यांनी पक्षाची महत्त्वाची बैठक बोलावली आहे. देवगिरी बंगल्यावर संध्याकाळी ही बैठक होणार आहे. राष्ट्रवादी काँग्रेसचे सर्व महत्त्वाचे नेते या बैठकीला उपस्थित राहणार आहेत. या बैठकीत संघटनात्मक बांधणीवर चर्चा होणार आहे. 

अजित पवार यांनी सायंकाळ 5 वाजता सर्व जिल्हाध्यक्ष देवगिरी बंगला येथे बोलवली बैठक 

धनंजय मुंडे यांच्या राजीनाम्यानंतर तसेच संघटनात्मक बांधणी यावर चर्चा होणार 

एनसीपी सर्व महत्वाचे नेते यावेळेस उपस्थित राहणार

संतोष देशमुख यांची हत्या करताना मारेकऱ्यांनी जी क्रूरता केली आहे, ती माणुसकीला काळीमा फासणारी आहे. या घटनेचे फोटो पाहून तळपायाची आग मस्तकात गेल्याशिवाय रहात नाही. काल या घटनेची छायाचित्रे पाहिल्यापासून संपूर्ण महाराष्ट्र आक्रोश करत आहे. पोलीस आणि सरकारकडे ही छायाचित्रे आणि व्हिडीओ असूनही सरकार धनंजय मुंडे यांना वाचवत होते. सरकारच्या या कृत्यामुळे महाराष्ट्राची मान शरमेने खाली गेली असून मुख्यमंत्री देवेंद्र फडणवीस आणि उपमुख्यमंत्री अजित पवार यांनी पदावर राहण्याचा नैतिक अधिकार गमावला आहे. त्यांनी तात्काळ राजीनाम द्यावा अशी मागणी महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी केली आहे.   

 छत्रपती संभाजी महाराजांचा छळ करून हत्या करणाऱ्या औरंग्याचे गोडवे अबू आझमींना गायले. अबू आझमी निषेध करायला पाहिजे. अबू आझमी जाणीवपूर्वक छत्रपती शिवाजी महाराज आणि छत्रपती संभाजी महाराजांचा अपमान करतात. छत्रपती शिवाजी महाराज आणि छत्रपती संभाजी महाराजांचा अवमान करणारे अबू आझमी देशद्रोही आहे. अबू आझमी यांना सभागृहात बसण्याचा अधिकार नाही. छत्रपती संभाजी महाराजांचा छळ करून हत्या करणाऱ्या औरंग्याचे गोडवे गाणे म्हणजे आपल्या राष्ट्रपुरुषाचा आणि आपल्या देशभक्तीचा अपमान आहे, असं एकनाथ शिंदे यांनी म्हटलं. 

देश धर्म पर मिटने वाला, शेर शिवा का छावा था। महा पराक्रमी परम प्रतापी, एक ही शंभू राजा था!

छत्रपती संभाजीनगरमध्ये मराठा आंदोलक आक्रमक

शहरातील क्रांती चौकात धनंजय मुंडेंच्या विरोधात जोरदार घोषणाबाजी

धंनजय मुंडेंना सहआरोपी करत फाशी देण्याची मागणी 

संतोष देशमुख हत्या प्रकरणावरून मराठा आंदोलक आक्रमक

संतोष देशमुख हत्या प्रकरणातील जे आरोपी आहेत त्यांना फाशीची शिक्षा झाली पाहिजे.  बीड जिल्ह्यात गुन्हेगारी वाढली आहे. सर्व तिथे भीतीत जगतात. फक्त राजीनामा घेऊन काहीही होणार नाही, असं भाजप आमदार नमिता मुंदडा यांनी म्हटलं.

नैतिकतेच्या मुद्द्यावर राजीनामा झालेला आहे, अजित पवारांची धनंजय मुंडेंच्या राजीनाम्यावर थोडक्यात प्रतिक्रिया. पत्रकारांच्या प्रश्नांवर अजित पवारांनी बोलणे टाळले. 

आदित्य ठाकरेंची संतप्त प्रतिक्रिया, "मुख्यमंत्र्यांकडे हे फोटो आधी आले नव्हते का? गृहमंत्री यांनी देखील राजीनामा दिला पाहिजे, सध्याचं राजकारण घाणेरडं झालं आहे. हे सरकार बरखास्त झालं पाहिजे."

धनंजय मुंडेंचा केवळ राजीनामा स्वीकारून चालणार नाही. सरकारच बरखास्त झालं पाहिजे. राज्यात कायदा सुव्यवस्थेची स्थिती निर्माण झाली आहे. राज्यात महिला सुरक्षित नाही. संतोष देशमुख हत्येप्रकरणी डिसेंबरपासून हा विषय सुरु आहे. हत्येनंतर अधिवेशन झालं, महाविकास आघाडीच्या आमदारांनी हा विषय लावून धरला होता. आम्ही पारदर्शक चौकशीसाठी धनंजय मुंडे यांनी राजीनामा द्यावी ही मागणी केली होती. भाजपचे आमदार देखील राजीनाम्याची मागणी करत होते, असं आदित्य ठाकरे म्हणाले. 

संतोष देशमुखांवर भयानक अत्याचार झाले होते. मुख्यमंत्री कुठेतरी ऐकून घेतील आणि न्याय देतील असं आम्हाला वाटलं होतं. मात्र मुख्यमंत्र्यांचे हात कुणी बांधले होते, कशासाठी बांधले होते, मैत्रीच्या नात्यात बांधले होते का, की महायुती धर्मात बांधले होते, नेमके कशासाठी बांधले होते माहिती नाही. मात्र त्यांनी सांगितलं होतं आम्ही न्याय देऊ, चौकशी लवकर पूर्ण होईल. डिसेंबर गेला, जानेवारी, फेब्रुवारी, मार्च महिना आला हे अधिवेशन सुरु झालं. काल भयानक फोटो आले. महाराष्ट्राने अशी भयानक हत्या कधी पाहिली नाही. देशमुख कुटंबियांची अवस्था कशी असेल याचा विचार करु शकत नाही, असं आदित्य ठाकरे यांनी म्हटलं.  

धनंजय मुंडे यांनी माझ्याकडे मंत्रिपदाचा राजीनामा दिला आहे. त्यांचा राजीनामा मी स्वीकारला असून त्यांना पदमुक्त केले आहे. पुढील कार्यवाहीसाठी राजीनामा राज्यपालांकडे पाठवला आहे. 

देवेंद्र फडणवीसांनी धनंजय मुंडेंचा मंत्रिपदाचा राजीनामा स्वीकारला, थोड्यात वेळात अधिकृत घोषणा 

संतोष देशमुखांच्या मारेकऱ्यांची आधी कातडी सोलून काढा आणि मग फासावर द्या- चित्रा वाघ

रोहीत पवार : मुख्यमंत्री भज्या तळायला आहेत का? मुख्यमंत्र्यानी त्यांची ताकद दाखवायला हवी. तुमच्याकडे 2 महिन्यांपूर्वी संतोष देशमुखांचे फोटो आलेत. काल ते फोटो पाहिल्यानंतर आम्हाला झोप लागली नाही, अख्ख्या महाराष्ट्राला झोप आली नाही.  तुम्ही मैत्री जपताय, सरकार जपताय, राजकारण जपयात पण माणुसकी जपणं तुम्हाला जमलं नाही. 

थोरले मुंडे साहेब असते तर धनंजय मुंडेंना चाबकाने मारलं असतं आणि राजीनामा द्यायला लावलाच असता. मुख्यमंत्री देवेंद्र फडणवीसांना माझी विनंती आहे, तुमची मैत्री कचऱ्यात टाका आणि आजच्या आज धनंजय मुंडेंचा राजीनामा सरकारने घेतलाच पाहिजे. 

सुरेश धस यांची प्रतिक्रिया

"जल्लाद, राक्षस, हैवान या सगळ्याच्या पलिकडे ही घटना घडली. 16 डिसेंबरच्या माझ्या भाषणात हे सर्व मुद्दे बाहेर आले होते. आता तरी अजितदादांनी निर्णय बदलू नये आणि धनंजय मुंडेंना राजीनामा द्यायला लावा."

मुख्यमंत्री देवेंद्र फडणवीसांना माझी विनंती आहे, तुमची मैत्री कचऱ्यात टाका आणि आजच्या आज धनंजय मुंडेंचा राजीनामा सरकारने घेतलाच पाहिजे. 

थोरले मुंडे साहेब असते तर धनंजय मुंडेंना चाबकाने मारलं असतं आणि राजीनामा द्यायला लावलाच असता

रोहित पवार, आमदार (राशप)

आताची सर्वात मोठी बातमी; धनंजय मुंडे यांनी काल रात्रीच पक्षाकडे राजीनामा सोपवला

स्वारगेट प्रकरणाचा तपास गुन्हे शाखेकडे वर्ग, स्वारगेट पोलिसांकडून तपास काढला

स्वारगेट प्रकरणाचा तपास गुन्हे शाखेकडे वर्ग करण्यात आला आहे. आतापर्यंत स्वारगेट पोलिसांकडे या प्रकरणाचा तपास होता. 

आज विधानसपरिषदेतील लक्षवेधी...

लाडकी बहीण हफ्ता न मिळणे

झोमॅटोसारख्या सेवांसाठी काम करणारे डिलिव्हरी बॉय यांच्या समस्या..

सोमनाथ सुर्यवंशी हत्या

अंजली दमानिया आज सकाळी 9.30 वाजता पत्रकार परिषद घेणार आहेत. त्या काय गौप्यस्फोट करणार याकडे सर्वांचं लक्ष लागलं आहे. 

पुण्याच्या स्वारगेट बस स्थानकात एका 26 वर्षीय तरुणीवर बलात्कार झाल्याच्या प्रकरणात पोलिसांपाठोपाठ आता पुण्यातील सरकारी रुग्णालय ससूनचे प्रशासनही असंवेदनशील झाल्याचे दिसून येत आहे. सुरुवातीला आरोपी दत्तात्रय गाडे व पीडित तरुणीचे परस्पर संमतीने संबंध होते असे सांगून पोलिसांनी तिचे चारित्र्यहनन करण्याचा प्रयत्न केला. आता बलात्काराची केस मागे घेण्यासाठी तिच्या कुटुंबीयांवर दबाव टाकला जात आहे, अशी माहिती पीडितेचे वकील असीम सरोदे यांनी दिली आहे.

आज अर्थसंकल्पीय अधिवेशनाचा दुसरा दिवस असून आज संतोष देशमुख हत्या प्रकरणावरुन राज्य सरकारवरला घेराव घालण्याची शक्यता आहे.