Ganpati Visarjan Miravnuk 2025 : मुंबई आणि पुण्यातील गणेश विसर्जन मिरवणुकीचं राज्यभरात आकर्षण असतं. यंदाही या मिरवणुका रेकॉर्ड करणार असल्याचं दिसून येत आहे. पुण्यातील विसर्जन मिरवणुका अजूनही सुरू आहेत. रात्री 12 नंतर डीजे बंद केल्याने अनेक वेळ मिरवणूक रेंगाळली होती. मात्र पहाटे 6 वाजल्यापासून पुन्हा डीजे सुरू झाला. आता (Pune Ganpati Visarjan Miravnuk) पुन्हा सकाळपासून डीजेचा दणदणाट सुरू झाल्याचं सांगितलं जात आहे. अजूनही शेकडो गणेश मंडळे कुमठेकर,लक्ष्मी आणि केळकर रस्त्यावर थांबून आहेत. मुख्य विसर्जन मिरवणूक सुरू होऊन 20 तास उलटले तरीही शहरात मिरवणूक सुरूच आहे.
पुण्यातील मानाच्या पाचही गणपतीचं विसर्जन पार पडलं असून पुण्यातील अनेक लहान-मोठ्या सार्वजनिक गणेश मंडळांचं विसर्जन अद्याप बाकी आहे. हिंदुस्थानातील पहिला सार्वजनिक गणेशोत्सव श्रीमंत भाऊसाहेब रंगारी गणपती पहाटे 3 वाजता अलका टॉकीज चौकात दाखल झाला. भाऊसाहेब रंगारी गणपतीच्या विसर्जन मिरवणुक पारंपरिक रथातून काढण्यात आली. अलका टॉकीज चौकातून भंडाऱ्याची उधळण आणि आतिषबाजी करत श्रीमंत भाऊसाहेब रंगारी गणपतीला निरोप देण्यात आला तर 3 वाजून 51 मिनिटांनी रंगारी गणपतीच विसर्जन पार पडलं.
मिरवणुकीत दोन गटात बाचाबाची
यंदाही या मिरवणुकीत शेकडो गणेश भक्त सामील झाले होते. मात्र विसर्जन मिरवणुकीदरम्यान दोन गटांमध्ये बाचाबाची झाली. तरुणांची एकमेकांना मारहाण केल्याचा एक व्हिडिओही समोर आला आहे. विसर्जन मिरवणुकीदरम्यान वाद झाल्याने तरुणांमध्ये हाणामारी झाली. पोलिसांच्या मध्यस्थीने वाद थांबला. अल्का टॉकीज चौकात मिरवणुकीदरम्यान बाचाबाची झाली होती.
लालबागच्या राजाचं 7 नंतर विसर्जन होण्याची शक्यता (lalbaugcha raja visarjan)
मिळालेल्या माहितीनुसार, सध्या लालबागचा राजा VP रोड भागात आहे. 7 नंतर लालबागच्या राजाचं विसर्जन होण्याची शक्यता आहे. गेल्या 18 तासांपूर्वी लालबागच्या राजाच्या विसर्जन मिरवणुकीला सुरुवात झाली. लवकरच राजाचं विसर्जन होणार असल्याचं सांगितलं जात आहे.
Track Latest News Live on Marathi.NDTV.com and get news updates from India and around the world
