Live News Update : पुणे स्वारगेट बस डेपो अत्याचार प्रकरणातील आरोपी दत्तात्रय गाडे याला पोलिसांनी बेड्या ठोकल्या आहेत. पुण्यातील शिरूर तालुक्यातील एका गावातून पुणे पोलिसांनी आरोपीला अटक केली आहे. रात्री 1 वाजता आरोपीला पुणे पोलिसांनी ताब्यात घेतलं. तब्बल 75 तासांनी आरोपीला पकडण्यात पोलिसांना यश आलं आहे. स्वारगेट अत्याचार प्रकरण उघडकीस आल्यानंतर पोलिसांनी आरोपीला पकडण्यासाठी श्वानपथक, ड्रोन कॅमेरे अशा पद्धतीने यंत्रणा राबवली. त्यानंतर 100 ते 150 पोलिसांची फौज बोलवून आजूबाजूच्या ऊसाच्या शेतात देखील आरोपीचा शोध घेतला.
Chiplun News: चिपळूणमध्ये भाजपाचा ठाकरे गटाला मोठा धक्का
चिपळूणमध्ये भाजपाने उबाठाला मोठा धक्का दिला आहे. चिपळूण येथील उबाठाचे विद्यमान शहर प्रमुख व माजी नगरसेवक शशिकांत मोदी, शक्ती कुमार चवन, ज्ञानेश्वर नलावडे यांनी आज भाजपाचे कार्यकारी अध्यक्ष रविंद्र चव्हाण यांच्या प्रमुख उपस्थितीत भाजपात प्रवेश केला. त्यामुळे रत्नागिरी जिल्ह्यात शिवसेना उबाठाला लागलेली गळती काही थांबताना दिसत नाहीय. काही दिवसांपूर्वी अनेक पदाधिकारी, कार्यकर्त्यांनी शिंदेंच्या शिवसेनेत तसेच अजित पवारांच्या राष्ट्रवादीत प्रवेश केला होता.. त्यातच आता भाजपनेही चिपळूणमध्ये शिवसेनेला धक्का दिला आहे.. त्यामुळे आगामी काळात उबाठाची जिल्ह्यातील वाटचाल खडतर असणार आहे..
Alibag Boat Fire: अलिबाग जवळ समुद्रात मच्छीमार बोटीला आग, सर्व खलाशी सुखरूप
अलिबाग जवळ समुद्रात मच्छीमार बोटीला आग.
भर समुद्रात बोटीने घेतला पेट, आज सकाळची घटना.
आगीत बोट 80 टक्के जळून खाक.
बोटीवरील जाळी देखील जळाली.
बोटीवर 18 ते 20 खलाशी असल्याची माहिती,
बोटीवरील सर्व खलाशी सुखरूप.
साखर गावातील राकेश मारुती गण यांच्या मालकीची बोट.
आगीचे कारण अद्याप अस्पष्ट, शॉर्ट सर्किटने आग लागल्याची प्राथमिक माहिती.
स्थानिकांच्या मदतीने बोट किनाऱ्यावर आणली आग विझविण्याचे काम सुरू
Kolhapur Fire: राजाराम साखर कारखाना परिसरात भीषण आग
राजाराम साखर कारखाना परिसरात भीषण आग
कसबा बावडा येथे असणाऱ्या या कारखान्याला लागलेल्या आगीमुळे नागरिकांची गर्दी
घटनास्थळी अग्निशमन पथकाचं एक वाहन दाखल
आग आटोक्यात आणण्यासाठी प्रयत्न सुरू
Mumbai Fire: मुंबईच्या भायखळा भागातील इमारतीत आग
मुंबईमधील भायखळा पूर्व भागातील एका इमारतीला भीषण आग लागल्याची घटना घडली आहे. मध्यरात्री ही घटना घडली असून अग्निशमन दलाच्या जवानांनी आग आटोक्यात आणली आहे. या घटनेत कोणीही जखमी झाल्याची माहिती समोर आलेली नाही.
निलम शिंदे हिचे वडील आणि भावाल व्हिजा मंजूर
कॅलिफोर्नियामध्ये रस्ते अपघातात जखमी झाल्यानंतर कोमात गेलेल्या निलम शिंदे यांचे वडील आणि भाऊ यांना शुक्रवारी अमेरिकेचा व्हिसा मंजूर करण्यात आला आहे. मुंबईतील अमेरिकन वाणिज्य दूतावास कार्यालयात दोघांनी मुलाखतीला उपस्थित राहिल्यानंतर हा व्हिसा जारी करण्यात आला.
शेयर बाजारात मोठी घसरण, सेन्सेक्स 74000 च्या खाली
शेअर बाजारात आज ब्लॅक फ्रायडे. सेन्सेक्स जवळपास 900 अंकांनी तर निफ्टी 275 अंकांनी तुटला. सेन्सेक्स 74000 च्या खाली तर निफ्टी 22,200 जवळ. शेअर बाजार सलग पाच महिने कोसळण्याची ही 31 वर्षातली पहिलीच वेळ आहे.
मुख्यमंत्री कार्यालयावर हल्ला करण्याची धमकी, मुंबई वाहतूक पोलिसांना आलेल्या मेसेजने खळबळ
मुख्यमंत्री कार्यालयावर हल्ला करण्याची मुंबई वाहतूक पोलिसांना व्हॉट्सअॅपवर धमकीचा मेसेज
वरळी पोलिसांकडून गुन्हा दाखल करून तपासाला सुरुवात
पाकिस्तानी नंबरवरून ट्रॅफिक पोलिसांना व्हॉट्सअॅपवर हा धमकीचा मेसेज आला
बुधवारी दुपारी मेसेज आल्यानंतर तपास यंत्रणा अलर्ट मोडवर
मेसेज करणाऱ्या व्यक्तीने मालिक शहाबाज हुमायून राजा देव असे नाव सांगितले
मेसेज करणारी व्यक्ती भारतातील की बाहेरील याचा तपास सुरू
नेपाळ 6.1 रिश्टर स्केल भूूकंपाने हादरला
नेपाळमधील काठमांडूजवळ शुक्रवारी पहाटे एक शक्तिशाली भूकंप झाला, ज्याची तीव्रता रिश्टर स्केलवर 6.1 इतकी मोजली गेली. भूकंपामुळे जीवित किंवा वित्तहानी झाल्याची अद्याप माहिती नाही. नॅशनल भूकंप मॉनिटरिंग अँड रिसर्च सेंटरच्या म्हणण्यानुसार, काठमांडूपासून 65 किमी पूर्वेला सिंधुपालचौक जिल्ह्यातील कोदारी महामार्गावर पहाटे 3.51 वाजता रिश्टर स्केलवर 6.1 तीव्रतेचा भूकंप झाला. काठमांडू खोऱ्यात आणि परिसरात भूकंपाचे धक्के जाणवले.
मुंबई-अहमदाबाद महामार्गावर मोठी वाहतूक कोंडी
मुंबई-अहमदाबाद महामार्गावर मोठी वाहतूक कोंडी
नायगाव ते विरारपर्यंत वाहनांची रांग
10 किलोमीटरपर्यंत वाहनाच्या रांगा
वाहतूक पोलिसांकडून कोंडी सोडवण्याचा प्रयत्न सुरू
ठाण्याकडून पालघरच्या दिशेने जाणाऱ्या मार्गांवर वाहतूक कोंडी
सेबीच्या प्रमुखपदी तुहीन कांत पांडे यांची नियुक्ती
सेबीच्या प्रमुखपदी तुहीन कांत पांडे यांची नियुक्ती करण्यात आली आहे. विद्यमान सेबी प्रमुख माधवी पुरी-बुच यांचा कार्यकाळ संपल्यानंतर तुहीन कांत पांडे सेबीच्या अध्यक्षपदाचा कार्यभार स्वीकारतील. पांडे सध्या केंद्रीय अर्थमंत्रालयात मुख्य सचिव आहेत. पुढील तीन वर्षांसाठी ही नियुक्ती असेल. पांडे १९८७ च्या बॅचचे ओडिशा केडरचे IAS अधिकारी आहे.
छत्रपती संभाजीनगरमध्ये एकाच हॉलमध्ये 124 विद्यार्थ्यांची सामूहिक कॉपी
संभाजीनगर शिवराजवळील जटवाडा भागातील ओहर येथील राजर्षी शाहू महाराज माध्यमिक विद्यालयातील परीक्षा केंद्रात गुरुवारी जीवशास्त्राचा पेपर देणाऱ्या 125 विद्यार्थ्यांना एकाच हॉलमध्ये बसवून सामूहिक कॉपी करून घेतल्याचा धक्कादायक प्रकार उघडकीस आला आहे. केंद्रातील परीक्षा खोलीला लागूनच संस्था सचिवाच्या कार्यालयात अत्याधुनिक झेरॉक्स मशीनही तहसीलदारांच्या भरारी पथकाच्या निदर्शनास आली. या गैरप्रकाराचा पंचनामा करून तहसीलदारांच्या पथकाने शिक्षण विभागाच्या अधिकाऱ्यांना तत्काळ बोलावून घेतले. 125 विद्यार्थ्यांपैकी 124 विद्यार्थ्यांनी बहुपर्यायी प्रश्नांची एकाच पर्यायावर टिकमार्क केलेले होते. त्यावरून हा सामूहिक कॉफीचा प्रकार असल्याचे समोर आले. विशेष म्हणजे परीक्षा केंद्राचे संचालक जी. जे. जाधव यांना जिल्हा परिषदेची वैयक्तिक मान्यता नसल्याचेही स्पष्ट झाले. तसेच केंद्रात सही केलेल्या 16 पर्यवेक्षकांपैकी एकाही पर्यवेक्षकाला मान्यता नसल्याचे समोर आले आहे.
