Ajit Pawar Death: महाराष्ट्राचे उपमुख्यमंत्री अजित पवार यांच्या निधनामुळे संपूर्ण देश हादरून गेला आहे. बुधवारी (28 जानेवारी) सकाळी बारामती येथे लँडिंग करताना त्यांच्या विमानाचा अपघात झालाय.
Photo Credit: PTI
अपघात इतका भीषण होता की विमानाचे तुकडे दूरवर विखुरले गेले आणि घटनास्थळावरून आगीच्या ज्वाळा-धुराचे मोठेमोठे लोट पसरत होते.
Photo Credit: PTI
अधिकाऱ्यांनी सांगितले की, अजित पवार मुंबईहून बारामतीकडे रवाना झाले होते, जेथे दिवसभरात चार निवडणूक सभा ते संबोधित करणार होते. पण लँडिंगदरम्यान विमानाचा तोल गेला आणि विमान धावपट्टीवरून घसरून अपघात झाला.
(नक्की वाचा: Ajit Pawar Passes Away:अजित पवारांच्या अपघातापूर्वी काय घडलं? धक्कादायक माहिती समोर, पायलटने मेडे कॉल केला अन्...)
Photo Credit: PTI
अपघाताच्या वेळी विमानात अजित पवार यांच्यासह त्यांचे सुरक्षा अधिकारी, एक परिचारक आणि दोन क्रू मेंबर्स उपस्थित होते. सर्वांचा जागीच मृत्यू झाला.
Photo Credit: PTI
प्रत्यक्षदर्शींनी दिलेल्या माहितीनुसार, विमानाने जमिनीला स्पर्श करताच विमानाला जोराचा झटका बसला आणि काही सेकंदांतच आगीचा भडका उडाला.
Photo Credit: PTI
पोलीस आणि बचाव पथकाने घटनास्थळी दाखल होत लागलेली आग आटोक्यात आणली.
(नक्की वाचा: Ajit Pawar Passes Away: अजित पवारांचे अकाली निधन अत्यंत धक्कादायक, PM नरेंद्र मोदी यांनी व्यक्त केला शोक)
Photo Credit: PTI
प्राथमिक तपासातील माहितीनुसार, लँडिंगदरम्यान विमानाचा तोल गेला आणि धावपट्टीच्या कडेला जाऊन ते आदळले, यानंतर मोठा स्फोट झाला. विमानतळावर तातडीने आपत्कालीन स्थिती घोषित करण्यात आली.
Photo Credit: PTI
या घटनेनंतर संपूर्ण महाराष्ट्रात शोककळा पसरली आहे. अजित पवार यांच्या पत्नी आणि मुलं तातडीने बारामतीकडे रवाना झाले आहेत. विविध राजकीय पक्ष, नेते आणि सर्वसामान्य नागरिकांनी या घटनेबद्दल तीव्र दुःख व्यक्त केले आहे. राज्य सरकारने या दुर्घटनेच्या उच्चस्तरीय चौकशीचे आदेश दिले आहेत.
