Ajit Pawar Passes Away: अजित पवारांचे अकाली निधन अत्यंत धक्कादायक, PM नरेंद्र मोदी यांनी व्यक्त केला शोक

Ajit Pawar Passes Away: महाराष्ट्राचे उपमुख्यमंत्री अजित पवार यांचा विमान अपघातामध्ये मृत्यू झाला आहे. या घटनेमुळे संपूर्ण देशाला मोठा धक्का बसला आहे. बुधवारी (28 जानेवारी 2026) सकाळी बारामतीमध्ये लँडिंगदरम्यान त्यांच्या विमानाचा मोठा अपघात झालाय. हा अपघात इतका भीषण होता की विमानाचे अक्षरशः तुकडे तुकडे झाले आहेत. अजित पवार यांचे निधन झाले आहे, यावर अजूनही कोणाचाही विश्वास बसत नाहीय. अजित पवार यांच्या निधनाबाबत पंतप्रधान नरेंद्र मोदी यांनी सोशल मीडिया प्लॅटफॉर्म 'X' च्या माध्यमातून शोक व्यक्त केलाय.

पंतप्रधान नरेंद्र मोदी यांनी व्यक्त केला शोक

"श्री अजित पवारजी हे जनतेचे नेते होते, ज्यांचा तळागाळातील लोकांशी घनिष्ठ संबंध होता. महाराष्ट्राच्या जनतेची सेवा करण्यात अग्रेसर असलेले एक मेहनती व्यक्तिमत्त्व म्हणून त्यांचा सर्वत्र आदर केला जात असे. प्रशासकीय बाबींची त्यांना असलेली जाण आणि गरीब-वंचित लोकांना सक्षम करण्याची त्यांची तळमळही उल्लेखनीय होती. त्यांचे अकाली निधन अत्यंत धक्कादायक आणि दुःखद आहे. त्यांच्या कुटुंबीयांना आणि असंख्य चाहत्यांप्रति मी सहवेदना व्यक्त करतो. ओम शांती."

Shri Ajit Pawar Ji was a leader of the people, having a strong grassroots level connect. He was widely respected as a hardworking personality at the forefront of serving the people of Maharashtra. His understanding of administrative matters and passion for empowering the poor and… pic.twitter.com/mdgwwGzw4R

— Narendra Modi (@narendramodi) January 28, 2026 

(नक्की वाचा: Ajit Pawar Death: राजकारणातील 'धुरंदर दादा' काळाच्या पडद्याआड! DCM अजित पवार यांचे निधन; महाराष्ट्रावर शोककळा)

महाराष्ट्रातील बारामती येथे झालेल्या विमान अपघातामुळे व्यथित झालो आहे. या अपघातामध्ये ज्यांनी आपल्या प्रियजनांना गमावलंय, त्याबाबत मी सहवेदना व्यक्त करतो. या दुःखाच्या क्षणी शोकाकुल कुटुंबीयांना सामर्थ्य आणि धैर्य मिळो, यासाठी मी प्रार्थना करतो. - PM नरेंद्र मोदी

Saddened by the tragic air crash in Baramati, Maharashtra. My thoughts are with all those who lost their loved ones in the crash. Praying for strength and courage for the bereaved families in this moment of profound grief.

— Narendra Modi (@narendramodi) January 28, 2026