Manoj Jarange Morcha : मराठा आरक्षणाच्या मागणीसाठी मनोज जरांगे पाटील यांनी पुन्हा एकदा आंदोलन सुरु केले आहे. मनोज जरांगे आता थेट मुंबईच्या दिशेने कूच करत आहेत. मुंबईत आझाद मैदानात आंदोलनाला बसून मराठा आरक्षणाच्या मागणीकडे मनोज जरांगे लक्ष वेधणार आहेत. त्याआधी आंतरवाली सराटी येथून मुंबईपर्यंत मराठा बांधवांसोबत ते हा प्रवास करत आहेत. त्यांच्या नेतृत्वाखालील या मोर्चाचा संपूर्ण मार्ग जाहीर करण्यात आला आहे, ज्यानुसार हा प्रवास 27 ऑगस्ट रोजी अंतरवाली सराटी येथून सुरू झाला आहे.
मोर्चाचा पहिला दिवस - 27 ऑगस्ट
मोर्चाची सुरुवात 27 ऑगस्ट रोजी सकाळी 10 वाजता अंतरवाली सराटी येथून झाली आहे. येथून हा मोर्चा शहागड, पैठण, शेवगाव, पांढरीपुल आणि आळेफाटा मार्गे किल्ले शिवनेरी येथे पोहोचेल. छत्रपती शिवाजी महाराजांचे जन्मस्थान असलेल्या किल्ले शिवनेरीवर मनोज जरांगे पाटील यांचा मुक्काम असणार आहे.
(नक्की वाचा- Maratha reservation: "तुमच्या आडमुठे धोरणामुळे मराठा तरुणांच्या आत्महत्या", जरांगेंचा CM फडणवासींवर हल्लाबोल)
मोर्चाचा दुसरा दिवस - 28 ऑगस्ट
28 ऑगस्ट रोजी सकाळी किल्ले शिवनेरीचे दर्शन घेऊन मनोज जरांगे पाटील यांचा मोर्चा मुंबईच्या दिशेने रवाना होईल. हा मोर्चा चाकण, तळेगाव आणि लोणावळा या महत्त्वाच्या ठिकाणांवरून पुढे सरकत थेट वाशी मार्गे मुंबईतील आझाद मैदानावर पोहोचेल. या दिवशी मोठा जनसमुदाय रस्त्यावर उतरण्याची शक्यता आहे.
मुंबईत आंदोलन - 29 ऑगस्ट
29 ऑगस्ट रोजी सकाळी मनोज जरांगे पाटील आणि त्यांच्यासोबत आलेले आंदोलक आझाद मैदानावर उपस्थित राहतील. येथे मराठा आरक्षणासंदर्भात सरकारकडे आपली मागणी पुन्हा एकदा जोरदारपणे मांडण्यात येईल. हा मोर्चा शांततापूर्ण मार्गाने व्हावा, यासाठी प्रशासनाने आवश्यक ती तयारी केली आहे. मात्र, मोठ्या संख्येने लोक सहभागी होण्याची शक्यता असल्याने मुंबई शहरावर या मोर्चाचा परिणाम दिसून येईल.
(नक्की वाचा- Manoj Jarange Patil Live Morcha : धुळे-सोलापूर महामार्गावर मोठी गर्दी)
मुंबईत आंदोलनाला हायकोर्टाने परवानगी नाकारली
मराठा आरक्षणासाठी मुंबईत आंदोलन करण्याच्या मनोज जरांगे यांच्या मागणीला मुंबई उच्च न्यायालयाने परवानगी नाकारली आहे. गणेशोत्सवाच्या काळात कायदा आणि सुव्यवस्थेचा प्रश्न निर्माण होऊ शकतो, हे कारण देत न्यायालयाने हा निर्णय दिला आहे.
Track Latest News Live on Marathi.NDTV.com and get news updates from India and around the world
